Әтиләр катнашы белән 2нче кечкенәләр төркем балалары өчен “Юл йөрү кагыйдәләре” темасына багышланган ачык дәрес
презентация к уроку по обж (младшая группа) по теме

ТР Кайбыч муниципаль районы мәктәпкәчә һәм кече яшьтәге мәктәп балаларына белем бирү учреждениесе Олыкайбыч
балалар бакчасы “Миләшкәй”

Әтиләр катнашы белән

2нче кечкенәләр төркем балалары өчен

 “Юл йөрү кагыйдәләре” темасына багышланган ачык дәрес

Тәрбияче: Аухадшина

 Светлана Александровна

2015 ел

Максат:

• Аталар һәм балалар арасында дуслык, аралашу, үзара уңай мөнәсәбәтләр тәрбияләү.
• Балаларның хәрәкәт осталыкларын һәм күнекмәләрен камилләштерүне дәвам итү.
• Игътибарлылык тәрбияләү, проблемалы ситуацияләрдә югалып калмаска өйрәтү, юлда йөру кагыйдәләрен үзләштерү.

Алып баручы: Исәнмесез, кадерле кунаклар! Исәнмесез, хөрмәтле әтиләр! Сезгә багышланган дәресебезне башлап җибәрергә рөхсәт итегез. Балаларыгыз белән  “Юл йөрү кагыйдәләре” темасына багышланган дәрестә катнашып алуыгызны телибез.  Барыбыз өчен дә билгеле:  Юлны теләсә кайдан чыгарга ярамый!!!                                                                                    (ишек шакыган тавыш ишетелә)                                                                                                                  - Әйе, әйе, керегез. Рәхим итегез!     (Эт персонажы керә)                                                                                                                 Эт: - Исәнмесез балалар! Мин Акбай! Юл йөрү кагыйдәләре белгече. Ишеткән идем, монда балалар юл кагыйдәләре өйрәнәләр икән дип, менә, килергә булдым.                         Тәрбияче: - Әйдәгез, балалар, Акбай белән исәнләшеп алыйк әле.  (балалар исәнләшәләр) - Бик әйбәт иткәнсең Акбай, килүең дөрес булган! Шундый белгеч булгач, әйдә безнең балаларга да өйрәт. Я, әйтеп кара, машина юлыннан ничек чыгарга?                                              Эт:  -  Нәрсәсе бар аның, йөгерәсең дә чыгасың.                                                                         Тәрбияче: - Йөгерсәң, көпчәкләр астында калуың бар.  Менә карагыз әле. (Слайд 2)                   1. Юлны чыгар өчен “җәяүле чыгу урыны” билгесен табарга кирәк! (Слайд 3)                            2. Якында гына машиналар юкмы икәнен карарга һәм аннан соң гына юлны аркылы чыгарга кирәк.                                                                                                                                   Балалар, сез әле бик кечкенә. Сез юлны әти яки әниегез белән генә чыгарга тиеш.                                                                                                                            Акбай, әйт әле, машина юлында уйнарга ярыймы?                                                                          Эт: -  Ярый, кайда уйнасаң да ярый. Шулай бит балалар?                                                            Тәрбияче: - Юк, Акбай, син ялгышасың. Машина юлында уйнарга ярамый.                                           Эт: -  Алайса кайда уйнарга соң?                                                                                                          Балалар: -  Ишек алдында.                                                                                                          Тәрбияче: - Акбай, син светофорның нәрсә икәнен беләсеңме?                                                         Эт: -  Беләм, ул өч күзле бер нәрсә инде шунда. Әле бер күзен, әле икенчесен, әле өченче күзен ача.                                                                                                                                       Тәрбияче: -  Әйе, Акбай, бик дөрес әйттең. Ләкин нинди күзләр икән соң ул? Менә шушы рәсемнәргә күз салыйк әле. (Слайд 3)                                                                                                 - Бу рәсемдә сез нәрсә күрәсез ? Сезгә танышмы бу?   (балалар җавабы)                                                 “Таныш булыйк – мин Светофор!” дип әйтергә тели ул.                                                                            Өч күзле светофор, –
Күз кыскалау бар эше.
Аның һәрбер әйткәнен
Аңлый зиһенле кеше.                                                                                                                   Светофор- ул җәяүлеләрнең дә, шоферларның да ярдәмчесе һәм дусты.                                        - Кызыл ут—тукта дигән сүз, Сары ут—игътибар бул, Яшел ут—барырга ярый.                                  

Светофорның төсләре нинди тәртиптә урнашкан инде? Ягез әле искә төшереп алыйк. (өстән аска ) кызыл, сары, яшел.                                                                                                   - - Әйдәгез бергәләп әйтеп карыйбыз.                                                                                                     Эт: - Балалар, без бик күп нәрсәләргә өйрәндек. Миңа сезнең белән шундый күңелле! Мин, барысын да, истә тотармын. Миңа китәргә вакыт. Сау булыгыз балалар! (балалар саубуллашалар)                                                                                                                            Тәрбияче: - Ә хазер, хөрмәтле әтиләр һәм балалар, юл кагыйдәләрен искә төшереп, “Светофор” уенын уйнап алабыз.                                                                                                       Әтием- шофер,                                                                                                                                            Йөртә машина.                                                                                                                                     Юлда син сак бул-                                                                                                                               Чыкма каршына!                                                                                                                                - Әтиләр машина рулен тотып, балаларын иң башына утыртып юл йөреп чыгалар. Юлда төрле каршылыкларны беренче булып җиңеп чыккан команда “тапкырлар һәм игътибарлылар” исеменә лаек булалар.                                                                                                  Мин дә әтием шикелле,                                                                                                                  Шофер булырга уйлыйм.                                                                                                            Шуның өчен мин һәрвакыт                                                                                               Машинам белән уйныйм.