Сценарий к Новому году для ясельной группы.
методическая разработка

МБДОУ «Айбечский детский сад «Аистенок»

Ибресинского района Чувашской Республики

Юр кĕлетке сăмса çухатни

1-мĕш кĕçĕн ушкăн валли хатĕрленĕ

Çĕнĕ çул сценарийĕ

                                       Çырса хатĕрлекенĕ: Венедиктова О.И

                                                                     воспитатель

д.Айбечи

2018г.

Илемлĕ зала кĕвĕ майĕпе ачасем пырса кĕреççĕ

Ертсе пыракан:  Сывă-и ачасем, хăнасем? Епле илемлĕ паян пирĕн кунта, зал варрине илемлĕ хăна килсе ларнă. Йăлтăр çутăсемпе йăлтăртатать.

Çывăха килсе пăхсамăр,

Çÿлелле те аяла

Мĕн чухлĕ тетте-çке çакнă

Елка ларать çутатса.

Килĕшет-и сире елка?

Ачасем, хурав парсамăр!

Ачасем: Килĕшет, паллах!

Ертсе пыракан:  Апла пулсан, уява пуçлас паян!

Пирĕн чăрăш питĕ капăр

Симĕс, симĕс йĕпписем

Анчах пăхăр,ачасем

Тем çунмаççĕ çутисем.

Мĕн халь пирĕн тумалла

Мĕнле ăна çутатмалла?

Тем пулман-ши чăрăша

Вăл шăнман-ши тамаша?

Ачасем, айтăр-ха эпир ăна хитре, ăшă, çепĕç,сăмахсем каласа ăшăтатпăр.

Мĕнлерех-ши пирĕн елка? Калăр-ха, ачасем? (елка капăр, хитре, симĕс, йалтар – ялтар)

Пурте пĕрле: Елка тархасшăн, çутăл!!!

(Асамлă кĕвĕ майăн елка çуталать)

Елка калаçать: Сывă – и, манăн туссем? Сире Çĕнĕ çул çитнĕ ятпа саламлатăп. Эсир пĕлетĕр-и-ха сирĕнпе кам калаçать? Эпĕ ку – илемлĕ чăрăш, епле хитре сăмахсем каларăр эсир мана. Тавтапуç сире, халĕ вара эпĕ сире çĕнĕ çулхи юмах каласа парăп.

 Юрă  «Хоровод вокруг елки»

Ертсе пыракан:  Ачасем, айтăр-ха ларар, юмах курма хатĕрленер.

Кĕвĕ майĕпе зала Юр пике кĕрет.

Юр пике:  Хĕллехи салам сире, пурне те!

Аслисене те, ачасене те,

Ашшĕсене, амăшĕсене, асанне – кукамайсене

Хĕр ачасене те, арçын ачасене те.

Сирĕн пата уява пĕччен килмен-ха эпĕ. Манпа пĕрле ман юлташсем – юр пĕрчисем. Килĕр кунта, юр пĕрчисем,

Манпа пĕрле ташлама,

ташлама та савăнма.

Ташă: «Малыши карандаши»

Юр пике:  Вăрманта, уçланкăра

Эп пурнатăп пĕр пÿртре

Эп унта пĕччен мар –

Ман пулăшакан та пур унта

Манăн вăл шап – шурăскер

Пуçран пуçласа ура тупанĕччен

Юр чăмăркки пек çаврака вăл,

Куçĕсем ун кăмрăкран,

Сăмси вара – кишĕртен,

Юратмасть тунсăхлама

Шурă- шурă Юр кĕлетке!

Кĕвĕ майĕн зала Юр кĕлетке кĕрет, тунсăхлă, сăмсине алсапа хупланă.

Ертсе пыракан:  Ак, тамаша! Юр кĕлетке хăех килет пирĕн пата. Сывă-и, Юр кĕлетке? Ма вара эсĕ питĕ тунсăхлă?Паян уяв вĕт-ха, Çĕнĕ çул, тунсăхлама вăхăт çук.

