НОД «Гер. Герт бәәх юмн.»
план-конспект занятия по окружающему миру

30-гч тойгта келн-улсин бичкдүдин сад

Төр: Гер. Гер дотр бәәх юмн.

                                                             (балчр баг)

Сурһмҗлач: Хулхачин Н.С.

Элст, 2017

Күсл:1. Шин үгин маштг чинр- утх цәәлһх. «Эн гер кенә?»- гидг сурвурт  хәрү өгч чаддг дасх .

2.Оньган өгәд гер дотр бәәх юмс шинҗләд, хәләһәд, юн гер дотр бәәхин тускар келҗ өгдг дасх.

3. Тууляр дамҗад, бичкддин кел өргҗүлх, хальмгаһар келдг дасх .

Дасх үгмүд: маштг, өндр.

Дөнцлмүд: презентац

Кичәлин йовуд.

Сурһмҗлач: Бичкдүд, хәләтн эн кенә мөр болхв? Кен үлдәсмб? Йовад, хәләхмн.

Сурһмҗлач: Бичкдүд, эн юмб?

Бичкдүд: Гер.

Сурһмҗлач: Чик, гер. Яһҗ герүр орҗ болхмб? Герүр орхд юн кергтә?

Бичкдүд: Үүдн.

Сурһмҗлач: Чик , үүдн. Бичкдүд, кен эн герт бәәхмб?

Бичкдүд: Маша болн аю.

Сурһмҗлач: Чик. Яһсн сәәхн гер! Хәләхмн юн герт бәәнә.

                        Эн юмб?

Бичкдүд: Ширә.

Сурһмҗлач: Чик, ширә. Ширә деер юн бәәнә?

 Бичкдүд: Ааһ, ухр.

Сурһмҗлач: Чик. Эн ааһ ямаран? (ик - бичкн).

Ааһар ю кенә?

Бичкдүд: Ааһар цә ууна.

Сурһмҗлач: Эн юмб?

Бичкдүд: Ухр.

Сурһмҗлач: Ухр ямаран?

Бичкдүд: Эн ухр ик.

Сурһмҗлач: Эн ухр ямаран?

Бичкдүд: Эн ухр бичкн.

Сурһмҗлач: Эн юмб?

Бичкдүд: Сандл.

Сурһмҗлач: Эн сандл өндр.

Сурһмҗлач: Эн сандл маштг.

Сурһмҗлач: Аю ямаран сандл деер cууна?

Бичкдүд: Өндр сандл деер cууна.

Сурһмҗлач: Маша ямаран сандл деер cууна?

Бичкдүд: Маштг сандл деер сууна.

Сурһмҗлач: Бичкдүд босад, аю Машад хойрт үзүлхмн яһҗ хурһдар наадх болҗана.

Хурһна наадн: Эн көл, эн нурһн

                           Сандл деер cуухм

                           Сандл деер суухм

                           Нег- негән хәләхм.

Сурһмҗлач: Цааранднь хәләхмн, герт юн бәәнә? Эн юмб? Аю, Маша хойр альд амрх?

Бичкдүд: Эн орн. Орна деер амрх.

Сурһмҗлач: Чик. Маша ямаран орнд деер амрх?

Бичкдүд: Маштг

Сурһмҗлач: Аю ямаран орнд деер амрх?

Бичкдүд: Өндр.

Сурһмҗлач: Бичкдүд, бидн гер хәләһәд, шинҗләд  хәләвүдн юн гер дотр бәәхинь. Ода тодлҗ авхмн. Эн юмб? (сандл, ширә, орн, ааһ, ухр). Эн ямаран? (ик, бичкн, өндр, маштг).

Бичкдүд, наад наадхмн. Хойр баг кееһәд, сандлмудын өөр зогстн. 5-6 күүкд өндр сандлын өөр зогсна, 5-6 күүкд маштг сандлын өөр зогсна. Оньган өгәд тодлҗ автн, ямаран сандлын өөр зогсҗанат. Көгҗмин айс чилхлә, тадн шулуһар гүүҗ одад, эврәннь сандлын өөр төгрг кееһәд зогстн. Кенә баг түрүн цуглрх.(2-3 дәкҗ давтад наадх)

Сурһмҗлач: Бичкдүд, тадн йир сәәнәр наадвт. Тагчг , бичкдүд! Аю нанд нег юм келхәр бәәнә.

Сурһмҗлач: Бичкдүд, Маша болн аюд тадн йир таасгдвт, ямаран сән кевәр сурврмудт хәрү өгсн, ямаран сән наадсн кевәр наадсн, тиигәд аю таднд белг өгчәнә.

Эн цаасн яршг илвтә. Ода бидн хәрәд, бичкдүдин садтан ирәд хәләхмн юн эн яршгт бәәхмб.

(Аю, Маша хойрт бичкдүд «сән бәәтн» гиһәд, герүрн хәрнә. Герүрн ирәд, яршг секәд, белгүд авна).