Бирги бичии болуктун ажык кичээли Темазы: «Бичии уругларга когудуглер»
план-конспект занятия (младшая группа)

Муниципалдыг бюджетиг школа назы четпээн уруглар ооредилге албан чери.Тыва Реслубликанын «Кызылский кожуун» муницаплдыг районунун Сукпак сумузунун эстетиктиг уран-чурулга сайзырадыр угланыышкынныг уруглар сады «Колосок»

Бирги бичии болуктун ажык кичээли

Темазы: «Бичии уругларга когудуглер»

                                                                       Тургусканы: Саая С.Б.

                                                                   Сукпак-2018 ч

       «Бичии уругларга когудуглер» деп ажык кичээлдин тургузуу.

Сорулгазы: уругларнын чугаазын сайзырадып ооредиири, тыва улустун аас-чогаалынын бир хевири «когудугге» ооредиири, уругларны кижизиг, хундулээчел болгаш идик-хевинге камныг болурунга ооредип, кижизидер.

Дерилгези: тыва тон, бичии уругнун бопук идии, бопукту чураан чуруктар,  бир чемниг тавак, 2 шопулак,1 аржыылчыгаш, 2 чоорган,

Кичээлдин этирер аргалары: аас-биле тайылбырлап чугалаары, чурука айтып коргузери.

Чаа состер:когудуг,тон, бопук ( ээжек, бажы,улдуну,майыы).

    Бичии уругларнын хар-назынынга, сеткил-сагыжынга таарыштыр тургускан аас-чогаалынын бугу хевирлерин  уруглар аас-чогаалы дээр. Анаа опей ырылары, когудуглер, тывызык, улегер домактар, тоолдар хамааржыр.

    Уруглар аас-чогаалынын хевирлери тус-тус сорулгалыг; опей ыры – чаш уругларнын удударынга,  когудуглер – ыглаан, могаттынган уругларны аргалаарынга, тывызыктар – сагынгыр болурунга херек.

    Бичии уругларны кылаштадып ооредирде, идик-хевин кедирерде, ону улуг кижинин аайынга киирерде, хогледип, шулуктээн чугааларны когудуглер дээр.

    Чаш уругну кылаштадыр мурнунда, ону ийи будунун кырынга тургузуп ооредиир. Ынчангаш ону бир чуведен туттундуруп алгаш, сала каапкаш сорук киирер:

                               Бооп-бооп, туттун-туттун!

                               Бооп-бооп, тур-тур, тур-тур!

    Боду туруптар апарган уругларны орун-дожектен туттундуруп кылаштадып ооредиир. Ынчан база катап «бооп-бооп» деп состун уделгези-биле ону дидимнендирип, сорук киирип мактаар:

                               Бооп-бооп, бир бас.

                               Бооп-бооп, ийи бас.

     Когудуглерни чаа-ла дыл-домаа унуп чоруур чаш уругларга бараалгаткан болганда, анаа ун оттунер состер хой таваржыр.  Ол дугайында устунде чижектерден илден.

    Анаа немей чем окпелээр, чиксевес уругларны аргалаар шулуктерни корээлинер:

                            Найнам чип ал, шымда-шымда,

                            Анайлар «бис чиийн» деп тур.

                            Муукейлер келди шымда,

                           «Мунун мээ» деп эдип турлар.

    Улуг улус чаш уруга чем аймаан, оларнын чемни амданнанырын оттунуп «найнам» деп адаар, ол ышкаш инектин эдерин оттундуруп «муукей» дээр.Когудуглер чаш уругну сергедип, хогледиринге херек.

    Кичээлдин чорудуу: уруглар шупту аялга аайы-биле группаже кирип келгеш, олуттарынга олуруптарлар.

    Башкы: Экии уруглар!  Богун бистер бичии уругларга когудуглер оорениир бис. Ыглаан, могаттынган уругларны аргалаарынга, ону улуг кижинин аайынга киирерде, хогледип, шулуктээн чугааларны когудуглер дээр бис. Когудуглернин херирлери янзы-буру болур (чем чивес уругларга, удувас уругларга, ыглаган уругларга, идик-хеп кетпес уругларга…)

    Башкы: бистин болукте  чем чивес уруглар бар ийик бе?  

