"Дөрес туклану - сәламәтлек нигезе"
план-конспект урока по физкультуре (подготовительная группа) на тему

МАДОУ “Детский сад комбинированного вида № 109 “Курай”

“ДӨРЕС  ТУКЛАНУ  -  СӘЛАМӘТЛЕК

НИГЕЗЕ”

(сценарий)

Газизова Гульназ

Явдатовна

воспитатель высш.кат.

г. Набережные Челны

2016 г.

 “Дөрес туклану – сәламәтлек нигезе”

(сценарий)

Алып баручы: - Хәерле көн, балалар!

• Исәнмесез, кунаклар! Бер-беребезгә исәнлек-саулык телик.

1-бала:

-Аяклар бергә, куллар аста. Тирән сулыш алабыз. Кулларны әкрен генә өскә күтәрәбез. Без нык, көчле агачлар. Таза , юан агачлар кояшка үрелә. Безнең тәнебез көч-куәт, шатлык, сәламәтлек белән тула.

2- бала: Чыршыдай биек бул, нараттан кызыл бул.

               Имәндәй таза бул! Сау-сәламәт бул!

Алып баручы: - Балалар, без бүген “Сәламәтлек иле”нә сәяхәтебезне дәвам итәбез. “Дөрес туклану” табибында булырбыз. Әйтегез әле, нинди кеше сәламәт була соң?

1 бала: - Сәламәт булу өчен дөрес тукланырга, вакытында ашарга, хәрәкәтләнергә, ял итәргә, чисталыкны яратырга кирәк.

2 бала: - Туклану өчен кешеләргә нинди әгъзалар ярдәм итә? Менә бу рәсемгә карыйк әле. (Рәсем)

3 бала: - Куллар белән тотып, ашамлыкны авызга кабабаыз.

4 бала: - Тешләр белән чәйнибез.

Алып баручы: - Ә азыкны ничек чәйнәргә кирәк?

5 бала: - Бик яхшы итеп, озак чәйнәргә кирәк.

6 бала: - Ашамлыкны йотабыз, ул ашказанына эләгә.

2 бала: - Әйе, ашамлык анда эшкәртелеп сыекчага әйләнә. Ашказаны капчыкка охшаган әгъза. Кирәгеннән күп ашау аңа зыян китерә, чөнки эшкәртү авыр була. Димәк, артык күп ашарга ярамый. Эшкәртелгән сыекча эчәкләргә китә, кирәклу матдәләр канга һәм башка органнарга тарала.

Алып баручы: - Балалар, ә бер генә төрле азык кулланып организм барлык кирәкле әйберләрне  ала аламы?

1 бала: - Юк. Ашамлыкны төрләндерергә кирәк.

Алып баручы: - Дөрес, бертөрле ашамлыклар кешегә хәрәкәтләнү, уйлау көче (бал, карабодай, йөзем һ.б.), ә кайберләре көч (ит, май, балык, эремчек һ.б.) бирә. Ә ничек уйлыйсыз, нинди ашамлыкларда витаминнар күп?

3 бала: - Яшелчә һәм җиләк-җимешләрдә.

Алып баручы: - Дөрес, алар сезнең организмга үсәргә, ныгырга  ярдәм итә. Без аларны җәй-көз күп ашыйбыз. Ә кышкылыкка  нәрсәләр әзерлибез соң?

4 бала: - Кайнатма, җимеш сулары; ә яшелчәләрне тозлыйбыз, киптерәбез, туңдырабыз; салатлар ясыйбыз.

Алып баручы: - Әйе, яшклчә, җиләк-җимешләрнең файдасы бик күп. Әгәр алар сөйләшә белсәләр, менә ничек мактанырлар иде.

1бала:                                        Кыяр.

        Яшелчәләр арасында, иң тәмлесе мин – кыяр.

        Җәй буена ашап туйгач, калганын тозлап куяр.

2 бала:                                       Суган.

        Яшелчәләр арасында , мин дә үсәм бит, туган!

        Грипп эләкмәсен дисәң, күбрәк утырт суган.

3 бала:                                Кәбестә.

        Мин, кәбестәне ашыйлар, яшьләре һәм картлары.

        Тәмемне белгәч, апалар, күп утырта башлады.

4 бала:                                Борыч.

        Яшелчәләр арасында, иң әчесе мин – борыч.

        Борычны базарда сатып, акча алырсын бер уч.

5 бала:                               Чөгендер.

        Мин – чөгендер, кешеләргә, бик күп файда китерәм.

        Кешедәге авыруларны, вакытында бетерәм.

Алып баручылар: - Сез сәламәтлек өчен хәрәкәтләнүне файдалы дидегез. Әйдәгез биеп алыгыз алыгыз әле. (Яшелчәләр бию хәрәкәтләре белән гимнастик күнегүләр ясыйлар).

Алып баручы: - Сез кечкенәдән үк организм өчен файдалы булган сөт эчәсез. Ә сөттән нинди ашамлыклар ясыйлар соң?

1 бала: - Катык , эремчек, туңдырма, каймак һ.б.

Алып баручы: - Әйе, бу ашамлыклар бик файдалы, тик чамасын белеп ашасаң гына.

Сәламәт кеше генә үз теләгенә ирешә ала. Юкка гына : “Саулык – зур байлык” – димиләр. Шуның белән сәяхәтебез тәмам.

Барысы бергә: - Эшләрегез уң булсын, өстәлегез мул булсын. Сау-сәламәт булыгыз! (күмәк җыр башкарыла)

Тәмам.