Доҕордуу смешариктар
план-конспект занятия по конструированию, ручному труду на тему

Саха республикатын “Таатта улууһа” муниципальнай оройуонун

Баайаҕатааҕы “Ньургуһун” оҕо саада

«БИГЭРГЭТЭБИН»:

ст. иитээччи

_________ /Неустроева А.А./

«06» олунньу 2018с.

«Доҕордуу смешариктар»

өрүү сабынан мультик геройдарын оҥорорго үөрэтэр

маастар-кылаас конспега

Неустроева Альбина Ивановна,

иитээччи

Томтор с.

Маастар-кылааһы ыытааччы: Неустроева Альбина Ивановна, Баайаҕатааҕы “Ньургуһун” оҕо саадын иитээччитэ

Ыытыллар формата: эдэр уонна уопуттаах педагогтарга анаан ыытыллар улахан бөлөх оҕолоро кыттыылаах дьайымал

Маастар-кылаас темата:“Доҕордуу смешариктар”

Сыала:

• өрүү сабынан мультик геройдарын оҥорорго үөрэтии;
• илиинэн үлэ сонун технологиятын туһанан ойуулуур-дьүһүннүүр дьайымалы ыытыыны билиһиннэрии, педагогическай уопуту тарҕатыы.

Былаана:

1. Киириитэ (1 мүн.)
2. Сүрүн чааһа (8 мүн.)

Практическай үлэ.

3. Түмүк (1 мүн.)

“Доҕордуу смешариктар” маастар-кылаас хаамыыта

1. Киириитэ

Сыала: күүтүллүбэтэх түгэн көмөтүнэн оҕолор интэриэстэрин дьайымалга тардыы; бэйэ-бэйэҕэ болҕомтолоох, иллээх-эйэлээх сыһыаҥҥа иитии.

Зал оротугар төгүрүччү сиэттиһэн турабыт

Иитээччи: Үтүө сандал күнүнэн, күндү оҕолор!

Оҕолор: Үтүө күнүнэн!

Иитээччи: Мин аатым Альбина Ивановна диэн, бүгүн эһигини көрө-истэ, бииргэ оонньоору ыалдьыттыы кэллим.

“Смешарики” мультик музыката тыаһыыр

Иитээччи: оҕолор, ханнык мультик музыката тыаһыырый?

Оҕолор:“Смешарики” мультик музыката тыаһыыр.

Иитээччи:көрүҥ эрэ, оҕолор, биһиэхэ ким эрэ ыалдьыттыы кэлбит.

Баайыы Крош куукуланы көрдөрөбүн

Крош: Дорооболоруҥ, оҕолор, миигин билэҕит дуо?

Оҕолор: билэбит, эн Крошкун.

Крош: мин доҕотторбун сүтэрэн бистим, эһиги көрбүккүт дуо?

Оҕолор: суох, эн доҕотторгун көрбөтөхпүт.

Иитээччи: чэ эрэ, оҕолоор, Крош доҕотторо арааһа телевизорга бааллара буолуо ди, экраны көрүҥ эрэ, уонна смешариктары биир-биир ааттарын этээриҥ.

Экраҥҥа смешариктар биир-биир көстөллөр, оҕолор ханнык смешарик буоларын этэллэр.

Иитээччи: оҕолор, “Ким доҕордоох – ол дьоллоох” диэн өс хоһооно баар ди. Тоҕо доҕордоох киһини дьоллоох дииллэрий?

Оҕолор: ...

Иитээччи: _________, эн чугас доҕорун кимий? Эн кинини тоҕо сөбүлүүгүн?...

Оҕолор: доҕотторун аататалыыллар, тоҕо сөбүлүүллэрин кэпсииллэр.

Иитээччи: маладьыастар, биһиги элбэх доҕоттордоох буоллахпытына бэһиэлэйдик оонньуубут, тэҥҥэ үөрэбит, иллээхтик-эйэлээхтик сылдьабыт. Онтон Крош барахсан соҕотох хаалан хаалбыт ди.

Крош: оҕолоор, мин доҕотторум экраҥҥа бааллар эбит ди, онтон мин манна соҕотох сылдьабын. Хайдах гынан доҕотторбун бэйэбэр ыҥырабын? Мин ити экран иһигэр хайдах да сатаан киирбэппин ээ, онтон кинилэр экрантан тахсан кэлбэт буоллахтара ди.

Иитээччи:Крошка доҕотоорун кытта бииргэ буоларыгар хайдах көмөлөһөбүт?

Оҕолор: ...

Оҕолор “смешариктары бэйэбит оҥорон таһаарыахха” диэн санааҕа кэлиэхтээхтэр, ыарырҕаттахтарына:

Иитээччи: арай, биһиги Крош доҕотторун бэйэбит оҥордохпутуна хайдах буолуой?

Оҕолор: оҥоруоххайыҥ.

1. Сүрүн чааһа

Сыала: өрүү сабынан мультик геойдарын оҥорорго үөрэтии; оҕолор айар дьоҕурдарын, илиинэн үлэлиир сатабылларын сайыннарыы.

