Сценарий сказки "Лиза и заяц" на татарском языке
план-конспект занятия (средняя группа) на тему

Төлке, куян һәм әтәч.

Алып баручы:

• Булган ди, Төлке белән Куян. Төлке боздан, Куян кайрыйдан өй салганнар.

Төлке:

• Куян, синең өең ямьсез, караңгы. Ә минеке матур, якты, ялтырап тора!

Куян:

• Ярар инде, Төлке, әйдә үчекләшмик. Дус, тату яшик, без бит күршеләр.

Төлке:

• Барыбер ямьсез!

Алып баручы:

• Матур яз җиткән – Төлкенең өе эрегән дә аккан, ә Куянның өе һаман  шул килеш калган.

Төлке:

• Абау җаным,  минем өем нишләде?

Алып баручы:

• Менә Төлке , хәйлә табып,  Куянга барырга булган.

Төлке (җырлап бара):

• Төлке кунакка бара,

Төлке бүләкләр бирә.

• Куян, мине өеңә керт әле!

Куян:

• Юк, Төлке, кертмим , син мине үчекләгән идең.

Төлке:

• Абау салкын тигән миңа! Ап-чхи! Кхе-кхе-кхе! Температура – 40!

Куян:

• Булмас, Төлке!

Төлке: 

• Ап-чхи! Кхе-кхе-кхе! Температура – 42 яки 43тә дер! Башым, йөрәгем. Үләм хәзер! Куянкай, бәгрем, керт инде!

Куян:

• Ярар, Төлке, нишләтәсең инде?! Керсәң кер әйдә. Мичкә ягып җибәрермен, җылы чәемне эчертермен. Бәлки тазарып та китәрсең.

Алып баручы:

• Төлке өйгә кереп җитүгә , Куянны кыйнап та чыгара. Ә Куян елый-елый китеп бара. Куянның  каршысына Эт очраган.

Эт:

• Һау-һау-һау! Куян, нигә елыйсың?

Куян:

• Нигә еламаска минем өем кайрыйдан, Төлкенең  өе боздан салынган иде. Төлке миннән кунып чыгарга гына рөхсәт сораган иде, соңыннан үземне куып чыгарды. (елый)

Эт:

• Елама, Куян! Мин аны куып чыгарырмын. (китәләр)

Эт:

• Һау-һау-һау! Төлке, чык, бар кит Куянның өеннән!

Төлке:

• Мич башында балта  кайрыйм, пычак кайрыйм, сикереп төшәрмен дә, өзгәләп ташлармын!

Алып баручы:

• Эт курыккан да качкан. Куян елый-елый тагын юл буйлап китеп барган. Аңа Аю очраган.

Аю:

• Нигә елыйсың, Куян?

Куян:

• Ничек еламаска?! Төлке мине өемнән куып чыгарды.

Аю:

• Елама, Куян! Мин аны куып чыгарырмын.

Куян:

• Юк, куа алмассың шул! Эт барган иде, куып чыгара алмады, син дә куа алмассың.

Аю:

• Юк, куармын. Әнә миндә күпме көч бар (мускулларын күрсәтә).

Алып баручы:

• Аю белән Куян кайры өйгә киткәннәр.

Аю:

• Төлке, бар ,чыгып  кит,  Куянның өеннән!

Төлке:

• Мич башында балта  кайрыйм, пычак кайрыйм, сикереп төшәрмен дә, өзгәләп ташлармын!

Алып баручы:

• Аю курыккан да китеп барган. Куян елый-елый тагын киткән. Юлда аңа Кәҗә очраган.

Кәҗә:

• Мә-ә-ә, Куян, нигә елыйсың?

Куян:

• Мине Төлке өемнән куып чыгарды!

Кәҗә:

• Әйдә-ә , Куян, киттек мин аны куып чыгармын.

Куян:

• Юк, Кәҗә, куа алмассың! Эт куды , чыгара алмады, Аю куды , чыгара алмады , син дә куып чыгара алмассың.

Кәҗә:

• Юк, куармын! Әнә-ә-ә минем нинди очлы мөгезләрем бар.

Алып баручы:

• Алар өй янына килгәннәр.

Кәҗә:

• Бар,Төлке,чыгып  кит,  Куянның йортыннан!

Төлке:

• Мич башында балта  кайрыйм, пычак кайрыйм, сикереп төшәрмен дә, өзгәләп ташлармын!

Кәҗә (башын тотып):

• Абау җаным!

Алып баручы:

• Кәҗә дә куркуыннан йөгереп киткән. Куян елый-елый тагын киткән, элекедән дә каты елый икән. Аңа җилкәсенә чалгы  салган Әтәч очраган

Әтәч:

• Кикри-күк! Нигә елыйсың, Куян?

Куян:

• Ничек еламаска?!Төлке хәйлә белән өемә кереп, үземне куып чыгарды (үксеп елый).

Әтәч:

• Әйдә, киттек, мин аны куып чыгарырмын.

Куян:

• Юк, Әтәч, куа алмассың! Эт барды ,куа алмады, Аю барды ,куа алмады, Кәҗә куды ,куа алмады ,син дә куа алмассың.

Әтәч:

• Юк, куармын .

Алып баручы:

• Алар өй янына барып җиткәннәр. Әтәч тәпиләре белән тибенгән, канатлары белән кагынган:

Әтәч:

• Кикри- кү-ү-к (җырлый)

Җилкәмдә чалгы китерәм,

Төлкене чабып үтерәм!

Тиз төш Төлке мич башыннан,

Хәзер үк чыгып кит моннан!

Төлке:

• Хәзер аягыма гына киям!

Әтәч:

• Кикри- кү-ү-к

Җилкәмдә чалгы китерәм,

Төлкене чабып үтерәм!

Тиз төш Төлке мич башыннан,

Хәзер үк чыгып кит моннан!

Төлке:

• Хәзер, хәзер, тунымны гына киям...

Әтәч:

• Кикри- кү-ү-к

Җилкәмдә чалгы китерәм,

Төлкене чабып үтерәм!

Тиз төш Төлке мич башыннан,

Хәзер үк чыгып кит моннан!

Алып баручы:

• Төлке өйдән чыгып киткән. Әтәч белән Куян өйдә бергә рәхәт-рәхәт тора башлаганнар. Әле дә булса торалар, ди алар.

(Әтәч белән Куян кочаклашалар, үбешәләр. Җыр җырлыйлар)

“Чат-чат”

Без уйныйбыз-уйныйбыз,

Якты көннән туймыйбыз.

Кулны-кулга чаба-чаба

Көләбез дә җырлыйбыз.

Без биибез, безнең яшь чак, шат чак

                              Шуңа биеп кул чабабыз чат-чат!