Сау бул бакчам
материал по музыке (подготовительная группа) по теме

Зал бәйрәмчә бизәлгән, шарлар эленгән. Музыка астында балалар залга керәләр.

А.б.  Уза гомер аккан сулар кебек.

         Үсеп бара безнең балалар.

         Бакчабызда үскән сабыйлар

         Мәктәпләргә инде баралар.

      Кадерле әти-әниләр, балалар, килгән кунаклар! Ел да була торган дулкынландыргыч бәйрәм көнебез килеп җитте. Бүген бакчабыздагы  балаларыбызны мәктәпкә, белем алырга озатабыз.

   Кадерле балалар, сезнең күбегез бакчада 6 ел буена йөрдегез. Бүген

шатлыклы да, бераз моңсу да көн. Ямансу, чөнки, сез якын дусларыгыздан, тәрбияче апалардан аерыласыз; шатлыклы: сез инде зурлар, мәктәпкә барачаксыз.

               Баш очыннан ак болытлар ага

               Ак болытлар – сезнең балачак.

               Балачакка кире кайтып булмый

               Алар шулай ап-ак калачак

               Ак болытлар – сезнең балачак.

Гарипов

            Бераз гына моңсу да,

             Шатлыклы да көнебез.

             Балачакның иң кадерле

             Баскычын бит үтәбез.

                         Сагындырыр, сагындырыр,

                         Бакчабызның һәр көне,

                         Туган йорттай якын булган,

                         Һәр бүлмәсе, һәр җире.

Алинә   Саубуллашу чак та килеп җитте,

              Сизмәгәнбез вакыт үткәнен,

              Сизмәгәнбез айлар, еллар белән

              Гүзәл балачакның үткәнен!!!

Размик   Күп нәрсәне тәүге тапкыр

               Без төшендек бакчада.

               Ни өчен яз ел да килә,

               Карлар явып торса да.

               Җәйләр үтеп, көзләр җиткәч,

               Без барырбыз мәктәпкә.

               Ә бүген без бакчабызда

               Җыелыштык бәйрәмгә.

Бию. Полька

Нәфисә   Без бакчага килгән көнне,

                Бик-бик бәләкәй идек,

                Еладык ул көнне, күрсәтеп ишеккә

                “Әннә, кил тизрәк, “ диеп!

Шарипянова    Ятсындык, ят иттек, ул көнне апаны,

                           Ике-өч көн үтүгә, аңладык хатаны

                           Апабыз әнидәй бик яхшы икән бит,

                            Без аның кулында сизмәдек әнинең киткәнен.

Габдуллина      

                           Апалар әнидәй,

                            Еласак – юатты,

                            Боексак – уйнатты,

                            Ачыксак – ашатты,

                            Арысак – йоклатты

                            Үз улы, үз кызы шикелле

                            Ул сөйде аркамнан

                            Сыйпады чәчемнән, яратты!

Т. Эйе, балалар, бакча ишегеннән беренче тапкыр килеп кергән вакытыгыз әле дә күз алдында. Мин  Рима апа, Дуния  апалар белән сезнең күбегезне ясле төркемендә кабул итеп алдык. Ә кайберләрегез  1 кечкенәләргә, 2нче кечкенәләргә, уртанчылар төркемендә килдегез,  быел инде Венера, Энҗе апаларыгыз  белән эшләдек: шулай итеп бер коллектив булдык. “Алтынчәч” балалар бакчасы һәрберебез өчен дә икенче өебез кебек булды. Без бергә-бергә дус яшәдек. Хәзерге җырыбыз бакчабыз турында!

Җыр “Алтынчәч” гимны (Шакирҗанова И. Көе һәм сүзләре).

Мансур    Борчылмагыз, апалар, китәсез дип

                Яныгызга килеп йөрербез

                Сез өйрәткән белем-тәрбиянең

                Һәр адымда кадерен белербез.

Сөмбел    Сез бит безгә бик күп белем биреп

                 Өйрәттегез бик күп нәрсәгә

                 Намус,хезмәт, тырышлык белән

                 Өйрәттегез дөрес яшәргә!

 Вакилов  Өйрәттегез безне кашык тотып,

                  Тәмле итеп ботка ашарга

                  Чиста булып, һәрчак пөхтә булып,

                  Бүлмәләрне күркәм тотарга.

