Усэу Синыдэлъфыбз
материал по развитию речи

Синыдэлъфыбз

Мы дунай нэфым ц1ыфыр къызтехъом,

Бзэ зырыз пстэуми тхьэм а1уилъхьагъ.

Лэпкъ зэфэшъхьафыхэу зызаугощхэм,

Зэгуры1оныхэу тхьэм атрилъхьагъ.

Синыдэлъфыбзэу ным къыситыгъэр,

Тыдэ сыщы1эми сщымыгъупшэн.

Сиадыгабзэу тхьэм къыс1уилъхьагъэр,

Хэт къыси1уагъэми сш1омы1эен.

Синыдэлъфыбзэ хэт къытек1он…

Гум илъыр зэк1э ащ къырыс1он.

Сигъогу занк1эу ащ сытырищагъ,

Шэны дэхаби ащ къысхилъхьагъ.

Цыгъо Теуцожьи, Кощбаи, К1эращи,

Жэнэ Къырмызи, Мэщбаш1и, Нэхаи

Тиныдэлъфыбзэ тамэ фаш1ыгъ,

Ошъогум нэсы ар нагъэсыгъ.