Вöралöмкöд да чери кыйöмкöд йитчöм эскöмъяс

Опубликовано Гребенюк Диана Алексеевна вкл 21.09.2017 - 22:39

Автор:

Малева Софья

Материалы собраны в с.Руч Усть-Куломского района

Скачать:

Вложение	Размер
Вöралöмкöд да чери кыйöмкöд йитчöм эскöмъяс	381.5 КБ

Предварительный просмотр:

Управление образования администрации

муниципальногорайона «Усть-Куломский»

муниципальное общеобразовательное учреждение

Ручевская средняя общеобразовательная школа

Коми фольклорысь олимпиада удж

Тема: Вöралȍмкȍд да чери кыйȍмкȍд йитчöм эскöмъяс.

Гижысь :Малева Софья Николаевна,

03.03.1998ч.в, 10-öд класса велöдчысь.

Оланiн: Кулöмдiн район, Руч сикт,

Шöр улича, 417.

Уджöн веськöдлысь: Гребенюк Диана

Алексеевна, Кулöмдiн районса Руч шöр

школаын коми кыв да литература

велöдысь. Оланiн: Кулöмдiн район, Руч

сикт, Шöр улича, 187 «Б».

Руч

2015

Юриндалысь

Водзкыв……………………………………………… 3

Шöр юкöн.

1 юр. Вöралȍмкȍд да чери кыйȍмкȍд йитчöм эскöмъяс ………… 4-8

Бöркыв……………………………………………….9-14

Содтöд: информаторъяс…………………………….15

Водзкыв

Комияслȍн вȍралȍм юксьылíс кык кадколаст вылȍ: арся (арся вȍралȍм, арȍс, уд) и тȍвся-тулысся. Арся вȍралȍм заводитчывлíс кȍч тȍлысьȍ « Пречистая» храм празьник бȍрын да помасьлíс ȍшым тȍлысь 6-ȍд лунȍ, сíдз кыдз усьлíс нин джуджыд лым. Комияслȍн кыйсян угоддьȍяс вȍлíны некымын километра, и, дерт, видлыны ветлывлíсны эз ȍти лун, узьмȍдчывлíсны вȍралан керкаын,прȍмыс видзлíсны тшамъяын. Кыйсигȍн лёк,слȍт поводдя дырйи ёна отсавлíс кучикысь вурȍм лаз. Но а медся бур ёртȍн вȍралысьлы вȍлí пон, ныриса да ыджыд сьȍлȍма. Татшȍм понъяссȍ корсьлíсны воясȍн. Кыйсян угоддьȍяс комияслȍн вуджлíс кȍленаысь кȍленаȍ.

Олимпиада уджлöн могъяс:

1.Тöдмöдны Кулöмдiн традиция Руч сиктынвöралȍмкȍд да чери кыйȍмкȍд йитчöм эскöмъясȍн.

2. Отсавны вежȍртны чукȍртȍм материалъясысь коми войтырлысь олан этшсȍ, мȍвпалан сямсȍ, вȍр-ва да традицияяс вылȍ видзȍдлассȍ.

Выльтор.

1.Медводдзаысь научнöй оборотö пыртöма 10 выль текст.

2.Медводдзаысь торйöн видлалöма вöралȍмкȍд да чери кыйȍмкȍд йитчöм эскöмъяс.

Коланлун.

1.Тайö уджöн позьö вöдитчыны школаын,6-öд классын, «История Республики Коми » предметысь «Охота и рыболовство» тема велöдiгöн,пыртны кыдз содтöд материал.

2. Коми гижöдъяс велöдiгöн позьö орччöдны мукöд войтырлöн оласногкöд.

Анализируйтан материал:

Уджлöн практическöй подулöн лоö 10 текст, кодъясöс чукöртöма Кулöмдiн районса Руч сиктысь.

Уджлöн тэчас:

--- Водзкыв, кöнi сетöма уджлöн коланлун, тöдчанлун, выльлун;

--- Шöр юкöн,кодi артмöма 1 юрысь.

