Муниципальное бюджетное дошкольное образовательное учреждение «Центр развития ребенка - детский сад №96 «Елмаю» НМР РТ

Сценарий утренника к 8 Марта в старшей группе

                                                          Автор:Муллина  

                                                              Лилия Ивановна

                                                     Воспитатель,

г. Нижнекамск

Ә Н И  Б У Л У—З У Р   Б Ә Х Е Т

(Зурлар  төркеме  өчен)

Балалар “Яз килә”  җырына  залга  керәләр.Ярымтүгәрәккә  басалар.

Алып  баручы.Хәерле көн, безнең иң кадерле кунакларыбыз- әниләр, әбиләр, бакчабызның барлык хезмәткәрләре! Сезне барыгызны да бәйрәм белән котлыйбыз! Һәрвакыт шат, сәламәт, бәхетле булыгыз. Әни, ана – бары тик өч хәрефтән генә торган сүзләр үзләрендә күпме наз, йөрәк җылысы, саф мәхәббәт саклыйлар. Әйе, әлеге сүзне әйткән саен күңел йомшара, ишеткән саен дөнья ямьләнә. Әни бит ул җир йөзендә һәркемнең дә иң якын, иң кадерле кешесе.

1 бала. Кояш  җиргә  туры  карый,

               Кышның айлары  бетә.

               Тамчы  тама, карлар  эри,

               Җиргә  җылы  яз  килә.

Яз.  (Балалар  арасыннан  чыга).

               Исәнмесез, дусларым,

               Менә  мин  килдем  тагын.

               Кыш  артыннан  мин  киләм,

               Сезне  күреп  сөенәм.

2 бала.  Салкыннарны,  бураннарны

                Яз  куды  еракларга.

                Матур  төсләр  алып  килер,

                Урманнарга, кырларга.

3 бала.  Җыелдык  без  залыбызга,

                Бу  бәйрәм  иртәсендә,

                Әниләрне,  әбиләрне

                Чакырдык  һәммәсен дә.

4 бала.  Бәйрәмнәрнең  бәйрәме  ул,

                Хатын-кызлар  бәйрәме.

                Алар  һәрбер  гаиләнең

                Бәхете,  иң  зур  яме.

5 бала.  Котлыйбыз  сезне, ӘНИЛӘР

                Иң  күркәм  бәйрәм  белән!

                Иң  кадерле  кеше  булып,

                Яшәгез  безнең  белән!

Җ Ы Р:   “Кояш гомере                             ”.

                     Утыралар.

Бер бала  тартма (шкатулка) тотып  чыга.

7 бала. “Әни”  сүзе   иң  кадерле,

              “Әни”  сүзе  иң  кыйммәт.

              “Әни”  сүзе  кояшка  тиң.

              Әниләргә зур  хөрмәт.

              Менә  миндә  “әни”  сүзе.(Күрсәтә)

              Ул  сүз  сездә  дә  бармы?  (Балалар “бар”)

               Шулай  булгач,  бар  да  яхшы.

              Бәйрәмебез  башланды.

        Шкатулканы  алып баручыга  бирә. Алып  баручы  шкатулканы  ачып,  балаларга  күрсәтеп  сөйли.

Алып баручы. Балалар,  чынлап  та,  бу  тартмада   иң  кадерле  “Әни” сүзе.  Яз  кызы,  чык  әле  бирегә,  без  аны  сиңа  бүләк  итәбез.  Син  бит  күп  илләрдә,  күп  җирләрдә  буласың. Дөньяның  барлык  илләрендәге  әниләргә  безнең  сәламнәребезне  тапшырырсың.

Яз (шкатулканы  ала). Рәхмәт  сезгә,  дусларым,  Сезнең  сүзне  тыңлармын.

Алып  баручы. Бәйрәмебезне  “Ягымлы,  тәмле сүзләр”  уены  белән  дәвам  итәбез.  Менә мин  шушы  чәчәкне  сезгә  җибәрәм.  Чәчәкне  кулга  алган  бала,  әнисенә  карап,  бер  ягымлы  сүз  әйтә

       У Е Н    “Я Г Ы М Л Ы    С Ү З Л Ә Р”

     Кошлар  булып  киенгән  ике  кыз  чыгалар.

8 бала. Без  бертуган  кошчыклар,

               Бик  зур  йомышыбыз  бар.

               Без  Яз  кызын  эзлибез.

               Күрмәдегезме,  дуслар?

Яз кызы (чыга)  Исәнмесез,  кошкайлар.

9 бала.  Яз  кызы,   синнән  башка,

                Урманда  яз  булалмый.

                Кыш  туңдыра,  өшетә,

                Беркемне  дә  тыңламый.

Яз  кызы. Барам,  барам,  ярдәм  итәм,

                  Сезгә  язны  китерәм,

                  дустым,  ал  тартманы,

                  Югалтма  “әни”  сүзен,

                  Беркемгә  бирмә  аны.

Тартманы  Арып баручыга биреп,  Яз  кызы  кошлар  белән  китә.

Алып  баручы. Нинди  рәхәт,  күңелле,

                             Матур  безнең  балалар.

                             Сокланып  карап  торам,

                             Әдәпле, акыллылар,

                             Әниләрнең  бәйрәмендә  

                              Күңел  ачалар  алар.

Балалар  ярымтүгәрәккә  басалар. Өч  бала  шигырь  сөйли.

10 бала.  В  марте  есть  такой  денёк,

                  С цифрой  словно  кренделёк.

