II нче кечкенәләр төркемендә йомгаклау шөгыле “Кызыклы сәяхәткә”
план-конспект занятия по математике (младшая группа)

“Мәктәпкәчә мәгариф идарәсе” муниципаль бюджет организациясе

«92 – нче балалар бакчасы – баланы төрле яктан үстерү үзәге»

“Ладушки”

II нче кечкенәләр төркемендә йомгаклау шөгыле

“Кызыклы сәяхәткә”

Әзерләде: Фазлыева Ч.Б.

Түбән Кама шәһәре

Максат: әкият һәм төрле уеннар аша балаларның сөйләм теле һәм математикадан белемнәрен тикшерү,кабатлау, ныгыту.

Бурычлар:

Белем бирү бурычлары:

– саннарны күреп таный белүләрен тикшерү,исеме белән кулланырга өйрәтү; геометрик фигураларны кабатлау,таякчыклар һәм шнурлар ярдәмендэ җыеп күрсәтү;йорт җиһазларын,көн-күреш әйберләрен,агачларның исемнәрен,төзелешен кабатлау,әкиятләрне һәм геройларын искә төшерү;

– балаларны төрле юллар белән биремнәр  чишәргә күнектерү;

- Балаларның уйлау – фикерләү сэлэтен, игътибарын, зирэклеген устеру;

Үстерү (ныгыту) бурычлары:

– 1 дән алып 10 га кадәр саннарны ныгыту;

–  саннарның күршеләрен күрсәтә белү;

–геометрик фигураларны танып белүләрен тикшерү, таякчыклар ярдәмендә җыю,ничә таякчык кирәклеген әйтә белү.

–яраткан әкиятләрне искә төшерү;

–балаларның интерактив тактада эшләргә күнектерү.

Тәрбияләү бурычлары:

– балалар арасында дус,тату,бер-береңә ярдәм итү мөнәсәбәтләре булдыру;

– бер-береңне тыңлап,әдәпле итеп җавап бирергә өйрәтү;

– игътибарлык, бердәмлек, хисе тәрбияләү;

• Татар халык иҗатын өйрәнүгә кызыксыну уяту.

 Белем бирү өлкәләре: танып белү, иҗтимагый-коммуникатив үсеш, сөйләм үсеше, сәнгати-эстетик үсеш, физик үсеш.

Алдан эшләнгән эш: татар халык ,А.Алиш,Г.Тукай әкиятләрен уку,җырлы-биюле  “Кәрия-Зәкәрия” уенын өйрәнү .

Җиһазлау һәм күрсәтмә материал: ноутбук, презентация, 1дән 10 га кадәр саннар; таякчыклар;шнурлар, кайчы,әкиятләрдән иллюстрацияләр: (Г.Тукай “Шүрәле,Кәҗә б-н сарык”, А.Алиш “Куян кызы,Сер тотмас үрдәк”..).Г.Тукай,А.Алиш портретлары,төрле геометрик фигуралар .

Таратма материал: 1-10 саннар,таякчыклар,шнурлар,кайчы ,төрле төсле рәсемнәр

Эшчәнлек барышы:

Балалар түгәрәк ясап басалар.

Тәрбияче: әйдәгез әле балалар бер – беребезгә хәерле иртә телик.

                     Хәерле иртә миңа,

                     Хәерле иртә сиңа.

                     Хәерле иртә сезгә,

                     Хәерле иртә безгә.

Хәерле иртә балалар!

Минем нәни дусларым.

Тиктормас кошчыкларым

Әкият сөючеләрем.

“Сөйлә”,-диючеләрем

Ягез әле килегез,тирәмә тезелегез!

Балалар тыңлагыз әле нинди тавыш ишетелә ул?

Бал.: бу-музыка яңгырый.

Тәр.: бу көй нинди? (матурмы,моңсумы ,күңеллеме?) Нинди уен коралларын ишетәсез? (металлафон,өчпочмак-триугольники).

Бал.: әкияттәге кебек.

