Өлкәннәр көне
материал (подготовительная группа)

Бакчада өлкәннәр көне

Бәйрәм барышы.

А.Б.: Исәнмесез, безнең өчен бик якын, хөрмәтле булган, өлкәннәребез. Бөтен кешелек дөньясына ямь бирүче, елмаюларыгыз белән безне иркәләүче, җылы карашларыгыз белән назлаучы, акыллы фикерләрегез белән безгә ак юл күрсәтүче сөекле әбиләребез, хөрмәтле өлкән хезмәттәшләребез, сезне шушы олуг бәйрәм белән чын күңелдән котлыйбыз. Ә хәзер котлау өчен сүзне балалар бакчасы мөдире Валиева Ләйсән Вакифовнага бирәбез

- Җитәкче апаларыбызның җылы теләкләренә кушылып, без дә сезгә кечкенә генә концетр тамашасы тәкъдим итәбез.

                        Дәү әни дә, әби дә сез,

                        Сөйкемле әни дә сез.

                        Сез булганга дөнья ямьле,

                        Йөзебез һәрчак нурлы.

                        Сездә мәңгелек шатлык,

                        Көзге муллык, язгы нур,

                        Кунакларыбызга багышлана

                        Дөньядагы иң матур җыр.

Җыр: “Хәерле иртә”

А.Б.: Бөтен Россия буйлап үтә бу матур бәйрәм. Безнең бакчага килгән кунак апаларыбыз да зурайдык инде дип күңелләрен төшереп утырмасыннар әле. Аларга берсеннән- берсе матур шигырьләр һәм биюләр бүләк итик.

Әминә                                                              Эмиль

Бакча бүген гөрләп тора,                           Кояш килеп уянды да

Шаулап тора күгебез.                                Нурларын сипте мулдан.

Без бит бәйрәмгә җыелдык,                      Әбиләр килде бакчага,

Әллә шуны белмисез?                               Көзге кояшлы юлдан.

Нәргизә                                                  Шамил

Һәр җирдә бер хикмәт көтә:                 Зәңгәр күгемдә ал кояш            

Бүген гади көн түгел.                           Сүнмәсен,балкып торсын              

Бүген өлкәннәр бәйрәме,                     Өлкәннәрнең көләч йөзе                 

Шуңа шатлана күңел.                          Гел балкып торсын                       

Фаил

   Җылы сүзләр, изге теләк

   Синең өчен уемда.

   Сәламәт һәм көр күңелле

    Бул син гомрең буена!

Бию: “Кечкенәләр төркеме биюе”

А.Б.: Балалар, безнең кунак апаларыбыз үзләре дә күптән инде әбекәйләр, дәү әниләр, аларның да сезнең кебек үк яраткан оныклары бар, ә сез әбекәйләрегезне яратасызмы? Шул турында сөйләп китегез әле.

Шигырьләр:

Зәмирә                                                                   Зилия

Ак яулыклы, көләч йөзле,                         Минем әби бик әйбәт                  

Шат күңелле, әйбәт тә.                              Гел елмаеп тора.             

Кем ул, диеп сорыйсызмы?                      Балакаем, дип әйтеп,          

Дәү әнием, әлбәттә.                                    Сөеп иркәләп тора.    

Илюзә                                                             Ирек

Өйгә кайтсам өй балкыган,                         Үзен ничек сагынганны  

Өйгә нур иңгән!                                            Белгән ул белгән.

Ерак җирне якын итеп                                “Күрим әле улымны”- дип

Әбием килгән.                                               Әбием килгән.

Рианна                                                             Зарина

Дөньяда иң җылы әби                                 Дәү әнинең кочагында  

Безнең әби, беләбез.                                       Китәбез эреп кенә,

Шуңа күрә энем белән                                   Яшәрбез әле үскәч тә

Куенына керәбез.                                           Кадерен белеп кенә.

Бию: Зурлар төркеме биюе

А.б.: Сәламәтлек ташламасын сезне

Һәр көнегез үтсен шатлыкта.

Яшәү яме, дөнья иминлеге

Юлдаш булсын сезгә картлыкта- дигән теләкләрдә калабыз, балалардан “Әбием - әбекәем”  җырын кабул итегез.

Җыр: “Әбием - әбекәем ”

Шушының беләнбезнең бәйрәмнең беренче өлеше тәмам, ә хәзер сезнең игътибарыгызга “Йомры икмәк” тататар халык әкиятен тәкъдим итәбез.