Тылсымлы курай
план-конспект занятия по аппликации, лепке (средняя группа)

     Башҡортостан Республикаһы Сибай ҡалаһы ҡала округының  "  Ҡояшҡай"  

        берләштерелгән   балалар баҡсаһы   муниципаль мәктәпкәсә белем биреү

                                              бюджет учреждениеһы

                    Уртансылар төркөмөндә

           художестволы - эстетик үҫеш өлкәһендә

             «  Тылсымлы ҡурай » темаһына

       ойошторолған белем биреү эшмәкәрлеге

                                                                  Үткәрҙе тәрбиәсе:

                                                                                             Ҡотлобирҙина Г.Р.

Маҡсат:

1.Өйрәтеүсе :башҡорт халыҡ музыка ҡоралы ҡурай тураһында

                      белемдәрен киңәйтеү.

2.Үҫтереүсе: телмәр үҫешен активлаштырыу,ҡул суҡтарының моторикаһын

                       үҫтереү,әүәләүҙең төрлө ысулдарын ҡулланыу тәгәрәтеп

                       йомарлау,йәмшәйтеү һ.б.

3.Тәрбиәүи :тыуған телгә,илебеҙгә ихтирам,һөйөү тәрбиәләү,ҡурайға

                       ҡыҙыҡһыныу уятыу,һаҡсыл ҡараш тәрбиәләү.

Материалдар : пластилин,пластмас түңәрәктәр.

Обб эшмәкәрлегенең барышы:

Ҡурай көйө яңғырай.

Тәрбиәсе: Балалар,тыңлағыҙ әле,был көйҙө ниндәй музыка инструментында уйнайҙар икән?

 Балаларҙың яуаптары.

Тәрбиәсе :Дөрөҫ.был ҡурай.Ә һеҙҙең ҡурайҙы күргәнегеҙ бармы? Әйҙәгеҙ әле, уны тотоп ҡарайыҡ.

Тәрбиәсе ҡурайҙы алып күрһәтә ,балалар тотоп ҡарайҙар.

Тәрбиәсе: Балалар,әйтегеҙ әле, ҡурайҙы нимәнән эшләйҙәр икән?

Балаларҙың яуаптары.

Тәрбиәсе :Балалар,ҡурай ул үҫеп ултырыусы үҫемлек.Уны элек олатайҙар үҫемлек кипкәс ҡырҡып алғандар,һабағына тишектәр уйып,ҡурай эшләгәндәр.

Тәрбиәсе ҡурай үҫемлегенең һүрәтен күрһәтә.

Тәрбиәсе: Балалар,ә ҡурайҙа уйнаған кешене кем тип йөрөтәләр әле?

Балаларҙың яуаптары.

Тәрбиәсе:  Дөрөҫ,ҡурайсы.Бөгөнгө көндә олатайҙар,атайҙар,малайҙар,хатта ҡыҙҙар ҙа ҡурайҙа уйнайҙар.Балалар,ә һеҙҙең ҡурай тажын эшләгегеҙ киләме ? Улайһа өҫтәл артына ултырабыҙ.

Иң тәүҙә тәрбиәсе үҙенең өлгөһөн күрһәтә.

Тәрбиәсе  :Ҡурайҙың таждары ниндәй геометрик фигураға оҡшаған ?

( түңәрәк)

                 - бөтәһе нисә түңәрәк кәрәк,һанайбыҙ .(  ете)

                - түңәрәкте нисек яһайбыҙ?(  ике ус араһына һалып түңәрәтәбеҙ)

                - таждарҙың һабағы нимәгә оҡшаған  ?(колбаска формаһы)

                - колбаска формаһын нисек эшләйбеҙ ?( устар араһына һалып аҫҡа-өҫкә әүәләйбеҙ)

                - нисә колбаска формаһы кәрәк?(   ете)

               - таж ниндәй төҫтә?

Эштең барышы тикшерелеп бөтә.

Тәрбиәсе:  Хәҙер эште башлайбыҙ,иң тәүҙә пластилинды бәләкәй тигеҙ өлөштөргә өҙөп  алабыҙ.Түңәрәктәр эшләгәс ,уларҙы ике бармаҡ араһына тотоп йәлпәштерәбеҙ.

Балалар эшләйҙәр,ярҙам кәрәккәндәргә  тәрбиәсе ярҙам итә,өйрәтә,күрһәтә.

Тәбиәсе : шулай итеп беҙ һеҙҙең менән нимә эшләнек бөгөн  ?Яуаптар

 Ә һеҙгә үҙегеҙҙең эшегеҙ оҡшанымы? Афариндар ,бик матур килеп сыҡты.Беҙ уларҙы теҙеп ҡуяйыҡ,әсәйҙәрҙә ҡарап ҡыуанһындар.Урындарҙы тәртипкә килтерәбеҙ,ҡулдарҙы йыуабыҙ.Аҙаҡ күмәкләп,"ҡурай" тигән уйын уйнайбыҙ.