Юр кĕлетке: Манăн инкек пулчĕ-ха,

Пăхса ил, хăвах куран-ха.

Юр кĕлетке пичĕ çинчен аллисене илет те сăмси çуккине пурте кураççĕ.

Юр пике:  Юр кĕлетке, эсĕ сăмсуна çухатнă пулмалла  (кулянать, макăрать, куççульне шăлать).

Ертсе пыракан:  Ан кулян, Юр кĕлетке, эпир сана ачасемпе пулăшăпăр! Часах сан сăмсуна тупăпăр!

Юр пике:  Ачасем, хăвăр кĕсъĕрсенче пăхса илĕр-ха, никамăн та Юр кĕлетке сăмси кĕрсе ÿкмен-и унта?Тенкел айĕсене пăхса илĕр.

Ачасем Юр кĕлетке сăмсине шыраççĕ.

Ертсе пыракан:  Юр кĕлеткене пулăшмаллах! Айтăр, ачасем вăрмана кайса шыратпăр. Унта çухатса хăварман-ши Юр кĕлетке хăйĕн сăмсине? Вăрмана эпир асамлă поездпа каятпăр. (Поезд туса пĕр-пĕрин хыçне тăраççĕ)

Кĕвĕ майĕпе тилĕ кĕрет

Тилĕ: Эпĕ илемлĕ- чее тилĕ

Юрататăп хитреленме

Хитреленме те чиперленме.

Ертсе пыракан:  Пирĕн инкек-ха кунта,

Пăхса-ил-ха – курăн хăвах.

(Юр кĕлетке аллине пичĕ çинчен илет те, унăн сăмси çукки курăнать)

Юр кĕлетке: Ачасем патне садике васкарăм та, сăмсана çухатса хăвартăм.

Ертсе пыракан:  Тилĕ тус, тилĕ тус,

Пар, тархасшăн, Юр кĕлетке сăмсине.

Тилĕ: Пар тархасшăн (йĕкĕлтешсе). Ме, тытса пăх-ха, ак ку сана каймасть-и? (Юр чăмăркки парать)

Юр кĕлетке: Мана кун пекки кирлĕ мар.

Ертсе пыракан:  Вăт, куратăн, Тилĕ тус, ăна кун пеки кирлĕ мар.

Тилĕ: Кирлĕ мар тăк кун пекки, тупатпăр урăххи.

Юр кĕлетке: Манăн сăмсасăр мĕнле çÿрес-ха?

Ертсе пыракан:  Малалла каятпăр-и, ачасем? Юр кĕлетке сăмсине шырама?

Тилĕ: Эп сире кун пек ямастăп, выляс килет ман сирĕнпе. Ачасем пурте йĕлтĕр, çуна, коньки юратаççĕ.  Юр чăмăрккисемпе пемелле те выляма юратаççĕ паллах.

Ертсе пыракан:  Айтăр, ачасем, Тилĕпе юр чăмăрккисемпе пемелле выляса илер.

Вăйă: «Юр чăмăрккисемпе пемелле»

Ертсе пыракан:  Эпир вара малалла каятпăр.

(Кĕвĕ майăн ачасем малалла каяççĕ)

Юр пике:  Кам-ха кунта чăрăш айĕнче пурăнать? Упа пире хăнана  чĕнет иккен.

(Кĕвĕ майăн Упа килет)

Упа: Эп çывраттăм хам патра

Ура тĕпне çулласа.

Шăв- шав илтрĕм те,

Пăхма тесе тухрăм та.

Халь çыврас килмест ман

Халь выляс килет ман.

Вăйă: «Мишка - лежебока»

Юр пике:  Упа –утаман,  ман ыйтас килет санран

 Эс курман- и вăрманта сăмса?

Юр кĕлетке ачасем патне васканă та

Хăйĕн сăмсине çухатнă.

