Этием-кадерлем
материал (средняя группа)
Предварительный просмотр:
Совет армиясе маршы яңгырый. Залга музыка астында балалар керәләр.
Алып баручы: Исәнмесез,хәерле көн,безнең иң кадерле әтиләребез һәм килгән кунаклар! Сезне чын күңелебездән 23 февраль- Ватанны саклаучылар көне белән котлыйбыз! Илебезгә иминлек,һәрберебезгә тыныч тормыш, сәламәтлек, бәхет телибез.Балаларыгызның бүгенге чыгышы сезгә бәйрәм бүләге булсын иде.
Җыр “Көләсе килеп тора”.
- Нинди матур көн бүген
Көләсе килеп тора
Минем көлгәнне күреп
Кояш та көлеп тора.
куш-та.
И-хи-хи, ха-ха-ха
Көләсе килеп тора
Минем көлгәнне күреп
Кояш та көлеп тора.
- Кояшка карап беркөн
Гөлләр дә көлеп тора
Аларда көннең матур
Икәнен белеп тора.
куш-та
- Бакчада гөлләремнән
Хуш исләр килеп тора
Мин үстергән гөлләр дип
Бар кеше белеп тора.
(Балалар әйдәгез урыннарыбызга утырабыз)
Алып баручы: Балалар, без нинди бәйрәмгә җыйналдык?
Балалар: Әтиләр бөйрәменә.
Алып баручы: Әйе, балалар, бу көнне без “ Әтиләр бәйрәме” дибез.
Календарьда 23 нче февраль “ Ватанны саклаучылар” көне дип билгеләнә.
Ватанны кемнәр саклый соң,балалар?
Балалар: Солдатлар.
Алып баручы: Әйе, безнең бабаларыбыз да, әтиләребез дә солдат булганнар.Илебезнең иминлеге өчен сакта торганнар.
Әйдәгез балалар, әтиләргә өйрәнгән шигырьләрне сөйләп китик.
1 бала. Ильзинат Нигә бүген бакчабызда
Бик күңелле,бик ямьле?
Чөнки бүген кунакка
Безгә әтиләр килде.
2 бала. И.Раниль Бер бәйрәм бар февральдә
Кадерле ул һәркемгә.
Аны зур бәйрәм дип
Мөмкин хәтта өйтергә.
3 бала. Динар Ул тынычлык бәйрәме
Аны һәр кеше белә.
Ватанны саклаучылар
Бәйрәме дип йөртелә.
4 бала. С. Ранис Ул солдатлар бәйрәме
Без котлыйбыз аларны
Әтиләрне, абыйларны
Һәм бөтен солдатларны.
5 бала. Әмир Минем әти дә күптән
Солдатта хезмәт иткән
Әле егет чагында
Торган Ватан сагында.
6 бала. Камиль Үскәч, солдат булырмын
Әтием кебек мин дә.
Аның кебек тырышып
Зарядка ясыйм көн дә.
Җыр “Солдатлар”
- Бабай да солдат булган,
Әти дә солдат булган.
Зур абыйда солдат булып
Ил читләрендә торган.
- Кече абый солдат булып,
Китте быел яз гына.
Мин үзем дә солдат булам,
Үсим генә аз гына.
Алып баручы: Кадерле балалар! Менә бит бәйрәмгә әтиләр килгәч, ничек күңелле! Кайчандыр сезнең әтиләрегез дә шулай кечкенә булганнардыр, балалар бакчаларына йөргәннәрдер.Бәлки кайберләре үткән балачакларын онытканнардыр да инде. Ә шулай да без аларга әнә шул балачакның бәхетле мизгелләрен искә төшерергә булышыйк әле. Сез ризамы әтиләр?
Иң элек бер табышмак әйтим әле.
Канаты бар җилпеми,
Эче җылы җил тими
Кырык йөрәкле кош ул,
Безнең яраткан дус ул.
Нәрсә икән? (самолет)
Дөрес, самолет!
1 уен: Ике әти кирәк булачак. Хәзер без сезнең белән самолетлар ясыйбыз.
Кәгазъдән 5 әр самолет ясыйлар. Кем тизрәк ясый?
- Әтиләре боҗра тотып торалар, уллары шуларны боҗрага очыралар.
Кемнең самолеты күберәк керә? Шул җиңүче була.
Алып баручы: Ә хәзер Р.Миннуллинның “ Малайлар сөйләшә” шигырен тыңлап китик.
- С.Ранис - Мин үскәч абый булам,
Аннары бабай булам!
- Ильзинат - Ә мин бабай булгач та
Гел әйбәт малай булам!
- Әмир - Мин үзем әти булам!
