картотека "Кеп ле укаа состор"
картотека (старшая группа)
Предварительный просмотр:
Подписи к слайдам:
Кеҥ тон јыртылбас , Кеп сӧс бузулбас .
Калык-јон качан да бӧкӧ .
Јаҥыс кижи чыдабаза , Эл- јон чыдаар .
Агаш тазылы јер ӧткӱре , Кижи тазылы эл ӧткӱре .
Јоонду от ӧчпӧс , Јон улус јоксырабас .
Кара сууга тӱкӱрбе , Калык-јонды јамандаба
Ӧмӧлӱ иш ӧчпӧс учурлу
Иштеҥкей кижиниҥ јурты ӧҥжӱк .
Эдердиҥ колы ус, Этпестиҥ тили ус.
Јайдыҥ јаҥыс кӱн ижи Јылына јиир курсак болор .
Кӧп иш этсеҥ , билгир болорыҥ .
Иштеҥкейдиҥ ижи кӧп , Јалкуныҥ эрмеги кӧп .
Кыймыктанган кижи кыр ажар .
Ийделенип иштензеҥ , Идиргенге ажыҥ батпай барар
Кӱн ээчизеҥ , кулагыҥ јылыыр , Мал азыразаҥ , курсагыҥ тойор .
Туудый коозо болгончо , Айакча аш болзын .
Кӧп болуп , чӧп болгончо , Ас болуп , чоҥ болзын
Озолозо , от алар , Соҥдозо , сок калар .
Калбакла јууза , кап толор , Чаракла јууза , кош болор .
Учуралдаҥ учуралга эткен иш учурлу болбойтон .
Тил јӱгӱрӱги – башка, Бут јӱгӱрӱги – ашка .
Јада , курсак таппазыҥ
Јалку кижиниҥ ады да јалку
Чыйрак кижи таҥ адарын сакыыр , Јалку кижи Кӱн бадарын сакыыр .
Айры колына иш тутпас кижи ӧрӧ чыкпас .
Иштенбес кижи муҥ кӱнди кысканбас , Иштенер кижи бир кӱнди кысканар .
Ат јакшызы мактулу , Кижи јакшызы кӱндӱлӱ .
Ӱлгӱзи јок ӧдӱк болбос , Угы јок кижи болбос
Кижи јаражыла болбос , Кылык-јаҥыла болор
Јӱс јараш болгончо , Јӱрек јараш болзын .
Јакшыга јанашсаҥ , јакшызы јуугар , Јаманга јапшынзаҥ , јаманы јуугар .
Киженге ат ӱренип јат , Кижиге кижи ӱренип јат .
Јаманныҥ колына бергенче , Јакшыныҥ јолына сал.
Мекке макка баштабайтан .
Бир ийт кӧрӱп ӱрет , Бир ийт бодоп ӱрет .
Кижиге оро каспа , бойыҥ тӱжериҥ .
Уйалбас кижиниҥ маҥдайы калыҥ .
Чакту кижиниҥ колы тыҥ , Керсӱ кижиниҥ санаазы кӧп .
Ат киштежип таныжар , Кижи эрмектежип билижер .
Јортсоҥ , јол аларыҥ , Јолыгышсаҥ , сӧс угарыҥ .
Чын сӧс алтыннаҥ баалу .
Карганныҥ сӧзин каптуга сал, Јаанныҥ сӧзин јанчыкка сал
Јаандарды угар керек , Јаштарга айдар керек .
Акту сӧс ундылбас .
Јаан сӧстӧ јажыт јок , Улу сӧстӧ уйат јок .
Јортып болбос јол бузар , Айдып болбос сӧс бузар .
Узун эдек бутка оролор , Узун тил башка оролор .
Куру калбак ооско јарабас , Кӧп куучын куучынга јарабас .
Челдӱ эт тишке кысталар , Чечеркек кижи сӧскӧ кысталар .
Кескен бычак сӧӧккӧ токтоор , Кеберлӱ сӧс сӱмеге токтоор .
Ийт кирзе, сӧӧк бер , Кижи кирзе, аш ур .
Айакка урган аш Качан да јаман болбойтон .
Учкашканда – јорго , Амзашканда – тату.
Улустаҥ јеткен болуш Качан да ундылбас .
Ийдиҥе болушсаҥ , Айылдаш болбозыҥ .
Кийис чӧйилер , кижи ӧзӧр .
Кыс бала – энезине болуш , Уул бала – адазына болуш .
Эне сӧзин энделтпе , Ада сӧзин арттырба .
Ајарбаган будак кап јарар .
По теме: методические разработки, презентации и конспекты
Алтай состор. Этнокультурный компонент
Региональный компонент на алтайском языке: кеп состор, алкыш состор, кожондор, модор состор....