Ертсе пыракан:  Упа тус, пар-ха, тархасшăн Юр кĕлетке сăмсине.

Упа: Лимонад эп юрататăп

Час- часах «кола» ĕçетĕп (Юр кĕлеткене лимонад бутылки парать). Ак ку каять пуль сана.

Юр кĕлетке: Мана кун пекки кирлĕ мар,

Хамăнах лайăхчĕ ман

Мĕн тăвас-ха халĕ ман?(Макăрать)

Юр пике:  Ан макăр-ха, Юр кĕлетке, сана кам пулăшма пултарасса пĕлетеп эпĕ. Ачасем, айтăр-ха пурте пĕрле Хĕл Мучине чĕнетпĕр.

Пурте пĕрле Хĕл Мучие чĕнеççĕ

Хĕл Мучи: Сывă-и, ачасем! Çĕне çул ячĕпе сире, пурне те!Акă эпĕ çитрĕм те.

Ман сирĕнпе выляс килет

Сире савăнтарас килет

Айтăр, тăрар елка тавра,

Кĕтсе илер Çĕн çула пĕрле.

Юрă: «Песня дразнилка »

Хĕл Мучи: Ах, астăвăр-ха, туссем

Халь шăнтатăп эп сире.

Вăйă «Заморожу»

Хĕл Мучи: Ах, ывăнтăм эпĕ халь, кайса канам-ха.

Ертсе пыракан:  Хĕл Мучи, пирĕн Юр кĕлетке сăмсине çухатнă, эс вăрманта курман-и ăна?

Хĕл Мучи: Çук, эп нимле сăмса та курман.

Елка калаçать: Сире мĕнле пулăшмаллине пĕлетĕп, хамăн вăрттăнлăха уçатăп. Мулкачсем питĕ маттур,

Тупса парĕç кишĕр, калăр вĕсене,  илсе килччĕр кишĕр.

Юр пике:  Тĕрĕс, тĕрĕс! Тавтапуç сана Елка! Айтăр-ха,  мулкачсем мĕнле ташлама пелнине курар.

Ташă: «Зайка серенький сидит»

Юр пике(ташă хыççăн): Акă Юр кĕлеткен сăмси тупăнчĕ те. Тыт, Юр кĕлетке!

Юр кĕлетке: Тавтапуç, Юр пике!

Тавтапуç, мулкачсем!

Мĕнле хитре сăмса халь манăн! Тÿрех савăнас килсе кайрĕ! Айтар-ха пурте пĕрле манпа савăнăр.

 Юрă: «Дед Мороз, розовые щечки »

Ертсе пыракан(парнесем):  Хĕл Мучи, эс пире валли мĕн те пулин илсе килнĕ-и вара?

Хĕл Мучи: Ăçта-щи вара манăн мишук? Кунтахчĕ вĕт-ха, манса хăвартăм-ши вара?(елка тавра утса мишуккине шырать)

Юр пике: Хĕл Мучи, эсĕ асамçă вĕт-ха

Юрпа пĕтĕм таврана витме те пултаран, чÿречесене те эрешлен, çырма урла та кĕпер хывма пĕлетĕн. Хăв чăнах та маттур пулнине кăтарт-ха пире.

(Хĕл Мучи елка хыçне каять, пĕчĕкрех юр чăмăркки чышса тухать)

Юр пике: Вăт, асам тăк, асам!Асатте, кусем парнесем-и вара?Мĕнле кăларăпăр вара эпир вĕсене?

Хĕл Мучи: Урасемпе тапăртатсан (ачасем тăпăртатаççĕ),алă çупсан (алă çупаççĕ), юр чăмăркки хăех уçăлать.

(Хĕл Мучи парнесене валеçет)

Хĕл Мучи: Çĕнĕ çулта мĕнпур савăнăç сирĕн пултăр, сывлăх сире, пурне те!

Юр пике: Тепре тĕл пуличчен, чипер юлăр!