Тәр.: балалар без  әкиятләр иленә килеп кергәнбез бит.

Тәр.: димәк әкиятне башлыйбыз.

Презинтация “Әкияттә кунакта”.

2 слайд:монда яшәгән бер бай патша.

3 слайд:аның булган Гөлчәчәк исемле патша кызы.

Тәр.: патша кызы өстенә нәрсәләр кигән: озын,зәңгәр күлмәк, карона-таҗ,кулында-кулъяулык.

4 слайд:бай узенең эшләре б-н чыгып киткән,патша кызы өйдә узе генә калган.Ул бакчага ял итәргә чыккан .Шунда бик көчле җил чыгып патша кызын очыртып алып китә.

Бал.: җил нәрсә ул? (һава торышы: көн нинди булырга мөмкин: кояшлы,болытлы,яңгырлы...)

5 слайд: аны патша улы Айбулат эзли чыккан.

6 слайд:Көн –төн бара һәм убырлы карчык өенә кереп чыга.

7 слайд:аның каршына убырлы карчык чыга.

8 слайд:убырлыга Айбулат узенең кайгысын сөйләп биргән.Убырлы карчык “биремнәремне үтәсәң”булышам дигән.

9 слайд:Патша малае убырлы карчыкның биремнәрен үтәргә киткән.

10 слайд:ИКТ уен : “Төркемнәргә дөрес итеп аер” (көн-күреш : суыткыч,тузан суырткыч,ит тарткыч,үтек  һәм йорт җиһазлары : шкаф,урындык, карават,өстәл).

11 слайд:ИКТ уен : “Бу кайсы әкияттән”(“Теремкәй”әкияте геойларын искә төшерү.)

12 слайд:серле урманга килеп кердек .Урманда нәрсәләр күп үсә? (агачлар)

13 слайд: Д/у: “Бу нинди агач?” (агачның нәрсәләре бар: кәүсәсе,ботаклары,яфраклары, чикләвеге,күркәсе,энәләре).

Әйдәгез эле урманда җырлы-биюле уенны уйнап алыйк “Кәрия-зәкәрия”.

14 слайд:урманда безне су анасы көтеп тора.

15 слайд : Балалар сез әкиятләр яратасызмы? Әкиятләр нинди сүз белән башлана,нинди сүзләр белән тәмамлана? Кемнәр яза ? Д/У “Бу кайсы әкияттән”.

Әйдәгез әле балалар безнең әкиятләрдән иллюстрацияләр бар бергәләшеп күргәзмә оештырабыз.Г.Тукай һәм А.Алиш әкиятләреннән кургәзмә.

16 слайд :Д/у “Таякчыклар”(математик биремнәр:1 . “Дөрес җый”таякчык белән геометрик фигур.ны җыю; 2. “Саннарны дөрес урнаштыр”; 3. “ Саннарның күршеләрен тап”).

17 ,18,19 слайд: Уен “Йозак”

Уен “Йозак”

(бармаклар белән хәрәкәтләр эшлибез)

Аланда бар замк (бармакларныбер-берсенәтерәпкуябыз)

Ишегендәаныңйозак (бармакларныберсеарасынаикенчесентыгабыз)

Айбулат ишекне шакый (уч төпләренбер-берсенә кагабыз)

Ачкычны бора (кушылганучларныборгалыйбыз)

Йозакнытарта (Кулларныакрынгынааерабыз)

Ишекне ача (Кулларны төшерәбез

20 слайд: замкны ачтык ,Айбулатка булыштык,патша кызын коткардык.

Тәр.: балалар сезгә ошадымы әкият илендә.Менә сезгә патша кызы Гөлчәчәк узенең бүләген җибәргән .Ләкин аны эшләп алырга кирәк. Монда матур рәсемнәр,шул рәсемнәрне кайчы б-н кисеп алырга кирәк.Хәзер кунаклар б-н саубуллашыйкта узебезнең бүләкләрне карыйк.