--- Бöркыв, кöнi фотокарточкаяс отсöгöн вöчöма удж кузя медшöр кывкöртöдъяс.--- Содтöдъясö пыртöма информаторъяслысь индöдъяс.

Шöр юкöн

1 юр.

Вöралȍмкȍд да чери кыйȍмкȍд йитчöм эскöмъяс.

Менам бать кыйсьывлыс тȍвнас, кȍчȍс. Быдȍнлȍн вȍлы аслас кыйсян керка. Кайлысны вȍлȍн, рȍзвальȍн, турунэн. Эз волэй вежонъясэн. Сэсся пияныс вȍлы сёянсэ катȍдȍны. Öччыд бате рȍзваль тыр кȍчтэ вайлыс, сэки эд уна вȍлы шедэ. Ур вылад кыйсьылысны, кор сíйе гȍнсэ вежас. Кыйсян паськемыд вȍлы лаз да гын шапка, оз кȍтась, абу жар и. Вȍре кайтэдз рытнас пывсьывлысны, мед пе чистȍйен кайны, вȍрысь локтэм бȍрын гȍтырыс сíдзже ломтылыс пывсян-вȍрса няйтсэ кольны. Вȍре петлысны водз асывнас, сувтлысны ен ȍбраз доре, пернапас чőвтлысны да шуавлысны: « Господь, отсав кыйсьыны». Вȍрсалы катыдлысны сукар да шлапъяс: вȍчȍны картупельысь-пуены, нырены, кизьȍртэны йȍлэн, сэсся кынтэны да кынсэ и вȍрсалы катэдэны, пуктэны мыр вылэ. Быд вȍралысьлэн вȍлы аслас трȍпа, кыты октэма, сэчче пырны оз позь. Менам дядь висьтавлыс, мый ȍччыд кайема вȍрэ да кодке пе пуȍдыс сьȍлала нюжеччема, думайты пе ош, ȍдйе зарадиты ружьеȍс, кȍсйи нин пе лыйны, а вȍлȍма Педьȍ Миш Иван, горзэ меным: « Ой,пе, Öльȍксан,эн лый, тайе пе ме». Водзын гусясьысьяслыс чуньяссэ кералэны. Кымынысь гусялас, сымынысь и керыштасны чунь джынсэ. Вȍлэма Руч сиктын Наян Агни нывбаба, сылэн эз вȍв кык чунь джын, верȍсыскед вȍрын гусясемысь кыйсьысьяс керыштлысны.Ме Педьȍ Миш Иванȍс первойысьтэ жалиты, кор сетыс меным кыв: « Водзе пе татшемыс оз ло». Сэсся тай эз сюрлы –а. Водзын вȍралан понтэ асьныс быттылысны, вайȍдлысны. Бȍрйигȍн вомсэ восьтлысны-пиньыс мед лэчыд, кузь, вомȍна анъяс лыддьывлысны, мед кык сера вȍлы. Вȍр туйе петтȍдз понйес рытнас и асывнас эз вердлэй, мед ныриссэ эз вошты. Кор кыян ур либе сьȍла, век сетыштан первойя яйторсэ понлы. Кульлысны звертэ вȍрын же: сюйлысны бȍжсяньыс бȍръя кокъясэдыс ныр вомедзыс ( треугольник сяма пуысь вȍчанторйе, пытшкесас визьясыс пуысь же), зэвтлысны, медым кучикыс эз куснясь, шыльыд вȍлы. Лыйнытэ на колэ кужȍмȍн, мед пулясьыс эз розясь, озло брак, а то вузавны он вермы. Кучик иналан-порок-пуля сетасны. Вȍр керка лэптылысны молитваȍн да пелесъяссэ резысны вежа ваȍн. Öччыд сиктын вȍлы сёрнитэны: « Корке вȍлэма ȍти вȍралысь, керкатэ сíдз-тадз лэптас. Недель вȍралэма, ȍти рытэ гȍтырыс локтэма, уземась да асывнас гортэ мȍдȍччемась. Кор воны сиктлань заводитэмась, вичкоын кȍлȍкȍлȍн ворсны кутэмась, и бабаыд бȍр вȍре пышйема, лёкысь. Воема гортас вȍралысь, а гȍтыр гортын. Мȍд во кыйсиген бабаыд бара локтэма, кынэма нин и шуе: « Тайе пе тэнад младеничид», гȍгȍрвоас кыйсьысьыд, мый вȍрса керкаас волывлэ мȍд ȍбликен да сэсся вȍр керкатэ эновтас. Вот молитватэ абу лыддема да. Шудтэм вȍр керка стрȍитэма.

