"Хәйләгә каршы хәйлә"
план-конспект занятия по развитию речи (средняя группа) на тему

Тема. Хәйләгә каршы хәйлә.

Максат. “Хәйләгә каршы хәйлә” әкиятен уку. Инсафлы булырга өйрәтү,җылы мөнәсәбәт тәрбияләү. “Бәйрәм ашы – кара каршы” – дигән мәкальне өйрәтү.                                                                                

Ярдәмлек. Мәкаль. “Хәйләгә каршы хәйлә” әкияте.

Дәрес барышы.

Тәрбияче “Хәйләгә каршы хәйлә” әкиятен сөйли.

• Балалар, төлке нәрсәне кунакка чакырган?
• Торнаны.
• Нәрсә белән ул аны сыйлаган?
• Кесәл белән сыйлаган.
• Торна кесәлне ашый алганмы?
• Юк, ашый алмаган.
• Әйе балалар,торна кесәлне ашый алмаган,чөнки төлке кесәлне сай тәлинкәгә салып биргән.
• Торна төлкене кунакка чакырып нәрсә белән сыйлаган?
• Борчак белән сыйлаган.
• Нинди савытка салган борчакны?
• Тар авызлы тирән чүлмәккә салган.
• Дөрес балалар,тирән, тар авызлы чүлмәккә борчакны салган да “ашасана, кунагым син мине кесәл белән сыйлаган идең, ник бер дә ашамыйсың?” – дигән.
• Төлке ни өчен ашамаган, балалар?
• Чүлмәккә авызы сыймаган.
• Балалар ни өчен торна төлкене ач калдырган?

Балалар җавабы тыңланыла.

• Бик дөрес балалар. Төлке ничек сыйласа, торна да шулай ук эшләгән. Хәйләкәр төлкене акылга утырткан.
• Балалар, игътибар белән тыңлагыз әле, мин сезгә бер мәкаль әйтәм: “Бәйрәм ашы – кара каршы”.
• Бу мәкаль безнең әкияткә туры киләме?
• Туры килә.
• Дөрес балалар, син кунакны ничек каршы алсаң, алар да сине шулай каршы алырлар.

Әйдәгез бу мәкальне бергә кабатлыйк әле.

Мәкальне балаларга өйрәтү.