Эдирхэн наhанайм улгы
проект (средняя группа)

Санагын хүүгэдэй сэсэрлиг «Ургы»

гэһэн нютагай засагай бюджетнэ болбосоролой эмхи зургаан

Проект

«Эдирхэн наһанайм үлгы»

Проект зохеогшо: Бандеева О.С.

Санага нютаг,

2019 он

Гаршаг

1. Проектын данса
2. Проектын гол үүргэ
3. Зорилгонууд
4. Шиидхэгдэхэ асуудалнууд
5. Проектын дүүн
6. Бэелүүлхэ шатанууд
7. Бэелүүлхэ түсэбүүд

Проект тухай

Нэрэнь: «Эдирхэн наһанайм үлгы».

Хабаадагшад: сэсэрлигэй үхибүүд, түрэлхид, хүмүүжүүлэгшэд.

Гол удхань: Һүүлэй үедэ үхибүүд, түрэлхид сэнхир экран хаража, шэнэ оньһон түхеэрэлгэ, утаһа барижа, буряад түрэл хэлэеэ ехээр хэрэглэхэеэ болижо, даб гэбэл ород хэлэн дээрэ хѳѳрэлдэнэ. Илангаяа, манай Санага нютагта, анханай уһан буряад хэлэтэй зон ажаһуубашье, мүнѳѳ ород хэлэн дээрэ харилсана. Энэ шэнэ үеын бэрхэшээлые дабажа, нютаг хэлэеэ хүгжѳѳхэ, арад зонойнгоо ёһо заншал һэргээжэ, саашань дамжуулха бодолтойгоор бидэ «Эдир наһанайм үлгы» гэһэн проект табижа, хоер жэл соо бэелүүлжэ байнабди.

Тус проект шэнжэлэлгын, нааданай, уран һайхан онол аргануудые хэрэглэжэ, бүтээгдэхэ болоно.

Гол зорилгонууд:

1. Түрэл буряад хэлэ хүгжѳѳлгын арга бэдэрэлгэ (хэшээлнүүд, үйлэ хэрэгүүд);
2. Түрэл хэлэн, нютагайнгаа түүхын баялиг, еһо заншал һэргээжэ, хүүгэдтэ, ерээдүй үедѳѳ дамжуулха;
3. Юрын буряад зоной, Санагын түүхэ, соелой, ажамидаралай үзэмжэ (выставка-мини-музей) байгуулха.

Проектын дүн ямар байхаб?

1. Түрэл хэлэнэй баялигые уудалжа, хүүгэдтээ дамжуулха;
2. Уһан буряад хэлыень саашань зааха, хүүгэдэй хэлэнэй баялигые дээшэлүүлхэ;
3. Буряад хэлэ хүгжѳѳлгын тусхай түб байгуулха. 

Проектын болзор:

2019 оной юһэдэхи һарын нэгэнһээ 2022 оной табадахи һарын һүүлшын үдэр.

Проектын шатанууд:

1 Эхин шата.

2. Гол шата.

3. Дүн гаргалгын шата.

Проектын ябаса:

1. Эхин шата. Хүүгэдэй сэсэрлигэй нэрэ буряад хэлэн дээрэ зүбѳѳр оршуулагдаа. Сэсэрлигэй бүхы үзэмжэ (оформление) буряад хэлэн дээрэ хэгдээ. (Фото стендов на бурятском языке, зон. Показать, что все оформление сделано на бурятском языке, оформление коридора). Бүлгэм бүхын ѳѳрын буряад нэрэтэй. (Барбаадай, Батан туулай, Тоохон тобшо, Толи байса, Бишыхан шэгшүүдэй, Багашуул) (фото названий групп), (фото папок в группах).
2. Гол шата. Саашадаа ажал хэдэн шэглэлээр ябуулагдажа эхилээ.

А) Гурбан наһатай Сандан Намсараев, эжы абатаяа хамта «Минии уг гарбал» гэһэн булан зохеожо, ѳѳрынгѳѳ уг гарбалай һарбалжа – модо зохидоор бүтээгээ. (фото древа родословной). Модоной үндэһэндэ угай эхи табигшад, намаан бүхэндэнь уг гарбалайнь утаһан тэмдэглээтэй.

Б) Батан туулай бүлгэмэй хүүгэд Санагын зоной модон, найман ханатай гэр зуража, досоохи байдалыень харуулаа. (фото нарисованной юрты).

В) Толи байса бүлгэмэй эдиршүүл «Табан хушуу мал», «Һэеы гэр» бэлдэжэ, ехэ һонирхолтой үзэмжэ дэлгээ. (фото домашних животных, Юрты).

Г) Жэлэй туршада музей байгуулха талаар ажал ябуулагдана. «Минии наданхайнууд» гэһэн булан эгээл түрүүн бэлдэгдээ. Эндэ гое хүүхэлдэйнүүд, үйһѳѳр хэгдэһэн шаршагануухайнууд, шагай наадан дурадхагдана. «Нютагайм анхил» - гээд, Санага нютагта ургадаг эмтэйшье, домтойшье, хүнэй бэеын тамирта һайн нүлѳѳтэй ногоон, ургамал – үргэнѳѳр дэлгэгдэнхэй. (Фото һандизай, сагаан дали).

Д) Буряад угсаатай зоной үндэһэн наадануудые һэргээжэ, хүүгэдтэ заажа үгэнэбди. (Фото, где дети играют шагай наада, Бээлэй нюулга». 

Е) Буряад хэлэнэй багшанар Гэрэлма Николаевна Зомонова, Оюна Сергеевна Бандеева хоер энэ жэлһээ буряад хэлэ заалгын программа зохеожо, буряад хэлэнэй хэшээлнүүдые үнгэргэнэ. 

Проектын дүн:

Хүүгэд:

1. Сэсэрлигэй хүүгэд уһан буряад хэлэеэ мэдэхэ.
2. Арадайнгаа түүхэ, еһо заншал хадуужа абаад, саашань нягтаар сахижа, хадагалжа ябаха;

Хүмүүжүүлэгшэд:

1. Хүүгэдые хүмүүжүүлхэ шэнэ онол аргануудтай болохо;

Түрэлхид:

1. Гэр бүлэдѳѳ хүүгэдээ хүмүүжүүлхэ үүргынь дээшэлхэ. Гэр бүлынгѳѳ сэнтэй заншал, түүхэ сахиха, хүндэлхэ.