Вőралан кад вőлы 1 ноябрясянь-15 мартаőдз. Кőны вőралысьыс кыйсе, сэчче пукталэ капканъяс, лэчьяс. Мőд вőралысьлы оз позь босьтавны шедőмторсэ.Быдőнлэн вőлы аслас керка: кыйдőс чукертны да узьмеччыны.Вőралан керка лэптыгőн őти пелесэ пуктэны деньга( мелочь), мőд пелесэ –вурун, коймőдас –нянь да сов, мед вőлы бур кыйсьőмыс да олőмыс. Вőр керка доре вőчлысны жытник-нёль кок йылын, сэчче кольлысны прőмыссэ да сёянторсэ. Быдőн тőдлыс, мый пессэ ке видзин-лőсьőд запас. Мед керкаад век вőлы колема сукар, сов, шыдőс, сакар. Вőр керка некор эз томнавны, локтысь вермис пырны. Вőралысьяс вőре мунтэдз ветлывлысны вичкоő юрбитны, гортсаяссэ тшőтш нуőдлысны, медым унджык кыйдőс шедас и некутшем неминуча оз ло. Вőралан понйыдлэн кымын пияныс этша, сымын и бур.Посни понпиянсэ петкедасны чомйысь, коді пырас первойен, сійе и бур. Ещő колэ, мед вőлы сьőд гыжъя, пуктывлысны улőс вылэ, оз ке усь, то кольőдлысны. Чери кыйиген: локтан ва дорас да колэ чериыслы юас сетны нянь, тайе пе Петыр Павеллы, отсалас кыйны чери. Тőлыс ке асыв, то чериыд оз шед.

Вőралэны арнас да тőвнас. Пасьтавлысны лаз-кучик паськем, но состőм, лямпа да яктаж-кучикысь сумка. Пőльтэ асыв тőв-чери оз шед; шонді да тőлысь őтлаын тыдалэны-чери оз шед; вотőса во-пőтка во. Ю дорын шыőччылысны: « Петыр Павел, сет чери, гырысьыс-гырысь, поснисьыс-гырысь». Вőр керкаын узь, косьтысь, сёй, шойччы, но нинэм эн босьт.Лőсьőд бырőдэм пес. Йőз трőпаő оз сюйсьыны. Понлысь видзőдавлысны ансэ, мед őти рőма вőлы: сьőд либе алőйгőрд; гыжйыс сідзже őти рőма-еджыд либе сьőд, но абу сора; бőжыс крукыля, сувтса пельяса, кőдзыдысь эз пов; кыйсьысь понйыд вит чунясь, но певсэ вундэны, медым чарőмъясэ, увъясэ эз дойдав. Гусясьысьяслы сюйены сос пырыс кузь зор да лэдзены вőре, петас ке –петас, оз ке и оз, пуяс костад оз тőр. Ӧччыд верőсъяс катэдысны миянőс ( гőтыръясэс) вőре ош кульны, но водзвыв эз висьтавны, мыйла ми ёна ошсьыд повлым. Пуксьőдысны чай юны вутшъяс вылэ, сэсся шуены, видзőдлэй пе, мый вылын пе пукалад, вőлőм, кыйем ош вылад пуксьőдőмась. Ёна повзим, а бőрыннас сэсся серамыд.