Альберт    Өйрәттегез безне бакчаларда

                   Хәреф танып, саннар язарга

                   Кечеләрне һәрчак яратырга,

                   Ә зурларны хөрмәт итәргә.

Җыр: “Мәктәпкә барам” Кызлар. (Гөлназ Зарипова көе, Г.Гарипова сүз.).

Ике клоун чыгышы.Размик,Булат.

Кыңгырау белән уен. (музыка уйный, кыңгырауны кулдан-кулга йөртәләр, көй туктаганда кемдә кала, шуңа җәза бирәләр )                  

Азамат              Күңелле дә, күңелсез дә

                          Сез китәсез мәктәпкә

                          Чү, тыңлагыз, тыңлагыз сез

                          Сезне кыңгырау дәшә.

(Кыңгырау чыңлый)

                           Моңаерга бер сәбәп юк

                           Шатлыклы бәйрәм бүген

                           Шушы күркәм бәйрәм белән

                           Котлыйбыз без тагын бер.

Рима котлый.

Бала  - Мәктәп, мәктәп дисез...

Скетч  “Мәктәп”          

 Резидә   Сумкалар да әзер, формалар да,

                  Без мәктәпкә күптән җыендык

                  Инде менә бакча белән

                  Хушлашырга бире җыелдык

Лиана        Нишлисең соң, яшең тулгач,

                   Тормыш бит шулай куша

                   Балачакның бер баскычы

                   Мәктәп белән тоташа.

Руслан      Нәрсә булган, уенчыклар

                   Бар да моңсу, күңелсез

                   Әллә инде без киткәнгә

                   Ямансулыйсызмы сез?

Гильфанова  Ә курчаклар, әйтерсең лә

                    Бездән башка ямь тапмый

                  Утырганнар да почмакта

                  Моңаеп безне тыңлый.

                  Моңаймагыз курчакларым,

                  Моңаймагыз, дусларым,

                  Әйдәгез соң биеп алыйк

                  Хушлашканчы дусларым.

Курчаклар белән бию

 Тәрбияче. Сезне бәйрәм белән котларга кечкенә дуслар килгәннәр.Рәхим итегез.

                                Миннән дә бәләкәй булгансыз,

 Кадрия                  Сез бакчага килгәндә.

                                Кара ничек зур үскәнсез,

                                Китәр вакыт җиткәндә.

                           Бик мәктәпкә барыр идем,

                           Бернигә дә карамый,

                           Тәрбияче апа әйтә,

                           Әле пока ярамый.

                              Бакчаларда шомырт , сирень,

Рима                      Күпме чәчәкләрнең төрләре.

                              Сезне көтә изге юллар,

                              Көтә дуслар, мәктәп юллары.

                             Мәктәпкә баргач дуслар.

                              Бик тырышып укыгыз.

                              Яңа дуслар сез табыгыз.

                              Яманнан сак булыгыз.

Оркестр белән “Гармун уйныйм” җыры

Тәрбияче: Безнең белән 1 ел бергә йөргән акыллы, тыйнак Хадижабыз бар әле. Ул быел  мәктәпкә китми, без аны барыбыз да яраттык, үз иттек аңа сүз бирик әле

Хадижа         Мин бакчада калам әле,

                      Мәктәпкә яшем җитми,

                      Бакчада да бик рәхәт,

                      Калуга исем китми!

                      Калып торам әле мин,

                     Бер генә елга тагын,

                     Күп өйрәнү, үсү кирәк,

                     Уйлыйм әле шул ягын.

Регина         Дустым, борчылма әле

                     Бакчада калам диеп

                     Өйрән әле, күп белерсең

                     Бер ел үткәч бишле алырга

                     Син мәктәпкә килерсең.

Азамат         Җыр да җырлыйк әле, апаларны зурлап

                     Бу җыр булсын бездән истәлек

                     Көе калсын йөрәкләргә үтеп

                     Гомер буйларына җитәрлек!

Җыр “Күңелле балачак” (Л.Батыркаева көе, Р.Миңнуллин сүз.).

  Вакилов          Йөрәгемә иң якын тел

                        Туган телем – үз телем

                        Ярдәмең белән өйрәнәм

                        Иң бөек тел – рус телен

Тәрбияче:  Әйе, балалар, сез 3 ел буе рус теле серләренә төшендегез,  рус телендә күп шигырьләр, әкиятләр өйрәндегез. Сүзне Венера апага бирәбез

Венера котлый (русча)

Сценка  “Теремок”

Таңсылу    Мы расстаемся с детским садом,

                  И все-таки грустить не надо

                  Ведь золотым осенним днем

                  Все вместе в школу мы пойдем.

