Сәхнәләштерелгән күңел ачу “Безнең дустыбыз – Светофор”
презентация к уроку (старшая группа) на тему

Сәхнәләштерелгән күңел ачу

“Безнең дустыбыз – Светофор”

( Күңел ачу автокласста яисә музыкаль залда уздырыла )

   Җиһазлау: балалар тумбасында, юл чатында – светофор, җәяүлеләр өчен юл билгеләре, тротуарлар,  балалар урындыкларда утыралар.

   Алап баручы. Кадерле балалар! Ел саен безнең шәһәрләребез һәм авылларыбыз үсә бара, яңа мәктәпләр, балалар бакчалары, матур парклар төзелә. Матур киң юллар салына. Алар буенча автомобильләр йөрүе артканнан-арта бара.  Урамнарда үзеңне хәвефсез хис итү өчен юл йөрү кагыйдәләрен белергә һәм үтәргә кирәк. Транспорт йөртүчеләргә дә җәяүлеләргә дә аларны истә тотарга кирәк.

 Балалар бакчасына выжылдап Москвич машинасы керә.                                                        

-Тукта,тукта.Кая барасың?Син юлда йөри белмисеңме әллә?Юл йөрү кагыйдәләре ни өчен?

Москвичок._Юк,белмим.

                                                   Барлык урам-юлларны

                                                   Узам ярты сәгатьтә.

                                                   Минем дүрт аягым –

                                                   Минем дүрт көпчәгем.

                                                   Кемнең ни эше бар –

                                                   Кайда йөрүемдә.

_Юл йөрү кагыйдәләрен,юл билгеләрен белмәсәң,безнең балалар сиңа өйрәтерләр.Ә син яхшылап тыңлап тор!

           1 нче бала

                                                           Безнең машиналар төрле,

                                                           Сары һәм яшел

                                                           Бер-бер артлы шиналарын

                                                           Шышдырдаталар гел.

           2 нче бала

                                                           Руль артында кыю шофер

                                                           Утырып тора.

                                                           Нинди матур машиналар.

                                                           Ялтырап тора.

_Балалар,машиналар юлда дөрес йөрсеннәр өчен,нәрсә ярдәм итә.?(Светофор)

Аның ничә төсе бар?Нинди төсләр ул?(3 төсе:кызыл,сары,яшел).

         3 нче бала

                                                         Кызыл сигнал –юк әле юл.

                                                           Сары – берәз көтеп тор.

                                                           Яшел төс янып торса –

                                                           Һәркемгә хәерле юл!

        4бала.                                        Кызыл сигнал күрүгә,

                                                           Тукта, юл юк алда!

                                         Яшел төс күзен кысса,

                                         Кыю алга атла!

   5бала.                                       Кызыл сигнал янып тора:

                                                       Юлда хәтәр, көтеп тор!

                                                       Менә сары ут янды.

                                                       Әзер тор хәрәкәткә!

                                                      “ Барыгыз, юллар ачык! “

                                                        Дип яшел сигнал әйтә.

Нәрсә аңладыңмы Москвичок.

                                                         Кызыл сигнал – юл юк әле.

                                                         Көтеп тор сары төскә.  

                                                         Яшел төс яна икән –

                                                         Хәерле юл һәркемгә.

( Балалар “ светофор “ җырын башкаралар. )

                                                      Бу нинди әйбер тагын?

                                                      Кызык юл билгесе!

                                                      Укыйсым килми минем

                                                      Болай да бик рәхәт!

Москвичок.

              ( Москвичок юл билгеләрен күрсәтә. )

6 нче бала

                                                      Без сөйләрбез, аңлатырбыз

                                                      Нәрсә ничек икәнен.

                                         Юлларны без күрсәтербез,

                                         Хөрмәтле юл билгесен!

   7бала                                          Кемнең көпчәкләре бар,

                                                       Киңәш бирәм шуларга.

                                                       Йөрергә ярыймы, диеп

                                                       Кирк башта сорарга.

8 нче бала

                                                       Иң кечкенә билге дә

                                                       Тиктомалдан куелмый.

                                                       Сак булыгыз! Бозарга

                                                       Кагыйдәне ярамый!