Март тőлысьын-йőра кыйены, тар чарőм вывты, арнас –чери, тулысын-нельма, тőв и гожőм-гымгаőн кыйсян. Быд вőралысьлőн (рőдсянь мунэ) аслас лэч туй- бать кыйсис, сэсся вудже челядьыслы. Весиг кыйсян местаяслэн эм аслас нимъяс, пукталэны рőд сертиыс. Вőр керкаыд век восьса, пыртэдзыс камгыштан őдзесас, юалан позьő оз пырны. Кос пессэ муныгőн колэ кольны, сёяныд ке лишнőй, тоже колян. Прőмыс видзлысны керкаын, őшőдлысны пőтőлőкас тув вылэ либе вőр керка őдзес вылэ. Вőралан понлэн ке вом пытшкес югыд, то бур пон лоő; вőралысь мам-понйыс ке кыйсе, то и понпиыс кыйсьысь лоő. Вőрсалы кольлысны мыр вылэ шőрем нянь, медым мőдысь кыйсиген уна прőмыс сетас.Эскывлысны и васалы, чери кыйтőдз кисьтлысны ваő стőкан джын самőкур либе первойя кыйем черисэ век лэдзлысны ваő. Медым васа эз омőльт. Гусясьысьястэ накажитлысны тадзи: чери кыйысьőс ке кутлысны, то пуксьőдлысны пыже пелыстőг, йőткыштлысны, сэсся мед кывтэ. Вőре муныген воча паныдасе ке морт да юасе, кычче мунан, то эз висьтавлыны кыйсем йылысь, мед оз вомдзавны либе шулысны: « Аслам могъясэн муна» либе « А сідз тай мőвпышты вőрсэ кытшовтны». Кыйем кыйдэс йылысь эз же сёрнитлыны, эз висьтавлыны-мый да уна шедэма.

Вőралэмыс водз вőлы, сы вылын и овлысны: сёйисны, пасьтасисны куяснас, сы вőсна и важся занятие. Уръяс да тулан тőв и ар кыйлысны: октябрсянь да тőв помедз. Арнас лазőн пасьтасьлысны, лаз костас чер, кокас-кыс ( куысь вурены, пőдőшватэм, ылы километра мед ветлыны-мунны, он мудз. Быд морт торйен кыйсьывлыс, быдőнлэн вőлы аслас чőс туй, вőралысьяс костын сёрниччемен водзвыв юклэм.Медся бур друг-ёртыс-пон. Менам вőлы дядь, сылőн струя кодь поныс, муккеддырйи вőрас őтнас мунас да ваяс кőч, вомас кутőмен.Куыд вőлы вывты дона, инасьлыс. Арнас пелысь ке уна- сьőла-тар лоő. Асыв тőв пőльтэ, давлениеыс вылын-чери оз шед. Кыйсьыны муныген бергеччывны оз позь, кőть ружьетэ вунэдан-оз удайччы. Чери кыйыген моличчысны да шыеччылысны: « Петыр Павел, сет чери, бласлő кристосőн». Гőтыръяс обязательнő колльőдлысны кильче помедз, муныгас пернапасавлысны. Настоящőй вőралысь йőз трőпаты оз мун да оз кыйсьы. Оз позь кыйсьыны звер-пőтка гуляйтыген. Вőр керка лэптőны косінő, орччен мед вőлы ёль либе ю. Вőр керка дзоляник, кыз пőра вőлы őшиньтэм.Пач дзоляник, сёйысь тэчасны ломтыны вой кежлас. Стенъясас рисуйтлысны пемőсъясőс, кодъяс вылын кыйсьысны, мед пыр шедны кутасны. Коляс ке сёян-юан, колены вőрсалы, сылы же кевмысены, мед налы отсалас. Пон быдтылысны гоз-мőдőс, босьтан кыйсьысь понлысь же. Бőрйены пиньяс да синъяс серти да сюсьлун вылő видзедэны.

