Родительское собрание

Сценарий родительского собрания, посвященного 20 летию НСО. от 24.04.2014 года

I. Нәәрин негдгч әңг. Эклц.

Алтн булгин -визитк үзүллҺн

Ведущий 1.

Мендвт күндтә  гиичнр, эк-эцкнр болн аав-ээҗнр!

Школмудар келн улсин классмуд сәкгдәд 20- җил болсн байрин ѳдрт нерәдгдсн хургт ирстн байрлҗанавидн.

В 2: Оньган ѳгтн! Әрәсән болн Хальмг ТаңҺчин частр наадлҺнд Һоодан зогстн.

В1. 1993 җилд түрүн болҗ Хальмг ТаңҺчд келн-улсин  классмуд секгдсмн. Энҗл НСО-20 җилин ѳѳнән темдглҗәнә.

1 болн 2 класс шүлгүдән келҗәнә.

В1.Рокчинскийин нертә АлцынҺудын дундын школын директорт Какишев Виктор Очировичд үг ѳггдҗәнә.

II. Гичнрлә таньлдуллҺн.

Танец с хадаками

В2. Эк-эцкиннь эңкр бүләкн ѳврәс мѳлтрсн, ѳѳкн дотрк бѳѳр мет, ѳндгн дотрк уург мет ѳссн-боссн күүкдиг Һараснь кѳтләд, медрлин хаалҺд орулсн багшнртнь эврә Һазр-нутгиннь магтал ѳргҗәнәвидн. Медрл авчах бичкдүд чигн, теднә кѳлинь дѳрәд орулсн,Һаринь ҺанзҺд күргсн багшнр чигн, эдл-ахун Һардачнр

В 1.

Нәәртн сәәхн болҗ

Наснтн ут болҗ

Кишгтн бат болҗ

Кергтн күцәңгү йовҗ

Домбрин җиңнсн кѳгтә

Дүүвр сәәхн биитә

Эм-ээмән түшлдәд

ЭгцдууҺан дуулдад

Мѳңкин дѳрвн цагт

Маш хамт җирҺҗ йовхитн йорәҗәнәвидн!

В2.  "Хальмг кел даслҺна тѳр ѳдгә цагт" гидг доклад  умшчахнь НСО багин Һардач Адучеева Л.Г

1 класс "Һууҗа"

В1.  О развитии национальной системы в школе расскажет заместитель директора по учебно-воспитательной работе Манджариковой Т.Н.

Грамоты

В1. Мана нәәрт орлцҗ, маднла байрарн хувалцхар гиичнр ирсн бәәнә:

1. Тѳрскнч седклтә, эврә Һазртан дурта, Чапчаевин нертә бод мал ѳсклҺнә заводын Һардач- Иван Бадмаевич Эрендженовд үг ѳггдҗәнә

"Бичкдүдин би"- 2 класс

2. Әрун цаҺан седклтә, җѳѳлн сәәхн хәләцтә. Әңгин ахлач Дондыков Владимир Санджиевичд үг ѳггдҗәнә.

Хоньна Михаил "Хаврин тег".

Умшчахнь негдгч келн улсин классин сурҺульч Горән Бадм.

3. Хальмг ТаңҺчин шүлгч АлцынҺуд селәнд ѳсәд-боссн,эврә Һазртан олн уудәврмүд нерәдәд бичсн Васькаев Бадм Ижляновичд үг ѳггдҗәнә.

Дун"Альвн харадас" 3 классин сурҺульчнр

4. Олн җилмүдт селәнд бәәҺәд, кѳвүн күүкн хойран ѳскәд босхсн, хальмг келндән хару Бугуров Владимр Борисовичд үг ѳггдҗәнә.

Кѳглтин Дава "Хавр гисн юмб?"

Умшчахнь негдгч келн улсин классин сурҺульч Лиҗин Альма.

5. Ачнр -зеенртән сурҺмҗ ѳгдг, уул келән келдг, ѳвкнрин тууҗиг цәәлҺҗ ѳгдг Очирова Надежда Буджаевнад үг ѳгчәнәвидн.

Хальмг улсин би.Товшур.

6. Ачнран хальмгар келүлхәр зүткдг, хальмг ду-биид дурта, сәәхн цаҺан седклтә Доткиева Киштә Эрдниевнад үг ѳггдҗәнә.

Кѳглтин Дава "Хаврин седкл"

Умшчахнь хойрдгч келн улсин классин сурҺульч Гоожура Ангира

7. Келн- улсин классмуд секгдснәс нааран ээҗ болҗ кѳдлҗ йовх, эвлүн сәәхн заңта Гучунова Александра Басанговнад үг  ѳггдҗәнә.

Домбровые наигрыши

"Хальмг күүкн" дуулҗахнь Бадмин Валя

В1. Эндрк мана хург тѳгсҗәнә ирснтн байрлҗанавидн.