Песи һәм аның балалары
план-конспект занятия по развитию речи (младшая группа) по теме

1нче кечкенәләр төркемендә сөйләм телен үстерү шөгыле.

“Песи һәм аның балалары” картинасын карау.

“м” авазы өстендә эш.

                               Тәрбияче: Гыйлфанова З.Р.

Сөйләм телен үстерү.

Тема: “Песи һәм аның балалары” картинасын карау.”м” авазы өстендә эш.Төп төсләрне ныгыту.

Программалы эчтәлек: балаларның йорт хайваннары турындагы күзаллауларын киңәйтү;”м” авазын дөрес әйтү өстендә күнегүләр эшләү;төп төсләрне таный белүләрен камилләштерү;

Сүзлек эше: йомгак,кәрҗин,иркә,куен.

Методлар һәм алымнар:сөйләү,күрсәтмәлек,уен.

Материал: картина,уенчык песи.кәрҗин һәм йомгаклар,”серле капчык”.

Шөгыль барышы:

Балалар ярым түгәрәк итеп утыра.Табышмак әйтәм:

1. Му-му диеп кычкыра

          Сөт эчәргә чакыра

2. Күзләре ялт-йолт итә

Мыегы җиргә җитә

Койрыгы шундый йомшак,

Колаклары өчпочмак.

Балалар җавапны әйтәләр

• Балалар сыер, ат, сарык песи – алар нинди хайваннар?
• Йорт хайваннары.
• Әйе,менә без бүген шуларның берсе – песи турында сөйләшербез.Менә мин сезгә аларның рәсемен күрсәтәм.

    Песи һәм аның балалары картинасын карау.Күзәтү.Сораулар бирү.

• Бу нәрсә?
• Песи.
• Песи нишли?
• Ул ята.
• Ә болары песинең балалары.Алар нишлиләр?
• Берсе шаяра, уйный, икенчесе сөт эчә.Берсе әнисе куенында йоклап ята.
• Әйе, балалар. Ә песи үзенең балаларына сокланып яратып карап ята. Алар шундый шаяннар,матурлар. Берсе кәрҗинне аударган да йомгаклар белән уйный.Икенчесе лепер-лепер сөт эчә.Өченчесе әнисе куенында иркәләнеп йоклый бирә.

    Балалар, песи безгә нигә кирәк ул? Ул нинди хезмәт башкара?

• Ул тычкан тота.
• Әйе, ул тычкан тота,өйне тычканнардан саклый. Әйдәгез әле аны бирегә чакырыйк.

• Песс-песс....

    Уенчык песине алам.Менә килеп тә җитте. Аның сезнең белән танышасы килә. Аңа исемнәрегезне әйтегез әле.Хәзер аны кулыгызга алып яратып чыгыгыз инде.

    Балалар песине яраталар һәм песи нинди? дип сорап песине кулдан кулга йөртәләр. Иң соңыннан песи тәрбияче кулыннан кәрҗингә сикерә һәм кәрҗинне аудара аннан йомгаклар чәчелә. Йомгакларны карау, төсләрен һәм “йомгак” сүзен ныгыту. Йомгак тәгәрәп китә һәм кәрҗин эченнән “серле капчыклар” килеп чыга. “Серле капчыкларда” төп төсләрне белдерүче савытлар. “ Үз төсен тап” дидактик уены. Занятие ахырында әни песи һәм балалары булып кычкыру.

         Йомгаклау.