Сёйнытэ да пőшти во чőж вőралысны. Но кыйены этша: кыкысь пумен да жаритмен, сэсся вőлы оз. Тулыссянь, кор йи воссяс, особеннő кор йиыс мунэ, сирыс локтэ берегас да сакőн сакалэны. Кор патшкан чветитэ, гычьяс кульмőдэны, őльőшőн кыйены, 15-18 мужик мунэ, быдőнлэн аслас места: миян Адриян доредз места вőлы, вежон кульмедэны-2 ведра чери шедэ. Примета: «Выль тőлысь чужő-чериыс шедő». Паськыд мешек тыр сукар косьтасны да вőрад катласны керкаад.Некутшем томан эз вőв, кőть кутшем сьőкыд кад эз вőв, а нинэм мőда-мőдлысь керкаысь эз вőрзьőдлыны. Кыйдэс видзлысны муясын: кодйывлысны гуяс, мед зверъяс оз пырны. Гожемнас солавлысны, а тőвнас кынтывлысны.Гусясьысьяслы самосуд вőчлысны: чукерччывлысны скод вылэ да йőзыс решайтлыс, мый вőчны.

Разнőя кыйсьывлысны. Ӧны интерес ради, а водзын семья вердны ради. Менам дед, бать, ачым да и пи-ставным кыйсьысьяс.Кунича-тőвнас, тулыснас 5мая-15 мая –утка, сэсся арнас-февраль помедз. Асыв тőв-чери оз шед.Зэрőм водзвылад да ёна тőла дырйи оз же шед. Лэч туйяс нюжедэны, вуджлыс кőленаысь кőленаő: батьсянь пияныслы, пиянсянь пияныс, некод эз вőрőд , бокевей морт эз пыравлы. Усема ке, колэ бőр őшőдны, орччен, кőвйен, мед аддзас.Вőр керка вőчлысны сійен, мед позис шойччыны лунтырнад мудзан да, сёйыштны, яй солалэны- шуам йőра шедас, муас гу кодйены, вőчены сюмőдысь бőчка, солалэны,гуалэны, мед оз тшык. Картупель, мед оз кынмы, юын видзены, кőны визула. Пон вőлы вőсни гőлőса, быттьő сьылэ, бőжыс крукыля кőлач кодь, пельыс сувтса, ёсь ныра, синмыс ёсь,быттьő őзъяна. Тартэ аддзас да быттьő шуалэ: «Тан-тан». Гусясьысьяслысь лапасьыс чуньсő керыштлысны, кольлыс сідз шусяна пас-кузь киа.

