Машина һәм самолет. Шәһәребезнең беренче кечкенәләр төркемендә эшләүче тәрбиячеләре өчен УМК кулланып сөйләм үстерү шәгыле.
план-конспект занятия по развитию речи (младшая группа) на тему

                                 Татарстан Республикасы Түбән Кама муниципаль районы

башкарма комитетының “Мәктәпкәчә мәгариф идарәсе

муниципаль учреждениясе

«25 нче гомуми үстерелешле балалар бакчасы»

Машина һәм самолет

Шәһәребезнең беренче кечкенәләр төркемендә эшләүче тәрбиячеләре өчен УМК кулланып сөйләм үстерү шәгыле.

                                                                                     Тәрбияче:  Ясавиева  Лилия

                                                                                                           Мәсләви кызы

Түбән Кама

2012

Бурычлар:

1. балаларны уенчыкларның өлешләрен, төсен, формасын аерырга һәм атарга өйрәтү; исемнәрне сыйфатлар белән яраклаштыру күнекмәләре формалаштыруны дәвам итү; у сузык авазын  әйтүдә күнектерү, сүзлекне активлаштыру; уенчыклар белән таныштыруны дәвам итү;
2. балаларның нинди? кайда? нәрсә ташый? Сорауларына төзек гади җөмләләр белән җавап бирү осталыгын, игътибарын үстерү;
3. шофер, очучы һөнәрләренә хөрмәт тәрбияләү.

Җиһазлар:  уенчык йөк машинасы һәм самолет, шакмаклар.

                                                 Эчтәлек барышы.

Тәрбияче шакмаклар тутырылган уенчык йөк машинасы һәм самолет әзерли, аларның өстен каплап, өстәлгә куя.

Тәрбияче: Балалар, бу нәрсә? (Машина.) (Индивидуаль һәм күмәк кабатлаулар.) Балалар, карагыз әле, машина нәрсәләр алып килгән? (Шакмаклар.) (Активлаштыру.) Балалар, бу нинди машина? (Йөк машинасы.) (Активлаштыру.) Әйе, йөк ташый торган мшина “йөк машинасы” дип атала. (Активлаштыру.) Йөк машинасы яңа шакмаклар алып килгән. Айдар, шакмакларны нинди машина алып килгән? (Йөк машинасы.) (Активлаштыру.) Балалар, әйдәгез, машинаны карыйк әле, аның нәрсәләре бар икән? Данияр, әйт әле: бу нәрсә? (Кабина.) (Активлаштыру.) Кабинада нәрсә бар? (Руль.) (Активлаштыру.) Кабинада кем утыра? (Шофер.) (Активлаштыру.) Әйе, машинаны шофер йөртә. (Индивидуаль һәм күмәк кабатлаулар.) Кабина нинди төстә? (Зәңгәр.) (Активлаштыру.) Булдырдың, Данияр! Камиль, кил әле, машинаның кузовын күрсәт әле. Бу нәрсә? (Кузов.) (Активлаштыру.) Анда нәрсәләр төялгән? (Шакмаклар.) (Активлаштыру.) Кузов нинди төстә? (Сары.) (Активлаштыру.) Булдырдың! Алия, кил әле, машинаның тәгәрмәчләрен күрсәт әле. Тәгәрмәчләр кечкенәме, зурмы? (Зур.) Әйе, йөк машинасының тәгәрмәчләре зур. Бу тәгәрмәчләр тагын нинди? (Зур, түгәрәк.) (Индивидуаль һәм күмәк кабатлаулар.) Әйе, балалар, машинаның кабинасы, руле, кузовы һәм зур түгәрәк тәгәрмәчләре бар. Булдырдыгыз! Балалар, без хәзер сезнең белән йөк машинасын бушатабыз. Мин сезгә                                             шакмакларны күрсәтәм, ә сез аларның нинди төстә икәнлеген әйтерсез. (Әлеге эш төсләрне кыенлык белән аеручы балалар белән эшләнә.) Элина, бу нинди төстәге шакмак? (Бу шакмак кызыл төстә.) (Активлаштыру.  Эш шул рәвешле дәвам итә.) Менә, балалар, без йөк машинасын бушаттык.  (Активлаштыру.) Балалар, без нәрсә эшләдек? (Машинаны бушаттык.) (Индивидуаль һәм күмәк кабатлаулар.) балалар, машина китә. Ул нәрсә эшли? (Китә.) (Активлаштыру.) Машина киткәндә кычкырта: “Би-биип, би-биип!” Машина ничек кычкырта? (“Би-биип, би-биип!”) (Активлаштыру.) Балалар, машина белән саубуллашыйк. (Активлаштыру.)                                                                             Балалар, монда тагын нәрсәләр бар? Бу нәрсә? (Самолет.) (Активлаштыру.) Әйдәгез, самолетның нәрсәләре бар икән, карыйк әле. Данил, кил әле. Самолет кечкенәме, зурмы? (Зур.) (Активлаштыру.) Балалар, менә бу – самолетның кабинасы, анда очучы утыра. Самолетның канаты бар. Ә монысы – самолетның койрыгы. (Активлаштыру.) Рифат, бу нәрсә? (Кабина.) Самолетның канатларын күрсәт әле. (Активлаштыру.) Ә бу нәрсә? (Койрыгы.) (Активлаштыру.) Самолетны кем йөртә? (Очучы.) (Активлаштыру.) Булдырдың, Рифат! Балалар, самолет “у-у-у!” дип оча. (Самолетны “очыртып” күрсәтә.) Роберт, самолет очканда, нинди тавыш чыгара? (“У-у-у”) (Активлаштыру.)Балалар, менә самолет очып китте. Самолет нәрсә эшләде? (Очып китте.) (Индивидуаль һәм күмәк кабатлаулар.) Ә хәзер, балалар, самолет яңадан очып килде. Самолет нәрсә эшләде? (Очып килде.) (Индивидуаль һәм күмәк кабатлаулар.) Балалар, әйдәгез, самолетлар булып уйнап алыйк. Сез самолетлар булырсыз. Кулларны ян-якка канатлар кебек җәябез һәм самолет тавышы чыгарып “очып китәбез” һәм “очып киләбез”. (Уен берничә тапкыр кабатлана.)