«Янра, чăваш чĕлхи» уяв. 23.04.2021г.
материал

  Чăваш чĕлхи пуян та илемлĕ, янăравлă та çепĕç, паха та асамлă. Кашни ҫул ака уйӑхӗн 25-мӗшӗнче Чӑваш чӗлхин кунне уявлатпӑр. Ҫак чаплӑ уява И.Я.Яковлев ҫуралнӑ кунӗнче палӑртма пуҫланӑ.  

  Ака уйăхĕн 23 – мĕшĕнче Мăн Этмен шкул çумĕнчи «Шăнкăрав» ача садĕнче, ачасене И.Я.Яковлев ӗҫӗ-хӗлӗпе паллаштарас, тӑван халӑх культурине хаклама тата упрама вӗрентес тĕллевпе,  «Янра, чăваш чĕлхи»  уяв иртрĕ.

   Ачасем уявра  чăвашла сăвăсем каларĕç, юрăсем юраларĕç тата ташăпа савăнтарчĕç. Унтан вĕсем «Ал татмалла» вăййа  хаваспах вылярĕç.

Уяв питĕ хаваслă та савăнăçлă иртрĕ.

    Чӑваш чӗлхи малашне те кашни кун янӑратӑр – килте те, урамра та, хулара та, ялта та, пирӗн ача садӗнче те, шкулта та.