Эзен ле Эркелей
материал по художественной литературе (старшая группа)

«Эзен ле Эркелей» деп чорчок куучындап берейин.

   Озо jебрен Алтайда Эзен деп атту оскус уул jуртаган. Агын суулардан балыктап, арка-jыштан андап jурер, ас та болзо малы да бар, бойы jалакай, шулмус, jодродый кара суркурашкан косторлу болгон. Ада-энезинен артканы jаныс ла чадыр айыл ла jабаанын чоокыр терези.

   Эзеннин  турлузынан ыраак jок кырлан ажыра Байдаа деп  jайзан jаткан. Ол коо сынду, узун кара тулунду, керсу будушту Эркелей деп кысту болгон.

   Эки jиит огоштон ала нокорложип оскон, айыл-jурт тозоорго куунзеген.

   Бир катап Эзен Эркелейди качырып jуртына экелген. Оны уккан Байдаа jайзан коркышту тын ачынган. Jаныс кызын ол байдын ла уулына берерге сананган.

  Jайзан кызын jандырарга jат, Эзеннии бажын кезерим деп кеекенген деп табыш угуларда, эки jиит белетенип, ас та болзо малын айдап, ыраак тууларга  качкан.

   Jайзан кулдарын кожоло ол экудин кийнинен атту сурген. Эзен ле Эркелей качып, учында jылым кайага барар jери jок туйукталып калган. Кыстын адазы черузиле кожо качкындарды эбире кыстап, айтты: «Мен кызымды сендий оскус, jокту уулга бербезим, бажынды кезерим, баламды jандырарым!»

   Эки jиит коркып, чоокыр jабаанын терезин jабынып, Алтай jеринен, байлу монку тууларынан, аржан-кутук сууларынан болуш сураган. Кенейте jер силкинип, кок тенеринен jалкын согуп, Эзен ле Эркелей турган ла jерине эжер ирбистер болуп кубулып, jылым кайады оро салкын кеминду тартынып чыккан. Кожо болгон  мал-аажы  кочкор, jунма болуп, олордын кийнинен учкан чылап мантагылай берген.