Сценарий праздника "Навруз байрам"
методическая разработка (младшая группа)

МУНИЦИПАЬНОЕ КАЗЕННОЕ ДОШКОЛЬНОЕ ОБРАЗОВАТЕЛЬНОЕ УЧРЕЖДЕНИЕ «ДЕТСКИЙ САД «ЭЛЬНУР»

Сценарий праздника

«Навруз байрам»

в младших группах

Подготовила: Керейтова З.Ю.

а. Икон-Халк

2021г

Катнасувшылар:

Тербиялавшы

Боьри

Коьжек

Язлык

Теке

Тербиялавшы: Куьн яхшы болсын, баьали балалар, конаклар. Бу куьнимиз бизим байрамлы куьн. Сосы куьнде баьри ногайлар Навруз байрамын кутлайды.

Бурын нагайларда йыл басы деп наувруз (март) айы саналган. Ол янъгы йылды карсы алувдын байрамы деп те белгили. 21 мартта халкымыз Науврузкуьнин байрамшылаган.

Балалар, бу куьн бизге коьп конаклар келеек, коьп ойынлар болаяк. Сиз аьзирсизбе, узак йолга шыкпага?

Балалар: Аьзирмиз!

Бизге бирев келеятыр.

(саз шыгады. Тереклер арасынан боьри шыгады)

Боьри: Куьн яхшы болсын балакайлар.

Балалар: Куьн яхшы болсын.

Боьри: Сиз мунда не зат уьшин йыйылгасыз?

Тербиялавшы: навруз байрамына йыйлганмыз.

Боьри: Болмаяк сизде бир байрамда

Тербиялавшы: Неге?

Боьри: Мен текеди ясырганман, мен оны ашаякпан! Мен бек аш болганман.

Тербиялавшы: Боьри, ашама бизим текеди, ол сага не зат эткен? Бизим текесиз  байрам кайдай боляк. Кайтар бизим Текеди!!!

Боьри: Мен сизге оны кайтарарман тек сиз мага онын орнына баска зат беринъиз.

Тербиялавшы: Не зат керек сага?

Боьри: Мен эситкемен бир узак кыралда Язлык яшайды деп. Мага Язлыкты беринъиз.

Тербиялавшы: Ярайды, биз сага оны берермиз. Тек сен бизге соьз бер Текеди ашама.

Боьри: Боьридин соьзи тастай. Мен кайтып келермен Язлыкты аьзирленъиз!

(Боьри кетеди).

Тербиялавшы: (куьлейди). Балалар, муна боьри акылсыз. Язлыкты ашап болам?

Балалар: Болмайды

Тербиялавшы: Язлык ол –«вакыт». ЭХ, боьри, боьри… бала бавына бармаган ол, билмейди.

Эситесизбе? Бизге тагы да бирев келеятыр.

(саз шыгады. Язлык коьринеди).

Язлык:

Табиатты туьрлендирип,

Мен келемен орманга.

Курт кумурска уянтып,

Тереклерде буьрлендирип,

Мен келемен азбарга.

Куьн яхшы болсын, балалар. Сиз мени таныдынъызба?

Балалар: Таныдык. Сен Язлык.

Язлык: Дурыс.

Тербиялавшы: Язлык, биз бек разымыз сенинъ келгенинъге. Язлык, бизде уьйкен кайгы. Боьри бизим текеди алып кашты. Язлыкты берсеннъиз мен сизге текеди берермен дейди

Язлык: Мен вакытпан мени ашап болмайды. Боьри бала бавына бармаган, ол билмейди.

Кайгырманъыз. Меним коьнъилим йогар. Сиз йыр йырлап билесизбе?

Тербиялавшы: Билемиз! Балалар, язлыкка йыр йырлаягынъыз.

ЙЫР «НАВРУЗ»

Язлык: Калай аьрув йырлайсызды! Аьперим сизге.

(саз шыгады коьгилди келеди. Йылайды)

Тербиялавшы: Сен кимсин?

Коьжек: Мен коьгилди коьжек пен

Кольгилди дин улы ман

Тербиялавшы: Тонынъ калай ярасык..

Коьжек: Конъслардын улларындай

Котыр-шотыр тувылман.

(йылайды)

Тербиялавшы: Коьжек, сага не болды? Неге йылайсын?

Коьжек: Не блосын, мен боьриден кашаман деп адастып, уьйимди йойдым.

Тербиялавшы: Боьридин зарары сага тийген экен. Йылама, коьжек. Сен ойнамага суьесинъме?

Коьжек: Суьемен.

Ойын.  «Байрак»

Олтыргышка байраклар салынады, балалар олтыргыштын алдында турагалып турады саз шыкса балалар баркты алып олтыргышка олтырадылар.

(саз шыгады боьри келеди)

Боьри: (шувал ман келеди) Э,э,э, кулькинъиз кырларга дейим эстиледи!

Тербиялавшы: Боьри, сен ойнамага суьесинъме?

Боьри: Суьемен.

Тербиялавшы: Бизбен ойнагынъ келеме?

Боьри: келеди.

Тербиялавшы: Кел ойнаяк.

Юрта Ойын.

Биз шатлыклы (жизнерадостный) баллармыз,

Тоьгерекке йыйыляк,

 эм ойнаяк, эм куьлеек,

Азбарга биз бараяк.

(казбаллы астына ясырнадылар)

Боьри: Басымды авыртынъыз ойын ман. Меним язлыгым кайдады?

Тербиялавшы: Сен текеди аькелдинъме? Коьрсет.

(боьри шувалды ашады. Теке шыгады.)

Теке боьриди муьйизимен туйип кувады.

Тербиялавшы: Теке, биз сени бек сакладык. Энди тойымызды баслаяк.

Саз шыгады. Теке ойнайды.

Теке: Байрамынъыз яхшы болсын балалар. Сосы боьри мени алдады, байрамга озгарайым деп уясына аькетип киртледи.

Тербиялавшы: Кайгырма Теке, боьри эште келмес.

Тербиялавшы: Язлык, Теке, бизим балалр сизге ятлав аьзирлегенлер.

Сабир: Тереземнинъ туьбинде

- Шырылдайды шыр- торгай,

- Шык уьйден,- деп коймайды,

Йырын йырлап токтамай!

Ясмина: Язлык келди яйнатып,

Куьн шувагын ойнатып,

Ширкейлерди йянтып,

Саьбийлерди кувантып.

Ногай тартув.