Эх,күңелле соң җәйләр
план-конспект занятия (старшая группа) по теме

Эх,күңелле соң  җәй !

             (зурлар группасы өчен балалар иртәсе)

Тәрбияче:Хәерле көн,балалар.Бүген мин сезгә бик матур рәсемнәр алып килдем ,ошыймы сезгә ?Бу рәсемнәрдә сез кайсы ел фасылын күрәсез?Ә җәй сезгә ни өчен     ошый?(балаларнын җаваплары тыңланыла).  Балалар, ә сез җәй турында нинди шигырьләр беләсез,сөйләп бирегез әле.                                                                                                                    

Мәликә: Әйдәгез урманга һәм кырга

        Табигать китабын укырга

        Бу китап гаять зур,гаять бай.

        Анда бар :җир ,су,күк,  кояш, ай.

Раиль:Кояш көлеп торганда

Килеп кердек урманга.

Урман безне кумады,

Без бит аның кунагы.

Җиләк белән сыйлады,

Шатлык эчкә сыймады.                                                                                                                                                                                                                                                                          

Энҗе:Дәү әнием бакчачы ,

Бакчасы да бакча соң:

Ачып керсәң капкасын,

Җәйгә аяк басасың.

Гөлләре дә гөлләре ,

Пыяладан өйләре .

Менә һөнәр ичмасам

Дәү әнинең һөнәре:

Чәчәк арасында үтә ,аның бөтен көннәре.        

Тәрбияче:Рәхмәт  ,сезгә балалар.Җәй турында бик матур шигырьләр беләсез.Әйтегез әле, ә  җәен сез нинди уеннар уйнарга яратасыз ?                                                                                                          

(Балаларның җаваплары тыңланыла)

Тәрбияче:Ә уйный башлар өчен матур санагыч кирәк,шулаймы?Мин сезгә бүген матур санагыч өйрәтәм:

            Җыелганнар кошкайлар-

Безнең нәни дускайлар:

Песнәк,чәүкә,саескан,

Күгәрчен артка поскан.

Син карга , син чыпчык,

Тәрәзәдән очып чык!

(Балалар белән “Казлар-казлар “сүзле- хәрәкәтле уенын уйныйбыз  )

Тәрбияче:Балалар ә сез җәен әти –әниләрегез белән бик күп җирләрдә булдыгыз ,ял итәргә туган илебездә генә түгел ,чит илләрне дә күреп кайттыгыз.Ә хәзер сүзне сезгә бирәбез.(берничә баланың сөйләве тыңланыла)

Тәрбияче :Рәхмәт,сезгә балалар .Безнең барыбызга да сезнең чыгышыгыз ошады.Сезнең белән бергәләп киләсе җәйләрне көтәсе генә калды.Эх,күңелле соң җәй айлары.