Насыпова Гульфия Маратовна

О себе

Башланғыс синыфтарҙа уҡығанда уҡ үҙемдең буласаҡ һөнәремде билдәләгәйнем инде. Шуға ла Башҡорт Дәүләт  Университетының башҡорт филология һәм журналистикаһы факультетына уҡырға индем. Хәҙер  Өфө ҡалаһында башҡорт теле һәм әҙәбиәте уҡытыусыһы булып эшләйем.

Книги, которые сформировали мой внутренний мир

Эмили Бронте "Грозовой перевал", Зәйнәб Биишева"Яҡтыға" трилогияһы

Моё портфолио

Тел - милли аңдың, милли рухиәттең, тарихи хәтерҙең, ғөмүмән, милләттең нигеҙ ташы. Бына ошо телде йәш быуындың зиһен, күңел донъяһына еткереү - иң элек уҡытыусы өлөшөнә төшә.

Уҡытыусынан да бөйөгөрәк һөнәр юҡтыр ул. Ниндәй генә юғары дәрәжә биләгән кеше булмаһын, тик уҡытыусы ярҙамында ғына ул бейеклектәргә үрләй. Заман үҫешкән һайын яңынан-яңы һөнәрҙәр барлыҡҡа килә. Әммә шулар араһында уҡытыусы һөнәре һәр саҡ иң юғары баҫҡыста тора. Ысын уҡытыусы булыр өсөн ғүмер буйы уҡырға, өйрәнергә, ә иң мөһиме - балаларҙы яратырға һәм хөрмәт итә белергә кәрәктер. Уҡытыусы һөнәрен һайлауыма үкенмәйем, яратҡан эшем ҡанат ҡуя. Йылдар үтеп, тәжрибә туплаған һайын, уҡытыусы һөнәренең ҡөҙрәтле көсөнә ышанысым арта. Әҙәп-әхлаҡҡа, белемгә, яҡтыға, яңы үрҙәргә әйҙәүсе, заман менән бергә атлаусы, уны һәм йәмғиәтте тәҙәүсе, ысын кешене, шәхесте тыуҙырыусы ул уҡытыусы!

Үҙ һөнәреңде яратып, хеҙмәтеңә күрә хөрмәтен дә тойоп йәшәүҙән дә ҙур бәхет бар мы икән?!

Портфолио: