Кече Олимпия дәресе
план-конспект занятия по развитию речи (старшая группа) на тему

Кече Олимпия уеннары

(зурлар төркеме)

Ярышта катнашучылар кереп тезелеп басалар.

Тәрбияче. Кадерле кунаклар, балалар! Без бу атнаны сәламәтлек атнасы дип игълан иттек. Әйдәгез әле, кеше сау-сәламәт булсын, бер дә чирләмәсен өчен ни эшләргә кирәк?

 Бала: - Спорт белән шөгыльләнергә;

        - Саф һавада күбрәк булырга;

        - Чыныгырга, күп хәрәкәтләнергә.

Тәрбияче. Бик дөрес, балалар. Безнең балалар спортны, спорт уеннарын бик яраталар. Алар кыюлар, җитезләр, зирәкләр. Ә сез бу сүзләрнең чынлыгына үзегез ышанырсыз. Бүген без зурлар группасы белән Олимпия уеннары уздырабыз.

Нәрсә ул Олимпияда?

Ул-Олы көрәш!

Анда катнашу – үзе бүләк!

Җиңәр өчен көрәштә

Кирәк көчле беләк тә,

Курку белмәс йөрәк тә!

( Кыз белән малай флаг күтәреп керәләр.)

 Кыз: Безнең белән ярышырга,

          Бик тә җитезләр кирәк.

          Кемнәр ярышка әзер,

          Чыгып басыйк тизерәк!

 1 малай: Безнең девиз: “ Иң мөһиме җиңү түгел- ә катнашу!

 Тәрбияче: Олимпия уеннарын ачык дип белдерәм.

(  Бию: Кыршаулар белән кызлар бии.)

  Тәрбияче: Олимпия уеннары ул-дуслык уеннары. Ул барлык җир халкын берләштерә. Анда җиребезнең төрле илләреннән килгән спортчылар катнаша. Татарстан Республикасыннан гына чыгыш ясадылар. Әйдәгез, без дә алардан калышмыйк.

I . Туплар белән.

 1. Төрле ераклыкта кәрзиннәр куела, кем ераграк торучы кәрзингә ыргыта.

 2. Идәнгә утырып, баш артыннан ике кул белән ераклакта торучы кәрзингә ыргыту.

 3. Уен-эстафета “ Бәрәңге чүпләү”.Кәрзингә кем күбрәк чүпләп өлгерә.

II . Биеклеккә сикерү.

 1. Йөгереп килеп биеклеккә сикерү.

 2. 1 рәткә ара калдырып куелган кубиклар аша сикереп чыгу.

 ( Кечкенә балалар белән ял итеп алу бергәләп уеннар: “ Черкине тот” , “ Челән һәм бакалар”)

III . Ераклакка сикерү.

 1.Йөгереп килеп ераклыкка сикерү.

 2. Урыннан торып ераклакка сикерү.

 3. Уен эстафета “ Кем беренче “.

    Беренче урындыктан кубикларны икенче урындыкка күчерү. Кубикны алырга барганда, скамейка буйлап үрмәләп барырга, кыршау аша чыгарга, кире - йөгереп килергә.

Музыкаль тәнәфес (концерт номерлары)

  Тәрбияче. Балалар Олимпия уеннары ошадымы? Безнең девиз: “ Иң мөһиме җиңү түгел,ә катнашу иде. Безнең уеннарда барыбыз да катнашты. Ләкин безнең җиңүчеләребез дә бар. Алар яхшы нәтиҗәләргә ирештеләр. Аларны котлау өчен сүзне җюрига бирик әле.