Каз өмәсе
презентация к занятию (подготовительная группа) по теме
Скачать:
| Вложение | Размер |
|---|---|
 kaz_omse.doc | 44 КБ |
Предварительный просмотр:
Муниципальное бюджетное дошкольное образовательное учреждение детский сад комбинированного вида №6 «Незабудка» г. Набережные Челны.
Сценарий праздника для подготовительной группы
«Каз өмәсе”
Составила:
Воспитатель 1 кв. категории
Мазитова Р. И.
г. Набережные Челны.
2013 г.
« Каз өмәсе» бәйрәме.
Мәктәпкә әзерлек төркеме өчен.
Алып баручы: Хәерле көн, кадерле кунаклар, балалар! Бүген без татар халкының йола бәйрәменә - каз өмәсенә җыелдык. Каз өмәсе ул татар халкының иң көтеп ала торган күркәм йолаларыннан берсе.
Хуҗабикә: Кызым, Диана, бүген безгә казларыбызны урнаштырырга иде.
Бар әле апаң белән иптәш кызларыгызны чакырыгыз.
Кыз: Менэ кызык! Бездә бүген каз өмәсе!
« Каз өмәсе» Г. Морат шигыре.
Атлар чаба урамнан,
Чалулый чаналары.
Җилдерәләрме белеп,
Белмичә чабалармы?
Каз өмәсе ич – бездә
Карда – каз түшкәләре.
Саклаган бәбкәләрем
Исемә төшкәләрме?
Хуҗабикә: Әйдәгез, кызлар әйдәгез!
Кызлар керәләр.
1 кыз: Кызлар, тизрәк эшкә тотынсак, эшебез тизрәк бетәр. Әйдәгез, эшне башлыйк.
(кызлар казларны алып идәнгә утыралар. Бер – берсенең эшен күзәтәләр).
2 кыз: Лилиянең казы безнекеннән чистарак булган бит, кызлар.
3 кыз: әй уңган да инде безнең Лилия.
4 кыз: Безнекедә аныкыннан ким түгел. Менә карагыз, ялт иттердек.
Хуҗабикә: Бик зур рәхмәт, балалар. Хәзер ял итеп алыгыз әле.
« Күңелле туп» уены оештырыла. Балалар түгәрәккә басалар, тупны бер – берсенә күчерәләр һәм җырлыйлар ( «Ал чия» көенә).
Күңелле туп тиз –тиз әйдә,
Кулдан кулга тәгәрә.
Күңелле туп кемдә калса,
Хәзер шул биеп ала.
Соңгы сүзне әйткәндә туп кемдә кала, шул бала бии. (Уен 3 тапкыр уйнала).
1 кыз: Туктагыз әле, малайлар килә түгелме соң?
2 кыз: Чынлап та кызлар, малайлар җырлап киләләр.
1 малай: Кызлар ишетәсезме? Без килдек.
Кызлар: Ишетәбез, ишетәбез! Тупсадан акча түләмичә кертмибез. Акчагыз бармы?
Малайлар:Акча бездә бер кесә.(кесәләрен күрсәтәләр).
Хуҗабикэ: Кызлар, бу малайларның бернинди дә акчалары юк. Шуңа күрә әйдәгез табышмаклар әйтик, җавапларын белсәләр, кертербез.
1 кыз: Соскы борын – бакылдык,
Күп сөйләшә - такылдык. (үрдәк)
2 кыз: Башы тарак, койрыгы урак,
Кычкыртып быргысын, уята барысын. (әтәч).
3 кыз: Канаты бар – очмый,
Аягы юк – йөри . (балык).
Хуҗабикә: Бигрәк акыллы икәнсез малайлар, әйдәгез керегез.
Малайлар: Казларыгыз майлы булсын!
Җыр « Такмаклар»
- Шыгыр – шыгыр капканы,
Шыгырдатмый ачмагыз.
Каз өмәсе булган җирдән
Беребез дә калмабыз.
- Барасызмы, барабыз
Каз өмәсен карарбыз,
Куып чыгармаслар әле
Берәр эшкә ярарбыз.
- Каз бәлеше тәмле пешә,
Кызыл кирпеч мичләрдә,
Әй, бигрәк күңелле,
Шушы матур кичләрдә.
Хуҗабикә: Балакайларым, мин казларның эчләрен алып бетердем. Су буена төшеп юып кайтыгыз.
Кызлар казларны көянтәләргә элеп, бәкегә төшеп китәләр. (чыгалар).
1 малай: Каз чайкыйлар безнең кызлар,
Куллары эшкә ята.
Мактаудан башка бер сүз юк,
Бу кызларга карата.
Кызлар керәләр.
Хуҗабикә: Кайтып та җиттегез мени, кызлар. Кая казларыгызны алып куям. Бигрәк уңган балалар булдыгыз. Мин әле тәбикмәкләремне дә пешереп бетерә алмадым.
1 кыз: Борчылмагыз, без уйный торабыз.
« Чума үрдәк – чума каз» уены.
Хуҗабикә: Бигрәк куңелле үтте бәйрәмебез, әйдәгез, балалар, коймакларым пеште, коймак белән чәй эчеп алыйк.
Малай: Бик зур рәхмәт сезгә, апа!
Алып баручы: «Каз өмәсе» йола – уены чәй эчү белән тәмамлана.