Хамгушкеева Анна Геннадьевна

Для меня это счастье - в правильности выбранного пути, радость в необходимости своего учительского и директорского труда, в дарении доброго взгляда и улыбки учителям и ученикам.Наверное, от всего этого и счастлива школа, в которой я работаю, и счастлива, конечно, я сама.

О себе

У каждого человека есть свой Путь – путь, который он выбирает и идет по нему всю жизнь. Мой путь – мой сознательный выбор быть учителем . Это выбор, сделанный, возможно, в самом раннем детстве. Для маленького человека, который все свое детство провел в стенах родной школы и не оставалось другого выбора. 

Хори гаран жэл соо би багшаар хүдэлнэб, тиигээшье hаа hурган хүмүүжүүлгын гүн ухаае тобшоор ба эли тодоор бүрилдүүлэн хэлэхэнь бэлэн бэшэ байна. Гол үндэhэн оньhониинь – минии hурагшадтаа хандалга, харилсаан болоно гэжэ hананаб. Һурагша бүхэн өөрын hанал бодолтой, онсо бэе бэеhээ илгаатай, үзэлтэй, оршон юртэмсэдэ өөрын хандалгатай ха юм. Тиимэhээ өөрыгөө үхибүүдтэ зорюулhан хүнэй заяанай үүргэ хадаа, үхибүүдтэ туhалха, тэдэнтэй хамта хүндэ харгы гаталан гаража, зүб мүрөөр хүмүүжүүлхэ, үхибүүн бүхэниие өөрын нюуртай, hанал бодолтой болгон бүрилдүүлхэ. Бэлэн харгы заажа үгэхэ бэшэ, харин хүндэхэншье hаань, өөрын зүргэ харуулха, багша хадаа дээрэ байгаад, гарhаань татажа гаргаха бэшэ, харин үндэрые дабахадань туhалан, саг зуура ээмээ табин үгэхэ.
Мүнөө багшын урда бэлэн бэшэ зорилгонууд табяатай – зохёохо ёhо гурим байгуулха, hурагшадые зохёохы эрдэм тээшэ эрмэлзэл хүгжүүлхэ, өөрын hанамжатай болгохо, хүсэд дүүрэн тэрэнээ бэелүүлхэ, буряад хэлэндээ дуратай болгохо баримта дээшэлүүлхэ,үхибүүн бүхэнэй хубиин бэлиг шадал бэлиг хурсадхан мүлихэ.
Мүнөө партын саана hууhан үхибүүдhээ манай ерээдүй ажабайдал дулдыдана гэжэ хүн бүхэн мэдэнэ. Yхибүүдые ганса багшын табиhан асуудалда харюусажа hургаха бэшэ, харин өөдөө, буряад хэлэеэ шудалжа байхадаа, өөрынгөө hанамжа, хараа бодолоо тодоор хэлэжэ, ойлгуулжа шадаха болгохо. Тиихэдэ хэшээлэй ябаса багша hурагша хоёрой хамтын ажал болоно ха юм, тэрэ ажал алишье таладань hонирхолтой баяр баясхалан асарна. Хэшээл хэшээлhээ хододоо илгаатай, тэрэ хабшуу хашаа соо бэшэ, зорилгонь үргэн хэмжээтэй. Энэ хадаа өөрэ hонор, нугархай байгуулалта,үхибүүнэй шэнэ мэдээсэлhээ, hанамжаhаа хубилан ондоо боложошье магадгүй. Минии эгээл hайн хэшээлнүүд хадаа – hурагшадаймни бэдэрэлгэ, зохёон байгуулга, hонирхол, hэжэглэл,шэнжэлэлгэ hүүлдэнь тэрэнээ зүб шиидхэлгэ болоно. Yхибүүдэй өөрынгөө ажалаар омогорхон, нюдэнэйнь галай ялалзан байхада – эгээл аятай сагни гэжэ hанагшаб.
Би буряад хэлэнэй багшаб,үхибүүдые ганса зүбөөр бэшэжэ, уншажа, хөөрүүлжэ hургаха бэшэ, харин зүбөөр hанал бодолоо табин бодожо үзэхэ, тэрэнээ тоб байсар хэлэжэ шадаха, хайша хэрэгээр юумэндэ хандахагүй, юундэб гэхэдэ, би энэ дэлхэй дээрэ эгээл аймшагтай юумэн хадаа хайхарамжагүй ябадал гэжэ hанадагби. Хүн оршон тойрон байhан юумэндэ элдэб хандастай байдаг ааб даа, тиигээшье hаа хорото, мунхаг ябадалай, хүнэй зоболонгой хажуугаар гаража болохогүй гэжэ хүн бүхэнэй зүрхэн соо хадуугдажа буянтай хэрэг эрхилэг даа.Нэн түрүүн манай үхибүүд бодото hайн, энэрхы сэдьхэлтэй хүнүүд болохо ёhотой. А.С.Макаренкын хэлэhээр: «Хүндэ нэгэл мэргэжэл байха ёhотой — тэрэ хадаа эрхим hайн хүн болохо ёhотой.»

Книги, которые сформировали мой внутренний мир

Портфолио: