Сценарий осеннего развлечения "Шыже толын"
план-конспект занятия (старшая группа) на тему

Шыже толын.

(Йоча-влаклан пайрем)

Ход утренника.

Звучит фонозапись «Осенней песни» из «Времен года» П.И. Чайковского. Дети входят в зал и встают полукругом.

Ведущий:

Адак покшыман шыже толын,

Шӧртнялгын  коеш ош куэр,

Чеверын, чодыра да тӧр олык,

Ший гае волгалтше эҥер,

Йоча-влакын почеламутышт:

1-й ребёнок:

Оралгалын куэрла,

Йошкаргалын шопкерла,

Чодыра ӱмбач мардеж

Лышташ-влакым кӱрыштеш,

Нуно йӱр дене нӧрен,

Возыт мландыш чумырген.

2-й ребёнок:

Кайык муро шыпланен,

Йыр пустаҥын пÿртÿсат,

Кашын-кашын пыл шеҥгеч

Корно еҥла чÿчын лач

Кычкыралын, йÿкланен,

Турня, комбо-влак эртат.

3-й ребёнок:

Шыжым – йырым-йыр мотор,

Шӧртньӧ тÿс жаплан гына:

Лышташ-влак лÿнгалт-лÿнгалт,

Эркын  ÿлыке волат.

4-й ребёнок:

Вот кая кеҥеж эрталын,

Шÿлыкан ояр кечат.

Йырым-йыр мардеж пуале

Да лÿшкен шога кожлат.

Муро «Шыже сем».

Ведущий: Йоча-влак, эрдене мемнан йочасадышке почтальон Печкин толын каен. Тудо 2 моткочак сӧрастарыме серышым конден коден. Айста тудым почына да лудына!

«Салам лийже, «Ший онгыр» йочасадыш коштшо йоча-влак! Тыланда Агафья ковай воза. Шыже пагыт толын шуын, а мыйын пакчаштем алят пакча-саскам поген налме огыл. Тендан полышда моткоч кÿлеш. Ала те мыланем полшеда ыле?»

Йоча-влак, полшена мо Агафья ковайлан?  Ну, тугеже гын, кайышна. А корнына веселарак лийже манын, мурым муралтена.

Муро «Урожай собирай»

Ведущий: Тевыс, толынат шуынна. Кӧ каласа, пакчаште могай саска шочеш? (Йоча-влак ойлат. Вÿдыше рвезе-влакын вуйышкышт пакчасаска сÿретан вуйшÿдышым чикта).   Рвезе-влак мемналан почеламутым ойлен пуат.

Танец «Сбор овощей»

Ведущий: Могай молдец улыда, пашамат ыштен моштеда, муренат, куштенат кертыда. Ала изишак каналтена?

Модыш «Пакча-саскам погена»

Ведущий: Вот, Агафья ковайлан полшышна, пакча-саскам поген нална. А мемнан вет эше кокымшо серышна уло. Айста тудымат лудына.

 «Пагалыме йоча-влак! Ӱжам тендам шке юзо чодырашкем!  Тыште мый лышташ-влакым тÿрлӧ чия дене чиялтенам: йошкарге, нарынче, тулгай. Поҥго, емыж шочшо манын, мландым йÿр вÿд дене шавем. Чодыраштем йырваш тугай сӧрал, каласен мошташат огеш лий! Тыгай сылне пÿртÿсым ончалаш пырля тендамат ÿжам»

Йоча-влак, кузе шонеда, кӧ тиде возен? Тиде Шыже шкежак мемналан ÿжмашым колтен. Ала ме тудым шкенжым ÿжына мемнан деке?

Сем йоҥга. Шыже пура.

Шыже:    Шӧртньӧ шыже мый улам, унала тендан дек толынам.

               Шукертак вашлияш шоненам. Вученда мыйым?

               Пÿртÿсым тÿрлӧ чия дене чиялтем,

               Йырваш моторлыкым шарем.

               Ончалза чодырам, садерым те:

               Йошкаргын, шӧртньын, тойын волгалтеш.

               А мландым сӧрал деч сӧрал

               Ковер леведеш.

Ведущий: Пагалыме Шыже, тый моткочак вучымо уна улат. А йоча-влак тыланет почеламутым ямдылен улыт.

Почеламут-влак.

Ведущий: Пагалыме Шыже, йоча-влакна тыланет мурым пӧлеклынешт.

Муро: «Падают листья»

Шыже: Йоча-влак, а те чодыраште кошташ йӧратеда? А могай пушеҥге лÿмым паледа? (Уна-влак дечынат йодышташ лиеш)

Ведущий: Шыже, тыйын чодыраштет, садерыштет лышташ-влак тугай сӧрал улыт, туге мотор пӧрдын волат, садлан йоча-влакна лышташ дене куштымашым тыланет ончыктынешт.

Танец «Листик-листик-листопад»

Шыже: Молодец улыда, йоча-влак! Пешак моштеда муренат, куштенат. А мый тыланда туштым ямдыленам. Те туштым тушташ йӧратеда? Тугеже гын колыштса.   (Икмыняр туштым тушта, пытартышыже поҥго нерген)

Чын, тиде поҥго. Поҥгым погаш йӧратеда? Айста поҥгым поген модына.

Модыш «Поҥгым погена»   (Умбалнырак кок обручыште поҥго-влак шогат. Кок команде ик корзинка дене кученыт. Корзинкам кучен кажне команде гыч иктын-иктын обруч дек куржын толын, ик поҥгым налын пыштен, мӧҥгеш куржеш да весылан корзинкам кучыкта)

Шыже: Те моткоч веселан да келшен модын моштеда. Но мыланем каяшат жап шуын. Тендан дене пеш весела ыле.

Ведущий: Пагалыме Шыже, толметлан пеш кугу тау. Мемнам шарнашет, корнет йокрок ынже лий манын, ме тыланет ик куштымашым пӧлеклена.

Куштымаш «Ромашка»

Шыже:  С вами весело играть,

                Песни петь и танцевать.

                Вас за все благодарю,

                И подарки вам дарю.    

(Корзинка дене пӧлекым пуэн кода. Чеверласен кая)

Ведущий: Пайремда келшыш тыланда? Таче ме тендан дене Агафья ковайлан полшышна, Шыже денат вашлийынна, мурышна, куштышна да модынна.