Танып- белү үсеше буенча эшчәнлек.
план-конспект занятия по математике (старшая группа) по теме

Белем бирү эшчәнлеге: Танып белү үсеше.

Төркеме : Зурлар

 Тема: «Йомры икмәк белән сәяхәт».

Балалар эшчәнлеге төрләре: уенлы,  конструктив, коммуникатив ,  музыкаль,  танып-белү,  әдәби әсәрне күзаллау.

Максат:

1.Уеннар  hәм “ Йомры Икмәк”  әкиятенә нигезләнеп , балаларның математикадан алган белемнәрен ныгыту.

2. Елның  кайсы вакыты , кыш айлары турындагы   күзаллауларын үстерү . Атна көннәре, тәртип буенча санауны ныгыту; саннар рәтеннән төшеп калган санны табу ; кушу, алуга телдән мәсәлә чишү  күнемәләрен формалаштыру ; таякчыклар ярдәмендә гөмбә төзергә өйрәнү.   Пространствода ориентлашырга , схемага карап юнәлешне билгеләргә өйрәтү эшен дәвам иттерү.

3. Сөйләм телен  , кул моторикасын , хәтерләрен, логик фикерләү сәләтләрен, игътибарлыкларын үстерү.

Мәктәпкәчә белем бирүнең максатчан ориентирлары: элементар  математик күзаллауны булдыра; үзе кызыксынган сорауларга җавап бирә белә;  әдәби әсәрләр , әкиятләр белән кызыксына.

Материал  hәм җиhазлар: Проектор аркылы слайдлар  уеннар күрсәтү,  санлы веерлар,  таратма материал,  таякчыклар (геометрик пенал) , медальләр, туп .

             Балаларның  эшчәнлеген  оештыруның  эчтәлеге:

1. Исәнләшү , хәерле иртә теләү.

-Хәерле иртә күзләр , сез уяндыгызмы?

-Без уяндык!

-Хәерле иртә колаклар , сез уяндыгызмы?

-Без уяндык!

-Хәерле иртә куллар  , сез уяндыгызмы?

-Без уяндык!

-Хәерле иртә яклар  , сез уяндыгызмы?

 -Без уяндык!

-Хәерле иртә кояш ,син уяндыңмы?

-Мин уяндым hәм елмайдым! (әйдәгез бездә сезнең белән матур итеп елмайдык hәм урыннарга утырдык.)

2. Кыш  турында әңгәмә. 

-Балалар , әйтегез әле табигатьтә нинди ел  вакыты хәзер?

- Әйе, бик дөрес , Кыш- ел  фасылы.

-Кышның ничә ае бар?

-Кышның нинди айларын беләсез? ( декабрь , январь, февраль).

-Дөрес, балалар. Менә  кышның да санаулы гына көннәре калып бара.

-Ә сез кышны яратасызмы соң?

-Кыштан соң , нинди ел вакыты килә?

-Ни өчен яратасыз?

-Бик дөрес, балалар, сез уеннар яратасызмы ? Мин сезне    “Чылбыр” (бер-береңә тупны бирү ) уенына чакырам.

а)Атна көннәрен әйтеп китик әле.

б) Тәртип буенча санап алыйк әле.(урыннарына утыралар)

2. Әкиятләр турында сөйләшү.

-Балалар сез әкиятләр яратасызмы?

-Нинди әкиятләр беләсез?

-ә менә мин сезгә бер музыкаль  табышмак алып килдем тыңлагыз әле . Кем белә , нинди әкият герое сезне  үзе белән таныштырды? (Йомры Икмәк)

-Мин дә сезне бүген “Йомры Икмәк” әкиятенә сәяхәткә чакырам.

3. “Йомры икмәк” әкиятенә сәяхәт.

- Борын-борын заманда яшәгән ди, әби белән бабай.Аларның ашарларына калмагач , әби бура төбеннән себерелгән онга икмәк пешерә hәм тәрәз төбенә суытырга дип куя. Әмма Йомры Икмәк тәрәзә төбеннән сикереп төшә дә, сукмак буйлап урманга тәгәри башлый. Тәгәри икән , тәгәри икән , аның каршысына Куян очраган. Куян шунда:

-Кая болай ашыгып тәгәрисең, минем биктә ашыйсым килә, мин сине ашыйм.

Йомры Икмәк : Мине ашама инде син, кызган  мине.

Куян уйга кала : Ярый , тик минем бер шартым бар мин сиңа бирем бирәм , әгәр шул биремне үтәсәң мин сине җибәрәм.

-Балалар , без бит сезнең белән чын дуслар , Йомры Икмәккә ярдәм итәбезме? (итәбез) .“Йомры икмәк”кә ярдәм итү.  

1)Төшеп  калган саннарны табу санлы веерлар ярдәмендә күрсәтү. (4   hәм 6) ; Саннар рәтендә төшеп калган санны табу. Куян  Йомры икмәк җибәрә .

 -Бара икән , бара икән каршысына Бүре очраган. Бүре аңа:

-Кара әле , Йомры икмәк син икәнсең , минем бик-бик ашыйсым килә .хәзер мин сине ашыйм?.

-Кызган инде мине Бүре дус .

-Ярар, тик иң элек син минем биремнәремне үтәргә тиеш .

-Ярый –ярый ,тырышып карармын.  

2). Мәсьәлә чишү .(телдән)

-Куянның 3 шары бар иде , аңа тагын 2 шар бирделәр.Куянда барысы ничә шар булды ? (Куянда барысы 5 шар булды)

-Аланда 5 гөмбә үсә иде . Керпе бер гөмбәне алып китте. Аланда ничә гөмбә каллды.(аланда 4 гөмбә калды)

2+3=5,  5-1=4.(бүредән коткару).

-Шулай итеп,  Йомры икмәк Бүредәндә котылган.

Урман буйлап тәгәри киткән , каршысына Аю очраган, ул бик арган булган . Йомры икмәкне күргәч шундый сөенгән.

-Йомры Икмәк , мин сине ашыйм, дигән .

-Кызган инде , зинhар мине.

-Минем белән уйнап бераз ял итеп алсаң , мин сине җибәрермен ,-дигән.

-Әйдәгез, балалар бергәләп ял итеп, бераз биеп тә алыйк.

3) Физминутка.( музыка ярдәмендә)

4) Йомры икмәк юлын тагын дәвам иткән.Каршысына кем очраган дип уйлыйсыз?

- әйе бик дөрес, Төлкегә  очраган. Төлке инде хәйләкәр , аның да  ашыйсы килгән , әмма ул Йомры икмәкне кызганган .Тик бер шартым бар , әгәр минем шартымны да үтәсәң мин сине җибәрермен дигән.

5)Таякчыклар ярдәмендә “ гөмбә”  төзү.

- карагыз әле гөмбә төзер өчен ничә таякчык кирәк?(9)

- ә хәзер мөстәкыйль рәвештә гөмбә төзү.

6)Юнәлешне билгелик , иң кыска юлны табыйк.

7) Рефлексия .

-Балалар , Йомры икмәк сезгә зур  рәхмәт әйтә . Ул сезгә менә шундый медальләр дә биргән . Балаларга медальләр бирү.

Актаныш районы Иске Байсар балалар бакчасы.

          Танып -белү үсеше буенча , зурлар      

         төркемендә белем бирү эшчәнлеге.

                                      Тәрбияче :Кашапова Г.Р.

                             2015  ел.