Җыр. “Круто ты попал в детский сад”.

 Адель         Татар телен, рус телен дә

                     Яраттык без укырга,

                     Чит тел дә читтә калмады,

                     Безгә галим булырга?

                     И кызык шул инглиз теле

                      Тырышып өйрәнәбез.

                     Әллә нинди сүзләр белеп,

                     Кайтабыз өйләргә без.

Тәрбияче: Чыннан да хәзер бакчабызда 3 тел өйрәнәбез. “Исәнмесез”, “Сау булыгыз”, “Здравствуйте”, “До свидания” сүзләре янына “Гуд монин”, “Гуд бай” да өстәлде. Аларны безгә Тәнзилә Котдусовна өйрәтте. Алдагы җырыбыз инглиз телендә булыр, балалар уенчыклар белән хушлашалар.

Җыр.     “See you later”

Тәрбияче: Кадерле балалар сез балалар бакчасында бер-берегез белән дуслаштыгыз, кайберләрегез мәктәпкә дә бер класска укырга бара.Мин сезне сынап карыйм әле, сез бер-берегезне ни дәрәҗәдә беләсез микән?

Сораулар бирәм:

• Безнең төркемдә кем сары чәчле?
• Кем иң шук, шаян?
• Кем иң җитез?
• Кем иң сәләтле?
• Кем иң тәрбияле, әдәпле?
• Кем иң матур җырлаучы?

Ә хәзер үзебезнең группа балалары турында  шигырьләр тыңлагыз

Инзилә       Без төркемдә 27 – һәрчак гел бердәм булдык,

               Һәрбер төрле бәйгеләрдә беренчелектә тордык.

              Азамат, Алинә, һәм Регина  – бу безнең йолдызчыклар,

              Нәфисә,  Габдуллина Алия, Дамир, – бик тә матур җырчылар.

Искәндәр.  Размик, Вакилов булат, Валиев Данияр белән Инзилә

              Бигрәк җитез дусларыбыз, спортчы булыр, кем белә?

             Тыйнак кызлар бездә өчәү: Резеда, Алия,  Гараева Лилия.

             Таңсылу, Данияр, Альбертлар рәссам булыр кем белә?

             Компьютерны безнең Мансур, су урынына эчә.

Валиев  Хоккей белән дус безнең Булат,

              Булыр әле  ул җиңүче.

              Искәндәр белән Адель дә бик дуслар  

              Иң-иң эшчәннәр һәм  ярдәмчел.

 Дамир.Сөмбел табиб булам ди, ә Лиана  – биюче.

              Гомәр,  Руслан,  булыр машина йөртүче.

              Шарипҗанова Лилия  рус теле белгече.

              Ильназга тиңнәр юк, булыр ахры ул- фән белгече.

Бию. Моряк.

Лиана

         Рәхмәт сезгә,

              Бик зур рәхмәт,

              Барлык апалар,

              Бездән соң да шаулап торсын,

              Гөрләп торсын бакчалар.

             Бик зур рәхмәт, барыгызга.

              Яшегезгә олыгызга.

              Безнең турыда гел кайгыртып

              Янып- көеп торучыга!

Алинә          Альфира  апабызга

                     Олы рәхмәтләребез.

                      Ул кайгыртканга шулай

                      Без кадер- хөрмәттәбез.

Размик          Группага  көлеп -елмаеп

                      Айгөл апабыз керә.

                      “ Мәктәпкә әзерләрме “-диеп,

                       Белемебезне тикшерә.

Алия               Тәрбияче апаларга.

                        Зур рәхмәтләр әйтәбез.

                        Тырышып укырга

                        Без сезгә сүз  бирәбез.

Гомәр.             Дуния,Энҗе апалар,

                         Безне  нык кайгырттылар.

                         Үз балалары кебек,

                         Бигерәкләр яраттылар.

 Гараева        

        Флүрә апабызны

       Ничек соң  яратмыйсың?

        Әллә нинди эшләр таба.

       Залда бер тик ятмыйсың.

        Баскычтан да үрмәләдек,

       Таулардан да сикердек.