    Уруглар: ийе. Ол  болза Эртине, Сайын-Белек.

    Башкы: чем чивес уругларга тааржыыр когудугнун бир хевирин корээлинерем, уруглар.

                        1.Амык дег чаагайын кор даан!

                           Аксын ажыт, шымда-шымда!

                           Ам бир шопулак, ням-ням!

                           Ийиги шопулак, ням-ням.

                        2.Каак-каак, кежээ кижи,

                           Кадыын чип аар, кежээ кижи,

                           Чокпектиг чемин чиир,

                           Чоптугбейим, эреспейим!

                           (чижек кылдыр бир уруга коргузер).

Башкы:Бистин болукте удувас уруглар бар бе? Сактып корунерем, уруглар.

Уруглар: ийе.Ол болза Дидим-оол, Ярослав, Аюна.

Башкы:удувас уругларга хамааржыыр когудугден чугаалап берейн ,уруглар.

                        1.Бирээ, ийи,караан шим!

                           Уш, дорт, оожум тын!

                           Беш,алды,чеди,сес,

                           Дурген уду, чарашпай!

                        2.Оой-оой, ортун кыс,

                           Орун эдер, ортун кыс,

                           Ээй-ээй, эжикей

                           Эки уду, кежээпей!

                           (чижек кылдыр бир уруга коргузер).

Башкы: ыглаган уругларга база когудуг бар.

                        1.Чаптанчыгбай, ыглава,

                           Чаагынны аштап берейн,

                           Карак чажы чудек,

                           Калдар апаар, хаванчуук.

                          (чижек кылдыр бир уруга коргузер).

Башкы: Бистин болукте хеп кетпес уруглар дыка ковей болгай .Олар дээрге Тензин, Дидим-оол, Дина дээш оон-даа оскелер.

                        1.Теп-теп, кежээкей,

                           Теве сарыг идиин кет,

   Топ-топ кежээкей,

                           Тонун кет, чарашпай.

                        2.Хептерин боду кедер,

                           Кежээкейни корунер даан,

                           Тонун кеткеш, базыпты,

                           Тоолзуг маадыр корунер даан!

Башкы: Чооду Кара-Куске деп чогаалчынын бижиттинген бопук дугайында когудуу бар.Бопук-дээрге бичии уругларнын чымчак, чылыг идии-дыр.Юлиана база бичиизинде бопукту кедип турган.Богун силерге сонуургадып экелген. Юлиананы чалап алгаш номчуп берейн уруглар, кичээнгейлиг дыннанарам.

                                                                                            Чооду Кара-Куске

                                      «Бопук»

                          1. Бо болза, бопук-тур,

                              Бопукту бодун кор:

                              Эжи-бо, угу-бо,

                              Ээжээ- бо, бажы-бо.

                           2.Адаанда-улдуну,

      А моозу- майыы-дыр.

      Ишти-бо, дашты- бо,

      Идиктин ээзи – бо!

   3.Кедерге, чылыг-даа,

      Кедергей чымчак-даа,

      Ынчангаш бопуумга,

      Ынак мен, камныг мен.

Туннел:Тыва улустун аас-чогаалы болза бичии уругларны кижизиг, хундулээчел, биче сеткилдиг, идик-хевинге камныг болурунга ооредип, кижизидип турар.

Башкы: богун бис чуну оорендивис ,уруглар?

Уруглар: когудуглер.

Башкы: бо чуу-дыр ,уруглар?

Уруглар: тон.

Башкы: ам бо чуу-дыр, уруглар?

Уруглар: бопук.

Башкы: Эр-хейлер! Шупту эки харылаан болгаш боттарын эки талазындан коргускеннер!

Ажыглаан номнар:

1. Монгуш Белек-Кыс Монгушевна «Школа назыны четпээн 2-5 харлыг уругларга номчулга ному» Кызыл,2015ч,72ар.
2. «Матпаадыр»