“Йомры икмәк”әкиятенә сәяхәт»
план-конспект занятия по математике (средняя группа)

Татарстан Республикасы Түбән Кама муниципаль районы

Муниципаль автоном  мәктәпкәчә яшьтәге балаларга белем бирү         учреждениесы 83 нче номерлы гомумиүстерешле  балалар бакчасы

Уртанчылар төркеме өчен

«Математика илендәге “Йомры икмәк”әкиятенә сәяхәт» темасына

оештырылган белем бирү эшчәнлеге конспекты

(“Танып белү” белем бирү өлкәсе)

                                                            Әзерләде һәм үткәрде:

                                                             83 нче балалар бакчасы

                                           тәрбиячесе

                                                    Васильева А.М.

Түбән Кама, 2017

Эшчәнлек барышы:

Тәрбияче: Исәнмесез, балалар! Хәерле иртә!

Тәрбияче: Балалар, безнең эшчәнлегебезгә кунаклар килде. Әйдәгез, исәнләшик.

Балалар: Исәнмесез! Хәерле иртә!

– Балалар, сез әкиятләр яратасызмы? (Әйе)

– Ә нинди әкиятләр беләсез? (Балаларның җавабы)

– Мин сезгә табышмак әйтәм, ә сез аның җавабын әйтерсез:

“Амбар төбеннән себерелгән,

Иләктән иләнгән, мичтә пешерелгән,

Тәрәз төбендә суытылган” .

Балалар: Йомры икмәк. (Слайд №1)

Т: Балалар, бүген мин сезне математика илендәге “Йомры икмәк” әкиятенә кунакка алып барам. (Слайд №2) Менә монда ике юл: берсе озын, ә икенчесе кыска.Кайсы юл белән барсак,тизрәк барып җитәрбез.(кыска юл белән). Нинди төстәге юл кыска? Нинди төстәге юл озын?  Игътибар белән мине тыңлагыз. Күзләрне йомып, урыннарда атлыйбыз.( музыка яңгырый)

Т: Менә без сезнең белән урман аланында. (Слайд №3) Юлда килгәндә ардык. Әйдәгез утырып ял итик.Шушы матур аланда нәрсәләр күрәсез?(өй, агачлар,йомры икмәк)

1. Дидактик күнегү: “Кайсы биек, кайсы тәбәнәк?

(Өй янында үсеп утыручы агачларны чагыштыру)

Т:Нинди агачлар күрәсез?(имән агачы, чыршы агачы)

-Әйдәгез аларны чагыштырып карыйк.

-Имән агачы нинди?(биек)

-Чыршы агачы нинди?( тәбәнәк.) Игътибар белән карагыз әле, өй нинди геометрик фигуралардан тора? Ә тәрәзәсе нинди геометрик фигурага ошаган? Йомры икмәк нинди фигурага ошаган?

-Балалар, тагын нинди геометрик фигуралар беләсез?(квадрат, өчпочмак,турыпочмаклык, овал) Бик дөрес.

Бервакыт, йомры икмәк урманга сәяхәткә барырга чыккан. (Слайд № 4) 

Т:Юлда йомры икмәкнең каршысына куян килеп чыккан.Куян аны ашыйм дигән. ( Слайд №5). Йомры икмәкне коткару өчен, куянның биремнәрен үтәргә кирәк. 

2.Дидактик уен “Чыршыларны сана”( өстәл артларында) (Слайд №6,7)

Т: Безнең урман аланы зур,матур.Анда күп чыршы агачлары үсә. Әйдәгез,аларны саныйк әле.(5 не саныйлар).Ә хәзер мин сезгә предметлар күрсәтәм, шул предметларга туры китереп цифрларны күрсәтәбез.

Т: Булдырдыгыз, балалар. Куян йомры икмәкне ашамады, җибәрде.

Т: Бара торгач аның каршысына бүре очрый. (Слайд № 11).Бүре минем биремнәремне үтәсәң, ашамыйм, ә җибәрәм дигән.Әйдәгез йомры икмәккә булышыйк әле.

3.Дидактик уен: “Сорауларга җавап бир”( ел фасыллары: кыш,яз,җәй,көз. иртә,көн, кич,төн)(түгәрәккә басып,туп белән уйныйбыз)

1) Салкын саф һава, Йомшак кар ява. Урамга чыксаң, Битләр кызара. Бу нинди ел фасылы?(кыш)

2) Кошлар сайрый, кояш кыздыра,чәчәкләр үсә, күбәләкләр оча. Бу нинди ел фасылы? (җәй)

3) Яңгырлар ява, Тамчылар тама Кояш яктырта Бу кайчак була?(яз)

 4) Салкын җилләр исә,тәрәзәгә чиртә.

Сары яфраклар җирне тутыра.(көз)

Т:Биремне үтәдек. Менә без йомры икмәкне бүредән дә коткардык.

Т: Юлын дәвам итте йомры икмәк. (Слайд №12) Аның каршысына аю килеп чыккан.Аюның  да бик ашыйсы килгән, ләкин биремемне үтәсәң тимим дигән.

4.Дидактик уен:”Дөрес тез”

Т: Балалар, өске рәткә 3 чыршы агачы тезегез.кайсы яктан тезә башлыйбыз?(сулдан уңга таба)

-аскы рәткә чыршыларга караганда бергә әзрәк гөмбә тезегез.Ә тигез булсын өчен нәрсә эшләргә кирәк?

Т: Менә аю да канәгать. Йомры икмәккә тимәде.

Т: Йомры икмәк аюдан китергә дә өлгермәгән, төлке килеп чыккан. (Слайд №13) Төлке мин сине ашыйм, дигән. Мине ашаганчы, башта балалар белән уйнап ал, аннары  мине эзләп табырсың дигән йомры икмәк.

5. Дидактик уен:”Кирәкле урынга бас”

Булдырдыгыз, балалар. Балалар, ул кайда яшеренде микән? (Слайд №14). Безгә хәзер үзебезне төркемгә кайтырга кирәк. Күзләрне йомып,узебез тирәли әйләндек.Күзләрне ачтык. Менә без төркемдә.

Йомгаклау.

Т: Балалар,әйтегез әле,сезгә бүгенге эшчәнлегебез ошадымы?

Т:  Нәрсәләр ошады?

Т: Өйгә кайткач,кемгә сөйләрсез?

Т:  Миңа да сезнең йомры икмәккә ярдәм итүегез  ошады, минем сезгә бүләгем бар, бүген менә мондый смайликлар бирэм.