Артикуляцион гимнастика
методическая разработка по логопедии (старшая группа) по теме

Артикуляцион гимнастиканың әһәмияте.

Артикуляцион гимнастика-ул артикуляцион органнарның мускуллар хәрәкәтен яхшырту,ныгыту өчен,күнегүләр комплексы.Артикуляцион гимнастиканың максаты:артикуляцион аппаратның (аваз ясалганда катнашкан органнарның) хәрәкәтен активлаштыру,гади күнегүдән катлаулыга таба өйрәнү.Артикуляцион гимнастика баланың дөрес әйтмәгән авзына карап,һәр балага индивидуаль төзелә һәм уен формасында уздырыла.Артикуляцион гимнастиканы һәрвакыт көзге каршында бала белән бергә утырып ясыйлар.Җилкәләр туры һәм тигез булырга,куллар һәм аяклар иркен халәттә булырга тиеш.Башта логопед күнегүне аңлата, эшләп күрсәтә,анары бала белән бергә эшли.Артикуляцион гимнастиканың төрләре һәм озынлыгы нинди авазның дөрес түгеллегенә карап билгеләнә.Логопед башта пассив күнегүләрне,аннан соң актив күнегүләрне өйрәтә.

Мәсәлән:[ш]авазын төзәтү өчен күнегүләр комплексы:

1.”Бака”-елмаябыз,тешләр күренмәскә тиеш.5кә кадәр санаганчы шулай торабыз,ияк алга чыкмаска тиеш.

2.”Фил борыны”-авыз йомык,иреннәрне алга бүлтәйтеп чыгарабыз.

3.”Көрәк”-киң телне чыгарып аскы иренгә куябыз,5 кә кадәр санаганчы шулай торабыз.

4.”Тыңламас тел”-киң телне чыгарып аскы иренгә куябыз,”пә-пә-пә”авазын әйтеп,телне “биетәбез”.

5.”Чокыр”-елмаябыз,авыз ачык,киң телне чыгарып,аскы иренгә куябыз,кырыйларын күтәрәбез,уртасында “чокыр”ясала.5 кә кадәр санаганчы шулай торабыз.

6.”Фокус”-борын очына мамык кисәге куябыз,тел “чокыр”формасында  өске иренгә ябышкан,мамыкны өреп төшерергә кирәк.

Артикуляцион гимнастиканы өйрәнеп бетергәч, сулыш күнегүләрен искә төшерәбез һәм авазны төзәтүгә керешәбез.