Сабақтың тақырыбы: Атам мен әжем.
план-конспект урока на тему

Сабақтың тақырыбы: Атам мен әжем.

Сабақтың мақсаты:

1.     Отбасы тақырыбында әр оқушыны өз білім деңгейінде сөйлетіп, тілдесім әрекетіне жетелеу. Жаңа сөздерді меңгерту.

2.     Оқушылардың есте сақтау, ойлау, сөйлеу қабілеттерін қалыптастыру. Сөздік қорын байыту.

3.     Үлкенді сыйлау. Үлкендермен қарым-қатынас, сыпайылық әдеттерді сіңіру.

Сабақтың түрі: Жаңа сабақ.

Сабақтың әдісі: Сұрақ – жауап, көрсету, жаттау.

Сабақтың көрнекілігі: сурет, үнтаспа, кубик, кластер.

Сабақтың барысы.

I.                   Ұйымдастыру кезеңі.

-      Сәлеметсіңдерме балалар!

-      Отырыңдар!

II.                Үй тапсырмасын тексеру. Диалог «Менің отбасым».

III.             Жаңа тақырып.

1.Өлең «Атам»

Жақсы көрем атамды

Атам жүзге тақалды

Ұрыспайды

Ұстасам

Аппақ қардай сақалын

Жақсы көрем қасын да

Қардан аппақ шашын да

Қорықпаймын ешкімнен

Атам жүрсе қасымда.

2.Ән тындату. Асыл әже.

-      Балалар сендер тыңдаған өлең  кім туралы?

-      Ән кім туралы?

-      Біз бүгін кім туралы әңгімелейміз?

-Бүгінгі сабағымызда біз ата  әжелеріміз туралы әңгімелейміз жаңа сөздер жаттаймыз, сөйлем құраймыз.

3.Сұрақ – жауап.

-      Кімнің әжесі бар?

-      Саша әжеңнің аты кім?

-      Алена сенің атаң бар ма?

-      Әжелер қандай болады?

-      Әжені не үшін жақсы көресің?

-       – Ия балалар әжелердің бәрі мейірімді, ақылды, бізді өте жақсы көреді.

IV.           Сөздік жұмысы.

А) Алыңыз – возьмите                                                         ә)  Беріңіз - дайте

    Оқыңыз – читайте                                                        Тыңдаңыз - слушайте

    Ішіңіз – пейте                                                               Жазыңыз - пишите

    Көріңіз – смотрите                                                      Отырыңыз - садитесь

                                                                                          Зейнеткер – пенсионер

1)Мұғалім оқиды.

2)Оқушылар – қайталайды.

3)Жуан, жіңішке сөздерді ажырату.

4)Тән дыбыстарды айтқызу.

5)Сөз тіркесін құрау.

6)Сөйлем құрастыру.

7)Доппен ойнату. Сөздердің меңгеруін тексеру.

Бер + іңіз.

Ал + ыңыз.

V.               Мәтінмен жұмыс.

1.     Мәнерлеп оқимын.

Менің атым – Нұржан. Менің атам мен әжем бар. Олар ауылда тұрады. Ауылда қой, ешкі, сиыр бар. Атамның аты – Сәкен. Әжемнің аты – Сәуле. Атам мен әжем зейнеткерлер. Мен атам мен әжеме көмектесемін, оларды жақсы көремін.

2.     Оқушылар оқиды.

3.     Орыс тіліне аудару.

4.     Мазмұндау.

5.     Кім? не? сұрақтарына жауап беретін сөздерді жазғызу (тақта жұмысы).

VI.           Сергіту  сәті.

Бас бармақ

Балаң үйрек.

Ортан терек

Шылдыр шүмек

Кішкентай бөбек.

VII.        Сабақты пысықтау. Ойын ойнату. Кубизм сұрақ – жауап.

-      Сенің атаң, әжең бар ма?

-      Атаңның аты кім?

-      Әжеңнің аты кім?

-      Олар қайда тұрады?

-      Сен оларды жақсы көресің бе?

VIII.    Көрініс. «Біздің отбасымыз».

-Кешкі уақыт. Барлығы отбасы жиналып отыр.

-Әжесі тоқып отыр. Атасы теледидар көріп отыр. Әкесі газет оқып отыр. Шешесі кешкі асқа дастархан әзірлеп жатыр. Балалары ойнап отыр.

Шешесі: «Дастарханға келіңіздер!» - деп шақырады.

Сонда Арман баласы: «Ата жүріңіз» - деп қолынан ұстап, дастарханға жетектеп келеді. Ал Әлия қызы: «Әже шай ішіңіз» - деп әжесін тоқудан үзіп, шайға шақырады.

-Арман: «Ата, отырыңыз» - деп орындығың жылжытады.

-Әкесі: «Ана, отырыңыз».

-Анасы: «Астарыңыз дәмді болсын!» - деді.

Көріністің мақсаты: Отбасында үлкендерді сыйлау, қарияларды құрметтеу, бір – біріне сыпайлы болу.

IX.           Ата, әже сөзіне кластер жасау.

            МЕЙІРІМДІ, АҚЫЛДЫ, ҚАМҚОРШЫ, ЖАҚСЫ , АДАЛ

X.               Үй тапсырмасы: Ата, әже туралы әңгімелеу.

XI.              Бағалау.