«Юл йөрү кагыйдәсен белергә тиеш һәркем»
план-конспект занятия по обж (средняя группа)

МБББУ “ Биектау муниципаль районыТашлы Кавал

“Кояшкай” балалар бакчасы”

“Юл йөрү кагыйдәсен белергә тиеш  һәркем”

( Уртанчылар төркемендә сәхнәләштерелгән белем бирү эшчәнлеге )

                                                                        Төзеде: тәрбияче Гыйлаҗиева Э.А.

Максат: Юлларда хәфевсез йөрү күнекмәләрен, светофор билгеләрен  үзләштерү; урамда йөргәндә игътибарлы булырга,юл йөрү кагыйдәләренә , проблемалы ситуацияләрдә югалып калмаска өйрәтү; балалар ның иҗади сәләтләрен,рольләрне башкару осталыкларын үстерү, матур сөйләм күнекмәләрен тәрбияләү.

Җиһазлау: маскалар(куян,аю,бәрән,дуңгыз,ябалак,тычкан),сәхнә бизәлеше:шәһәр урамы,җәяүле юлы,светофор,машиналар, магнитофонда машина тавышлары, җәнлекләрнең өйләре, агачлар.

(Балалар “Смешариклар” мультфильмындагы  геройлары кебек киенәләр,тәрбиче Ябалак ролендә була)

Автор сүзе:Җәйге урман аланы.Шаярып көлә-көлә күктә кояш балкыды,үзенең якты нурларын тирә-юньгә сипте.Шул кояш нурларында безнең җәнлекләребез акрынлап йокыларыннан уяндылар.

(Стенада, экранда кояш чыккан язма курсәтелә.Җәнлекләр берәм-берәм уянып аланга чыгалар.Кояшны сәламлиләр).

Җәнлекләр:Кояш сәлам!

(Гимнастика ясый башлыйлар.Бер җәнлек йоклап кала.Акрын гына чыга.Анын янына башкалар да килә).

Аюкай:-Син кайда булдың?

Бәрән:-Шәһәрдә!

Тычкан:(гаҗәпләнеп)Шәһәрдә?! Ә нәрсә ул?

Бәрән:-Ул шундый матур! Анда зур йортлар, машиналар күп.

Аюкай:-Минем дә анда барасым килә!

Тычкан:-Минем дә...

Куянкай белән Мырык:-Безнең дә...Алып бар безне!

Бәрән:-Ә мин белмим ничек барасын?!

Аюкай:-Менә кызык, үзе барган,үзе белми.

Бәрән:Әйдәгез, Ябалактан сорыйбыз.

(Агачтагы өендә Ябалак йокыга киткән генә була).

Җәнлекләр Ябалакка баралар.Бергәләп ябалакны чакыралар.

Бергәләп:-Ябалак! Ябалак!!!

Ябалак:-Яңа гына кереп яттым, нигә шаулашасыз?

Бергәләп:-Ябалак! Безнең шәһәргә барасы килә.

Ябалак:-Оста икәнсез сез! Анда бару очен юл кагыйдәләрен белергә кирәк.Мәсә-лән,светофор билгеләрен.

Җәнлекләр:-Нәрсә соң ул светофор?

Ябалак: Светофор- ул юл чатында,юл хәрәкәтен көйләп тора.Аның төсләре:

                   Кызыл төс: “Туктап тор!”-ди.

                   Сары төс:”Сабыр ит!”- ди.

                   Яшел төс:”Чыгып кит”-ди.

Ябалак:- Менә сезнең өчен беренче кагыйдә.Игътибар белән тынлагыз.

             Юллар чатында светофор,

             Һәр җәнлекне күзәтә.

             Юлны аркылы чыгарга,

              Юл йөрергә өйрәтә.

(Бергәләп кагыйдәне җырлап кабатлыйлар).

Бәрән:-Шәһәр урамы.Машиналар чаба.Ә юл аркылы ничек чыгарга?

Ябалак:- Машина астында калмас өчен нишләргә кирәк дип уйлыйсыз?

Бергәләп:-Юлдан йөрмәскә.

Бәрән:-Юлдан йөрмәгәч кайдан йөрим соң?

Ябалак:- Юл аркылы чыгар өчен шәһәр урамнарындагы юлларда ак сызыклы юл-  лар,зебралар ясалган.Менә монысы сезгә икенче кагыйдә.Юлны чыкканда:

            Сулга таба карыйбыз,

            Уңга таба карыйбыз.

            Ак-кара тасмалар буйлап,

            Алга таба атлыйбыз.

           (Бергәләп җырлыйлар)

Шулвакыт юл уртасына туп тоткан Аюкай чыга, егыла.Магнитофон язмасында ма- шина тавышы ишетелә.

Барысы бергә:-Тукта!Тукта! Аюкай!Син үзеңне кайда икәнеңне беләсеңме?

Аюкай:-Мин бары сезнең белән туп уйнамакчы идем.

Ябалак:-Менә сезнең өчен өченче кагыйдә.Юлда һәм юл читләрендә уйнарга ярамый.

              Әй балалар,балалар,

              Болай итеп йөрмәгез!

              Гомер бер генә килә ул,

               Аны юлда өзмәгез!

Ябалак:-Сак булыгыз,юлларда

               Уяу булу бик кирәк,

              “Хәерле булсын юллар!”

               Бу безнең изге теләк.

Ябалак:-Ярый җәнлекләрем, без сезнең белән юл кагыйдәләрен бергәләп өйрәндек.Иртәгә юлга кузгалганчы ял итеп алыгыз.Сезгә тыныч йокылар!

(Җәнлекләр берәм-берәм Кояш белән саубуллашып өйләренә таралалар)

 Экранда акрынлап кына Кояш баеп бара.

Автор сүзе:Шулай итеп безнең җәнлекләребез көне буе юл кагыйдәләрен өйрәнделәр, арып-талып кич җиткәнен дә сизми калдылар.Алар өйләренә таралганда Кояш тау артына кереп бара иде.

( Кояш чыгу һәм баю күренеше “Телепузиклар” мультфильмыннан алынды).

.