"Попов Владимир хоьооно"

Попов Владимир -
 Горнай улууһун В.В.Филиппов аатынан Бэрдьигэстээх улуустааҕы гимназиятын 11 кылааһын үөрэнээччитэ

Сахам норуота

Мин таптыыбын Сахам сирин,
Кини муударай норуотун
Улуу Олоҥхо оҕотун,
Түүр омук тыллаах,
Урааҥхай Саха удьуорун,
Манна, Олоҥхо дойдутугар,
Төрөөн-үөскээн төлөһүйбүт,
Силистэммит норуоту.

Мин билэбин, Эллэй Боотуру,
Саха омугу төрүттээбит
Культурнай өбүгэбитин,
Киэн тутта кэпсиибин
Сахаҕа көҥүлү бэлэхтээбит
Ил судаарыстыба тэрийээччитин
Урааҥхай биис тойонун
Улуу Тыгын Дарханы.

Мин өйдүүбүн, Манчаарыны,
Тойон киһи хараҕын
Утары көрбүт өрүөлү,
Борустуой, дьадаҥы норуокка
Үрүҥ тыыны олохтообут,
Батталлаах кыра норуокка
Эрэл күүһү бэлэхтээбит,
Хорсун норуот геройун.

Мин таптыыбын Сахам сирин
Күөх Туймаада алаастарын,
Күҥҥэ күлүмнүүр алмаастарын,
Улуу Өлүөнэ өрүһү, дьиктилээхй хайатын
Сүүнэ Сиинэ үрэҕин, өрө харбаспыт хайатын,
Кини кэрэ көстүүтүн.

Көрсөн кэпсэппит киһи, саатар биирдэ
Саха чулуу уолаттарын
Өҥөйөн көрбүт киһи, кыл тугэнэ
Олорон ааспыт олохторун…
Аахпыт киһи  кинилэр
Сүппүт сүдү айымньыларын,
Кэпсэппит киһи  атах тэпсэн олорон
Ол дьалхааннаах олох туһунан…
Өксөкүлээх, Алампа, Неустроев, Ойуунускай,
Саха Улуу бөлөһүөктэрэ,
Инникини өтө көрөөччүлэрэ,
Сүгүрүйэбин үс куккутугар, Албан Улуу ааккытыгар.

Эһиги айан хаалларбыт айымньыларгыт,
Үөрэтэллэр олоххо,
Саха норуотун кэскилэ
Үүнэ-үрдүү турарыгар.
Сарсыҥҥыга эрэллээх,
Саҥа күҥҥэ бэлэмнээх,
Сайдар – үүнэр Сахаҥ ыччатыттан
Сахалыы Уруй-Айхал этэбит
Саха Саарына дьоммутугар.

                                                             2024 сыл.