Суның үзенчәлекләре
опыты и эксперименты по окружающему миру (старшая группа)

ТАТАРСТАН РЕСПУБЛИКАСЫ ТҮБӘН КАМА МУНИЦИПАЛЬ РАЙОНЫ БАШКАРМА КОМИТЕТЫНЫҢ «МӘКТӘПКӘЧӘ МӘГАРИФ ИДАРӘСЕ»

МУНИЦИПАЛЬ УЧРЕЖДЕНИЯСЕ

ТЕМА: «Суның үзенчәлекләре» тәҗрибә.

Зурлар төркемендә сөйләм теле шөгыленә конспект.

                                                                  Әзерләде:

                           тәрбияче Газизянова Э.С.

Татарстан

Түбән Кама шәһәре

86 нчы балалар бакчасы

Эшчәнлек барышы

Тәрбияче: Балалар мин сезгә табышмак әйтәм, сез аның җавабын белегез:

Булмаган җире сирәк,

Үзе һәрвакыт кирәк. (Су) (балалар җавабы)

Тәрбияче: Бик дөрес . Глобуска карап алыйк әле. Иң күбе нинди төс күрсәтелгән.

Балалар: Зәңгәр – су.

Тәрбияче: Димәк җир шарында күп урынны су алып тора икән. Балалар, ә сез су турында ниләр беләсез? Ул нинди?

Балалар: Су – иссез, төссез, сыек, агучан, үтә күренмәле...

Тәрбияче: Кешеләр, хайваннар, үсемлекләр сусыз яши алалармы? Алар суны каян таба? (балалар җавабы)

Тәрбияче:  Сулыкларны пычратырга ярыймы?

Балалар: Сулыкларны пычратырга ярамый, чөнки анда яшәүчеләргә начар була.

Тәрбияче: Су нинди  халәттә була ала?

Балалар: Каты халәттә һәм сыек халәттә була ала.

Тәрбияче: Балалар әйдәгез без сезнең белән хәзер  тәҗрибәләр үткәрәбез. Моның өчен безгә су кирәк булыр.

Беренче тәҗрибә:

Тәрбияче: Иснәп карагыз әле, суның исе бармы? (Балалар суны иснәп карыйлар). Димәк алда инде без сезнең белән әйткән идек. Су нинди?

Балалар: Су – иссез.

Икенче тәҗрибә:

Тәрбияче: Суның тәме бармы?

Балалар: Юк.

Тәрбияче: Балалар,  стаканнар һәм тоз салынган савытлар. Суга тоз салып карыйк әле, нәрсә булыр икән. (балалар сулы стаканнарга тоз салалар һәм кабып карыйлар)

Балалар: Су тозлыга әйләнде.

Тәрбияче: Димәк, суга тәм кертергә була икән. Әгәр без аңа шикәр салсак, су нишләр.

Балалар: Су баллы була.

Өченче тәҗрибә:

Тәрбияче: Балалар, сез бер стаканга тоз салган идегез. Алдыгызда торган икенче стаканга ком салып, болгатыгыз.

Кайсысы эреде? Ни өчен? Тоз кая китте?(балаларның җаваплары) .

Тәрбияче: Әйдәгез, бераз уйнап алыйк.

Хәрәкәтле уен «Яр – су».

Озын сызык сызыла. Сызыкның бер ягы «Су», икенче ягы – «Яр». Алып баручы «Яр – су, яр – су, яр – су» дип тора, ә балалар, буталмыйча, ул әйткән җиргә сикерәләр. Буталганы уеннан чыга. Иң соңгы калган бала җиңүче була.

Дүртенче тәҗрибә:

Тәрбияче: Су белән тәҗрибәләрне дәвам итик. Минем алда ике сулы стакан. Берсенә мин сөт салам. Су нинди төскә керде?

Балалар: Ак. Тагын суны краска салып төс кертергә була.

Тәрбияче: Бик дөрес. Димәк, суга төс кертергә була.

Бишенче тәҗрибә:

Тәрбияче: Кайнаган чәйнектән мин су салдыма. Нәрсә күрәсез?

Балалар: Пар күтәрелә.

Стаканның өстен пыяла белән ябабыз, бераздан анда су парлары пәйда була.

Тәрбияче: Су – парга әйләнә.

• Балалар, сез буген нәрсә турында белдегез? (балаларның җаваплары).
• Бүген алган белемнәрегез турында кемнәргә сөйләр идегез?(балаларның җаваплары)