        Туплар белән дә уйнадык-

        Барсына да җитештек.

Сөмбел

  Иртән алып кичкәчә

  Бакчада көй яңгырый.  

  Пионено  баянда

  Залда   кем соң ул уйный?

  Ул безнең     Чулпан  апабыз.  

  Без аны бик яратабыз.

  Төрле җырлар өйрәтә

  Матур көйгә биетә.

Ильназ

Говарим мы поварам,

От души  спасибо вам!

Обойди хоть целый цвет,

Лучше вашей каши нет.

Мансур

Рәхмәт инде сезгә,

Эльвира, Лиза апалар,

Сезнең күзәтү астында.

Без- сәләмәт, матурлар.

Лилия Ш.

Безнең завхоз апабыз.

Бар эшкә дә җитешә.

Тәмле әйберләр ташый.

Бүлмәбез дә тәртиптә.

Таңсылу    

 Эх, рәхәт тә  йоклаулары,

Ап-ак пастель өстендә.

Яткач та йоклап китәм.

Якты уйлар төшемдә.

Кем соң шулай чиста итеп.

Ап-ак итеп, пакъ итеп.

Керләрне юа икән?

Ә-һә белдем?! Ул бит безнең

Флорида , Роза апа булган икән!

Нәфисә

Гүзәл апабыз ай саен,

Бакча акчасын  чутлый.

Шуңа күрә вакытында

Өенә дә кайталмый.

Акча күчмәсә -

Тәмле әйберләрне

Без бит ашый алмыйбыз.

Гүзәл апның хәлен

Без бик яхшы аңлыйбыз.

Ш Данияр

Лили апабыз бакчада.

Дворник булып эшли.

Җәйен дә, кышын да эш коралы  

Кулыннан бер дә төшми.

Юлларны  ул

Чиста итеп көрәп куя,

Барыбыз да хезмәтенә

Бишле билгесен куя.

Азамат

Фәүзия апабыз безгә

 Бию серләрен өйрәтә.

Әти- әниләребез дә.

Аңа рәхмәт белдертә.

Булат Г.

Каридорда Илбира, Гөлназ  апалар.

Безнең имнлекне саклый.

Чит- ят кешеләрне.

Бакчабызга атлатмый.

Үз постларын алар.

Бер генә дә ташламый.

Гараева  Тик сез бер үк без китә дип

                Ямансулап калмагыз

                Без бит хәзер зурлар булдык

                Без мәктәпкә барабыз.

Бию. Кызлар. Восточный танец.

Ильназ  Әйе, безне мәктәп көтә,

              Кыңгыраулы зур мәктәп

              Ә бу юлга безне сез бит

              Чыгардыгыз  җитәкләп.

Инзилә   Анда да без сынатмабыз

               Менә күрерсез әле,

               Болар безнең бакчаныкы

                Диеп йөрерсез әле.

Регина     Алыгыз сез бүген бүләк итеп

               Чәчәкләрнең шушы бәйләмен

               Каршылагыз тагын бик күп еллар

               Бүгенгедәй шатлык бәйрәмен

Ш. Данияр   Парлашып бер басыйк әле,

                      Һәм түгәрәккә чыгыйк.

                      Якты бакча залларында

                      Туйганчы биеп калыйк.

Бию. Күмәк татар биюе.

Котлау өчен сүз Альфира Максутовнага бирелә

Тәрбияче

   Кадерле балалар! Сезне матур бәйрәм көнегез белән тагын бер тапкыр тәбрик итәм.

                  Әйбәт үтсен көнегез,

                  Фән серен күп белегез.

                  Җиңел булсын укулар,

                  Дөрес булсын язулар.

                  Дәфтәр саен биш булсын,

                  Ерактан көлеп торсын!

Җыр. “ Ил кызларына” (С.Сабирова көе,Л.Хисматуллина сүз.).

                    (шарлар очыралар)

Вальс

Хушыгыз! Хәерле юл сезгә!!!

Муниципаль мәктәпкәчә белем бирү учреждениесе

«Гомуми үсеш бирүче №7 Актаныш балалар бакчасы”

(Мәктәпкә хәзерлек төркеме)

                                                   Тәрбиячесе:

                                                   Вазиева Х.М.

                                                           Музыка җитәкчесе:

                                               Басыйрова Чулпан

Актаныш 2011