                   Кто  из  вас,  ребята,  знает,

                  Цифра  эта  что  означает?

                  Все  мы  хором  скажем  Вам,

Барысы. Это  праздник  наших  мам!

11 бала.   Вас  родные  наши  мамы,

                   Поздравляем  с  женским  днём!

                   Пусть  услышат  все  на  свете,

                   Как  для  вас  сейчас  споём!

           П Е С Н Я    «   Зоренька  »

12 бала.  Как  красиво  зал  украшен,

                  Хорошо  у  нас  в  саду.

                  Дружно,  весело  мы  спляшем

                   В  нашем  праздничном  кругу.

          Мальчики Садятся.

            Танец с платками

            Танец тан соң   К И К И М О Р А     керә.

Кикимора   (үз-үзенә  сөйли). Бизәнгәннәр,  ясанганнар,

                      Чәчләрен  дә  тараганнар.

                      Кунаклар  чакырганнар,

                      Ә  мине  онытканнар.

                      Бәйрәмнәрен дә  бозам,

                      Урлыймын  “ӘНИ”   сүзен,

                      Барысын  моннан  куам.

      (Балаларга) Исәнмесез,  җанкисәкләрем,  нишләп  утырасыз  монда?

Таныдыгызмы  мине?  Мин  сазлыкта  яшимен,  Кикимора  исемем. Кызык  эзләп  кайчакта  авылларга, шәһәрләргә  Барып   кайтам  шулай.

Алып  баручы. Кикимора, менә  син  безнең  Әниләр  бәйрәменә  килеп  чыктың.  Без  сине  беләбез.  Безгә  явызлыклар  эшли  күрмә.

Кикимора. Аллам  сакласын!  Аллам  сакласын!  Исәнмесез,  бу  матур  апалар  балаларыгызның  әниләреме? (кул биреп  күрешеп  йөри). Минем  кебек әбиләр  дә  бар  икән  монда.  Әй,  балаларны  яратам  да  инде.  Минем  янга  сазлыкка  килегез, бергәләп  уйнарбыз.  Бәйрәмегез  бик күңелсез үтә ахыры.

Матурым  Тартмаңны  менә  монда  куеп  тор  да,  әйдә, бергәләп уен уйнап алыйк.

Уен.????????? Кикимора  тартманы  ала  да  ачып  карый.

Алып баручы  Бир  тартманы  Кикимора.

Кикимора  (көлеп) . “әни”  сүзе  минем  кулда,  Алып  китәм  сазлыкка.   Әни  бәйрәме  булмас, сезнең  кебек  халыкка.

Кикимора  йөгереп  чыгып  китә. 

Алып баручы  Харап  булдык,  харап  булдык.  Инде  хәзер  нишләргә?

                           ЯЗ   КЫЗЫ  КЕРӘ.

Яз. Нәрсә  булды?

Аю. “Әни”  сүзен  югалттым,

          Кикимора  урлады.

          Ул  сазлык  карачкысы  

          Безне  оста  алдады.

Алып  баручы.  Яз  кызы, син,  зинһар  безгә  “ӘНИ”  сүзен  табарга  ярдәм  итче. Кикимораны киредән чакыр әле бирегә.

Яз Кикимораны алып керә.

Алып баручы. Кикимора, безнең бәйрәмне бозма, зинһар. Без балалар белән әзерләндек.Шигырьләр,җырлар өйрәндек. Карап кит әле.

Кикимора.   Ярар,  ярар,  мин  риза,  куегыз  концерт  миңа.

                        Ошаса  концертыгыз,  “Әни”  сүзен  алырсыз.

                  Балалар  ярымтүгәрәккә  чыгалар.

13 бала.  Кечкенәдән  тыңлап  үсәм,

                  Әбием  вәгазьләрен,

                  Күңел  сандыгына  салам,

                  Аның  әйткән  сүзләрен.

14 бала.  Яхшы  үгет-нәсихәтләр

                  Бирә  әбиләр  безгә.

                  Аларның  җылы  карашы

                    Нур  сибә  өебезгә.

              Җ Ы Р    “ Ә Б Е К Ә Е М”.русча җыр

Алып  баручы.  Кикимора,  җырладык  та,  сөйләдек  тә
                              Уеннар  да  уйнадык.

                               Бир  инде  “Әни”  сүзен,

Кикимора.  Шартласам  да   бирмимен.Тагын берәр һөнәрегезне күрсәтегез.

                         Ложкари

Кикимор

                      “Әни”  сүзе  иң  яхшы  сүз,

                         Менә  хәзер  аңладым.

                         Әни  кирәк  һәркемгә,

                         Бу  сүзне  бирәм  сезгә.

Алып  баручы.  Балалар,  менә  ул  “Әни”  сүзе.  Әниләребезне  яратып,  кадерләп  яшик. Чынлап  та  Әни  булу—зур  бәхет  ул!

                Балалар  бүләкләрен  тотып  басалар.

Алып баручы  Рәхим  итеп  сез  алыгыз,

                  Менә  бу  бүләкләрне.

                  Телибез  чын  күңелдән,

                  Иң   изге  теләкләрне!

      Балалар  бүләкләрен  әниләренә  тапшыралар.

Яңадан  урыннарына барып  басалар,  Әниләр белән  бергә  җырлыйлар.  “КОЯШ  ГОМЕРЕ”. Г.Зөйнашева сүз. Ф.Әхмәдиев  көе.