Иитээччи: экраны болҕойон көрүҥ эрэ, смешариктар хайдах быһыылаахтарый?

Оҕолор: смешариктар төгүрүк быһыылаахтар.

Иитээччи:смешариктары хайдах, тугунан оҥоруохпутун сөбүй?

Оҕолор: уруһуйдуохпутун сөп, килиэйдээн, кырыйан ...

Иитээччи: смешариктары арааһынайдаан оҥоруохпутун сөп ди. Онтон бу Крош смешаригы тугунан оҥорбуттарый?

Оҕолор: Кроһу сабынан баайан оҥорбуттар.

Иитээччи: саамай сөп, бүгүн биһиги смешариктарбытын эмиэ баайыы сабынан оҥорон көрүөхпүт. Эһиги баайыы сабынан тугу эмит оҥорон көрбүккүт дуо?

Оҕолор: ...

Иитээччи: көрүҥ эрэ, мин бу Бараш диэн смешаригы оҥорон аҕаллым.

Оҕолор тутан-хабан көрөллөр

Иитээччи: маны хайдах оҥорбутум буолуой:

Оҕолор: ...

Оҥоһуу техникатын көрдөрүү

Иитээччи: мин өрүү сабынан маннык сымнаҕас, төгүрүк помпон оҥорон көрдөрүүм уонна помпоммун фетр танастан (эбэтэр картонтан) илиилээн, атахтаан, харахтаан смешарик оҥорон таһаарыам, эһиги болҕойон көрүҥ.

1. Көнө муннук быһыылаах лекала ылабыт;
2. Лекалабытыгар субуруччу тэҥ гына саппытын эрийэбит;
3. Лекалабытыттан эрийбит саппытын субурутан ылабыт;
4. Эриллибит саппыт иһинэн өрүү сабы угабыт уонна хам баайабыт;
5. Эрийбит саппытын биир кытыытын кырыйабыт;
6. Помпончик бэлэм буолла;
7. Помпончикпар сирэй оҥоробун: харахтарын, хаастарын, муннутун, айаҕын килиэйинэн килиэйдиибин;
8. Атахтарын, илиилэрин эмиэ килиэйдиибин.
9. Төбөтүн оройугар Копатычпыт сэлээппэтин сыһыарабын.

Копатыч бэлэм буолла.

Практическай үлэ

Оҥоруу техниката экраҥҥа көстөр

Иитээччи: смешариктары оҥоруохпут иннинэ илиибин, тарбахпытын имитэн бэлэмниэҕиҥ эрэ

Смешариктар музыкалара тыаһыыр. Тарбах гиманстиката оҥороллор.

Тарбахтарбыт доҕордуулар (тарбахтарын биирдиилээн бэйэ-бэйэлэригэр сыһыараллаар)

Үҥкүүлээн тэйэллэр (тарбахтарын сараҥнаталлар)

Ойуоккалаан ыстаналлар (илиилэрин сапсыналлар)

Олуһун иллээхтэх (ытыстарын бэйэ-бэйэлэригэр суурайаллар)

Иитээччи: чэ эрэ, оҕолор, ким ханнык смешаригы оҥоруон баҕарар? Талыҥ.

Оҕолор:ханнык смешаригы оҥороллорун талаллар.

Иитээччи: бу саптартан талбыт смешариккыт дьүһүнүнэн саптары ылыҥ уонна мин оҥорбуппун үтүктэн смешариктаргытын оҥоруҥ.

Смешариктаргытын оҥорон бүттэххитинэ Крош аттыгар аҕалан олордон кэбиһээриҥ.

Оҕолор талбыт смешариктарын схеманан сирдэтэн оҥороллор.

Талбыт смешариктара туох уратылааҕын биирдиилээн быһаарабын, хайдах оҥорорго сүбэлиибин, көмөлөһөбүн.

2. Түмүгэ

Сыала: оҕону бэйэтин ис туругун уонна дьайымалын түмүгүн хонтуруолланарыгар, сыаналанарыгар үөрэтии.

Иитээччи: Маладьыастар, оҕолор, Крошпут биһиэхэ кэлэригэр соҕотох этэ ди, аны билигин эһиги көмөҕүтүнэн кини соҕотох буолбатах, доҕотторо баар буоллуллар. Крош наһаа үөрбүт уонна эһиэхэ улахан махталын тириэрдэр: “Баһыыбаларыҥ, оҕолоор”, - диир.

Иитээччи: оҕолор, доҕор туһунан туох диэн өс хоһооно баар диэбиппитий?

Оҕолор: “Ким доҕордоох - ол дьоллоох”

Иитээччи: Эһиги эмиэ смешариктар курдук эйэлээхтик сылдьаарыҥ, иллээхтик оонньооруҥ.

Бүгүн тугу гынныбыт?

Тугу уонна хайдах оҥордубут?

Хайдах үлэлээтигит?

Ким туохха ыарырҕатта? Тоҕо?

Оҕолор ыйытыылар көмөлөрүнэн дьайымалы, бэйэлэрин үлэлэрин сыаналыыллар

Приложение №1

Электронное пособие «Доҕордуу смешариктар»