Аңладыңмы инде Москвичок?Әхәзер мин сезгә юл билгеләре турында табышмаклар әйтәм,әсез аны экранда ничәнче булып торганын әйтерсез.                                                    

1.      Күр инде,юл читендә

           Чәнечке белән пычак

Ашыйсың килә икән-

          Шул билге коткарачак.(Ашханә).

• 2.Тик машиналарга гына

Рөхсәт монда йөрергә.

Велосипедта икәнсең-

Борыласың кирегә. ( Тыю билгесе – Велосипед белән йөрергә ярамый

      3.    Юл буенча ул йөри,

Туктый тукталыш саен.

Тәгәрмәчләр өстендә йорт,

           Үти һәркемнең җаен. .( Автобус- җәмәгать транспорты)

• 4    Автобус я троллейбус

Ясалган бу билгегә.

Тик утырып китү мөмкин

Икесенең берсенә. (Автобус тукталышы.- мәгълүмәт билгесе)

5    Нинди билге икән ул?

Машинага : “Тукта! -ди.-

Җәяүле, син курыкмыйча

Сызыклар буенча бар!”-ди .(Җәяүле юлы.- күрсәтмә билгесе)

6.Юлда төрле хәлләр була,

Авырып та китәсең.

Мине яннан берегез дә

Игътибарсыз китмәсен.(Ашыгыч ярдәм күрсәтү урыны.)

7.    Велосипедта йөрергә

Әгәр бик тә теләсәң,

Кайда йөрергә кирәген

Мин бит сиңа күрсәтәм. (Күрсәтмә бирүче Велосипедта йөрергә ярый) 

Алып баручы.           Аңладыңмы Москвичок?

_Балалар,ә сез нинди транспор төрләрен беләсез?(Җәмәгать транспорты,махсус транспорт,һава транспорты,су трансортыҗиңел транспорт,тимер-юл транспорты,җир- асты транспорты.)

_Ә сез балалар транспортта барганда нинди кагыйдәләрне үтәргә кирәклеген беләсезме соң?

Тәрбияче: Әйдәгез без дә автобусга икешәрләп утырабыз. Кузгалдык.

(Җырга хәрәкәт ясап барабыз).

Балалар ,әсез юлдан чыга беләсезме соң?Без юлдан кайсы җирдән чыгарга тиеш?Аннан чыкканда нинди кагыйдәне үтәргә кирәк?(җәяүле юлыннан чыгабыз,башта туктап торабыз,аннан сул якка карыйсы.Юл уртасына килеп җиткәндә уң якка карыйсы.)

(Зөльфәт,Алия,Г.Азалия чыгалар,кулларында җәяүлеләр билгесе)

        9 Бала.       Машиналар ашыкмасын,

                            Җәяүле тыныч барсын.

                             Ел буе кизү торабыз –

                             Аларга ярдәм булсын.

10.Ак-кара тасма буйлап,

Җәяүле горур атлый.

Чөнки белә шушы билге.

Гомерен аның саклый.

11.Әлеге билге гел кисәтә

                           Шофёрларны бу хакта                           

                           Игътибарлы булыгыз ди,

                           Җәяүле үткән чакта.

Бию.     Коляскалы кызлар светофорның яшел сигналына юл аша җәяүлеләрнең юлны аркылы чыгу урынында чыгалар, аннары курчаклар белән бииләр. Биегәннән соң, курчакларын коляскаларга утыртып кире чыгалар.

                         Алып баручы.       Нәрсә аңладың икән

                                                         Син бүген дәрестән?

             Москвичок.

                                                         Барлык урам-юлларны

                                                          Уза ярты сәгатьтә.

                                                          Минем дүрт аягым –

                                                          Минем дүрт көпчәгем.

                                                          Барам мин бик кыю,

                                                          Тиз һәм дөрес итеп.

                                                          Яттан беләм мин хәзер

                                                          Юл кагыйдәләрен!

Балалар Москвичокка хәерле юл теләп озатып калалар. Ул юл йөрү кагыйдәләренә буйсынып йөреп китә.                                                                                                                                                                              Алып баручы. Менә шулай итеп Москвичокка юл йөрү кагыйдәләре кирәк булды. Хәзер аны безнең шәһәребез урамында еш күрергә мөмкин. Ул инде хәзер дөрес итеп йөри һәм юл йөрү кагыйдәләрен белә.

Җыр.”Юл билгеләре”

Тәмам.