- - Ә мин дәү әти булам!
- Раниль - Үскәч кем буласымны
Мин әле әйтми торам!
- Саша - Мин батыр солдат булам!
- Камиль - Ә мин космонавт булам!
- Марат - Ә мин белмим, әнидән
Онытканмын сорарга!
- Нәфис - Ә мин бик озын булам,
Үсәм әле тагы да!
- Динар - Ә мин бик көчле булам,
Әтием төсле булам.
11.Реваль - Ә миңа, әни үскәч,
Куша Кеше булырга.
7 бала.Сиринә Бүген бөтен бүләкләрне
Бирәбез әтиләргә
Бәйрәм белән котлап шигырь
Өйрәндек без сөйләргә.
8 бала. Инзилә Әниләрне иң кадерле дибез,
Әтиләрсез яшәп буламы?
Таба алмам алыштырыр кеше
Әйләнсәм дә бөтен дөньяны.
9 бала. Ләйсән Әле ярый сез бар җирдә,
Безнең иң ныклы терәк.
Бәхетебез тулы булсын
Сез безгә шундый кирәк.
10 бала. Ильвина Әтиләр илнең терәге
Гаиләнең йөрәге
Авырлыкларга бирешми
Әтиләрнең беләге.
11 бала. Ләйсәнә Әтием алтын куллы
Бөтен эшне булдыра.
Үземә дә, энемә дә
Ул үрнәк булып тора.
12 бала. Марат Әти янымда булганда
Бернәрсәдән курыкмыйм мин.
Аның сүзе миңа закон.
Әтиемне тыңлыйм мин.
Бию “Морячка”
Алып баручы: Әтиләр белән тагын бер күңелле уен уйныйк.
Әтиләрнең күзләрен бәйләп, балаларын эзләтик әле. Үз балаларын тиз табарлар микән?
13 бала. Эмилия Кайчагында эшеннән
Арып кайткан чагында
Йөгереп кенә йөримен
Әтиемнең янында.
14 бала. Язилә Әти безнең терәгебез,
Әти безнең яклаучы,
Авырлыклар китермичә
Давылларда саклаучы.
15 бала.Камилә Әтием бик акыллы
Үзе күркәм, сөйкемле
Дөньяда бер кеше юктыр
Минем әти шикелле.
16 бала. Ләйсәнә Әтием алтын куллы
Бөтен эшне булдыра.
Үземә дә, энемә дә
Ул үрнәк булып тора.
17 бала. Нәфис Мин дә әтием шикелле,
Шофёр булырга телим.
Шуның өчен һәрвакыт
Машинам белән уйныйм.
Җыр “ Мин шофёр”.
- Машина белән уйнарга,
Яратам мин, яратам.
Берсе дә узып киталмый,
Чабалар минем арттан.
куш-та:
Мин шофер, мин шофер,
Машинам нинди матур!
Тәгәрмәчләр әйләнә
Әллә-лә-лә, әллә-лә.
- Әтиемне, Әниемне
Кунакка алып бардым.
Дусларга да урын җитте
Берсен дә калдырмадым.
куш-та:
- Сәлам биреп үтим әле
Сезгә дә пи-пи, пи-пип.
Шофер булам мин, күрерсез
Тик үсеп кенә җитик.
18 бала. Саша Мой папа весёлый,
Но строгий и честный
С ним книжки читать
И играть интересно.
19 бала. Реваль Мой папочка, я тебя крепко
Крепко люблю!
Ты самый заботливый,
Самый родной,
Ты добрый ты лучший
И ты только мой!
20 бала. Зилә “Балам” диеп бер дәшүе дә бит
Җылы сала җанга, күңелгә
Кайгыртуың өчен рәхмәт әти,
Шулай булсын иде гомергә.
21 бала. Ильзинат Әнием җимеш агачы
Тамыры әти кеше
Дөньяны яклау, саклау да
Минем әтием эше.
Әтием булганга мин бәхетле
Әтием булганга мин көчле
Әтидән алып яшим мин
Гөрләп яшәрлек көчне.
Алып баручы: Хөрмәтле әтиләр! Менә безнең бәйрәмебез дә ахрына якынлашты. Сезне Ватанны саклаучылар көне белән чын күңелдән котлыйбыз! Сез безне һәм Туган илебезне күз карасыдай сакларга һәм якларга һәрвакыт әзер. Безгә афәтләр күрергә язмасын. Балалар белән гаиләләрегездә куанышып, сәламәт булып яшәргә язсын.
Әтием -
кадерлем
әтиләр көненә багышланган бәйрәм
сценариесы
(уртанчылар төркеме)