Сценарий праздника "Әниләргә тиңнәр юк"
материал (средняя группа)

Зал бәйрәмчә бизәлгән.

 Залга кулларына чәчәк тотып, балалар керәләр һәм кайсы кая басып калалар.

 Чәчәкләр белән бию.

Чәчәкләрне әниләргә бүләк итәбез  Һәм бер сызыкка басып җырлыйбыз.

Балалар утыралар.

А.б. Салкын кышлар үтеп, табигать уянганда, үзенең сайрар кошлары умырзаялар белән тирә-юньгә ямь өстәп яз килә. Язның иң беренче, иң матур бәйрәме-8 март- әниләр, әбиләр, апайлар, кызлар бәйрәме. Шушы матур бәйрәм белән барыгызны да котлыйбыз. Һәм җырларыбызны, биюләребезне бүләк итәбез.

 Безнең балаларыбыз бүген тәүге тапкыр сезгә   үзләренең шигырьләрен бүләк итәләр.

Раниль.                                 Кояш көлә, мин елмаям

                                                 8 март бүген

                                                 Бүген әниләр бәйрәме

                                                 Шуңа күңелем шат минем.

Рузинә.    Без әнине яратабыз

                   Ул да безне ярата

                   Безнең әнидән дә әйбәт

                   Кем бар икән дөньяда.

Җыр .“Зәңгәр чәчәк”.

А. б.      Дөрестән дә балалар яз җиткәч, кояш матур итеп карый башлагач, карлар эреп беткәч, безнең болыннарда матур чәчәкләр үсә башлый. Әйдәгез әле балалар бездә җәйне искә алып үзебезнең бүлмәбездә төрле төстә чәчәкләр үстереп алыйк.

Уен. “Язгы чәчәкне җый”. 

Уенның барышы: зәңгәр, кызыл, сары, яшел түгәрәкләргә чәчәк таҗларын җыю. Түгәрәкләр кыршау өчендә. Балалар әниләр ярдәмендә чәчәк җыялар.

А.б.Балалар карагыз әле бүлмәбезнең түрендә тагын бер чәчәк, ромашка үсеп утыра. Нинди матур чәчәк үсеп чыккан. (Тәрбияче алып карый.) Балалар бу гади генә чәчәк түгел, бу хикмәтле чәчәк, анда ниндидер язулар да бар. Карыйм әле таҗында нәрсә дип язылган икән?(укый). Сезнең балаларыгыз әниләрен  бик яратсалар, биеп күрсәтсеннәр әле. Балалар биеп күрсәтәбезме?

• Бию “Матрешкалар”. 

                                                                                                     Бию “Барабанчылар”.      

А.б. Балалар, әйдәгез әле икенче таҗда нәрсә язылган икән укып карыйк.

- Балаларыгызны яратсагыз сездә  аларга бер бию бүләк итегез.

Бию. “Татар халык биюе”.

А.б. Күрдегезме безнең әниләребез ничек матур итеп бииләр. Рәхмәт аларга.

Әниләр. Җир йөзендә безгә иң якын кешеләр. Без аларны бик яратабыз. Еласак та, шатлансак та безгә әни кирәк. Шуңа күрә әниләребезне сакларга һәм булышырга кирәк. Менә безнең чәчәгебезнең тагын бер таҗы да “ Сез әниләрегезгә ничек булышасыз?- дип сораган.

 Шуның турында безгә хәзер  Эльвира сөйләп китәр

                        Әни пәрәмәч пешерә

                       Вак итеп ,тәмле итеп.

                      Без табында  чәй эчәбез

                     Бергәләп , тәмле итеп.

Диләрә.

Мин әнигә булышам

Табак –савыт юышам.

Әни мине бик мактый

Тәмле чәй белән сыйлый.

Җыр. “Мин әнигә булышам”.

А.б. Безнең кызларыбыз да курчаклары белән әни-әни булып уйнарга яраталар. Әйдәгез, әле шуны карап китик.

Бию. “Курчаклар белән” .

А.б. Балалар, әйдәгез әле чәчәк таҗының тагын берсен укып карыйк. Бу таҗда болай дип язылган.

Бу бәйрәм яраткан дәү әниләребезнең дә бәйрәме. Алар сезне тәрбияләүгә күпме көч куялар. Матур җырлары, ягымлы карашлары белән күңелне күтәрәләр, матур итеп тәрбиялиләр. Әйдәгез әле бер дәү әнигә сүз бирик.

Ә хәзер балаларыбызның сезгә дип әзерләнгән бүләген тыңлап китегез.

Шигырь Алисә.

                 Әниләрне, әбиләрне

                Яратабыз, тыңлыйбыз.

               Исәнлек һәм бәхет теләп

              Бәйрәм белән котлыйбыз.

Х.Раяз.

Без сине бик яратабыз.

Бәйрәм белән котлыйбыз.

Бүләк итеп үзеңә,

Бер матур җыр җырлыйбыз 

Җыр “Я пеку”.

Бию  “Диңгезчеләр”.

А.б. Балалар чәчәкнең тагын бер таҗында безнең әниләр бик уңган, булган кешеләр дип язылган.

Беләсегез киләме безнең әниләр нинди иң-иң кешеләр икәнен?

Иң-иң-иң остав куллы әни ул безнең -  Айгөл әни (Фатыхова).

Күрегез әле ул безгә нинди матур курчак-татар кызы тегеп алып килгән. Һәм үзенең оста куллары белән матур чәчәк бәйләме ясаган. Рәхмәт аңа.(Медаль тапшырыла)

Иң-иң-иң-юмарт әни, ул безнең-- Аида әни,

 балаларыбыз өчен ул Кыш бабай кебек ике сумка тутырып кибеттән уенчыклар алып килде. Рәхмәт.(Медаль тапшырыла)

Иң-иң-иң иҗади әниләр ул безнең Айгөл әни белән Ләйсән әни.

 Алар безгә матур китаплар ясап алып килделәр. .(Медаль тапшырыла)

Шулай ук залдагы калган әниләр һәм дәү әниләр алар безнең иң яратканнарыбыз. Һәм шулай ук алар конкурсларыбызда актив катнашучыларыбыз. Һәм без аларны да медальләр белән бүләклибез.

Балалар безнең ромашкабызда укылмаган тагын бер таҗ калган. Әйдәгез карыйк  әле , анда нәрсә бар икән.

Балалар беләсезме безгә кунакка әкият килгән. Ул әкият урман җәнлекләре турында. Аларның да әниләре бар икән һәм алар да әниләрен 8 март бәйрәме белән котлыйлар икән. Әйдәгез әле тыңлап китик.

А.б. Менә нинди уңган керпе малае ул үзенең әнисен бәйрәм белән котлады. Балалар бездә үзебезнең әниләребезне бәйрәм белән котлап, үзебез ясаган бүләкләрне бирик.

А.б. Хөрмәтле әниләр, рөхсәт итегез сезне тагын бер кат бәйрәм белән котларга. Күңелләрегез күтәренке һүм һүрвакыт якты булсын чөнки безнең балаларыбыз хәзер сезгә “Язгы кояш” биюен бүләк итәләр.

Бию. “Кояш”.