Арнас кыйсьывлыны кайлысны ылő, дас километрадз.Кайсьыны вőре гортсаяс бура колледэны, ен őбразőн вőлы петэны кильче пос помедз. Господьлы, енлы вőлы эскены, кевмены вőре муныгад, медым видзисны ставныс, медым ёна бура видзисны, őд вердысьыд őти вőлы, медым некычче лёк эз ло, ош эз вőрőд, кőин ни. Весиг вичкоő юрбитны ветлысны.Вőралэны ноябрсянь, кор лымйыс ляпкыд на. Законъясыд мőда-мőд костад вőлы: некодлысь утка ни сьőла босьтны он лысьт.Ӧтилэн аслас лэч туй, мőдланджык керкасянь мőдлэн лэч туй. Ӧтилы ке шедőма аслас туй вылын, босьтнысэ он лысьт, мőдарő, лэптан на пу вылэ, мед шыръяс да зверъяс оз босьтны.Мыйен кőзяиныс локтас, сэсся босьтас.Вőралан керка пывсян кодь, сэтőн гор-изйысь тэчема, ломтан, стенас рузь вőчема да сэты тшыныс петэ. Неуна ломтыштасны, тшыныс петас да сэсся керкаын жар лоő. Первойысьтэ каясны да керкаад вермасны овмеччыны лёк гагъяс, мутияс, сэсся найес повзедлэны, швачкедэны стенъясас и джоджас, мед пышъяласны, тайе висьталэ, мый кőзяева локтыс олыштны-кыйсьыны. Прőмыссэ видзлысны кузь жытник кодь (кока), пыраніныс дзоля őдзеса, кайены кузь палича пос вывты. Тőвнас сэны кыйемсэ кынтэны, а сэсся даддьőн ваялэны, дадьсэ сэны же вőчавлысны. Понйыд ке висе, то сылэн ныр йылыс пőсь, мед век кőдзыд вőлы.
Черитэ кыйиген юас нянь крőшитыштан, быттьő васасő почитайтан, мед чери шедас. Дерт, васаőс ке аддзылан, абу пе бур водзе, кулэм либе неминуча водзе. Сійен и вердлысны. Кок улэ ке веськавлыс ва шыр да кывлан чипестэмсэ, лёк водзе. Пыж доре бипур пестылысны сиред пескысь яра ломзьысь, ыджыдőс. Морт сулалыс азьласőн, черисэ аддзас да сутшкас-бытшкас, сэсся кыскас да пыже пуктас. Быд мортлэн вőлы кőзőд да азьлас. Вőр керкатэ водзын оз пазэдны. Кőны унджык пожем пу сулалэ, сэчче и сувтőдэны. Пőредасны, кырссясны, тшупасны, нитш вылэ лэптасны, медводдза венеч улэ ырген деньга пуктасны да чепель сов, медым вőралысьлэн олőмыс керкаас тыр-бур вőлы. Сőмын оз пазитны. Керка пытшкесас нар, дзоля őшинь, лабич, пач. Пачыс вőлы нар весьтас, ломтэны да őдзессэ восьтэны. Нарыс вылынджык пачсьыс да оз веськав тшыныс. Вőрсалы кольлысны сукарторъяс, вошан ке вőрсаыс же и петкедас, мыр вылэ колян сёян. Быд вőралысь аскедыс новлэдлыс перна, мед видзис став лёксьыс.

Пőкрőв празьник бőрын, мőд луннас, ставныс петавлысны прőмыс вылэ. Мőд удж сэсся эз вőв. Вőравлысны март тőлыседз, пока эз вежны кусэ. Примета: « Асыввой тőв-чери оз шед». Эз ке шедлы, кисьтлысны юас вина да шыбытлысны нянь, шуалысны: « Петыр Павел сет чери гырысь и посни». Мунлысны водз асывнас, мед некод эз аддзы, торъя нин мед нывбаба эз паныдась.Оз пе удайччы. Рытнас пывсян ломтысны, сэсся некор пывсьыны. Руч Володя черитэ кыяс да век вőлы бабъяслы сетыштас, эз ке пе сетлы, сэсся чериыс мőдысьсэ лёка шедлыс. Вőлыны кыйсьысьяслэн сідз шусяна оберегъяс: керка пыриген őдзес куричő пуктывлысны сирлысь косьтэм юрсэ, мед пиньясыс тыдалысны, мед видзис кыйсьысьőс вомидзысь. Мőд-кő, вőр керкаын мед бура узьсяс, юр весьтас őшőдлысны налимлысь перйőм лы-крестик (эм налőн пытшкас). Гусясьысьяслы пуктывлысны гуся капканъяс. Вőралан понйес босьтлысны тшőтьőд-чипсэ, оз шогмы. Синтőмъяссэ пуктывлысны 5 штукадз улэс вылэ-усис, оз шогмы. Усъясыс мед век водзе видзедысны, гыжъяс лэчыдőсь вőлыны, видлалысны анъяс: ыджыд звер вылэ ке, анъяс вőлы этшаджык и 1-2 ан торъялыштыс; пőтка кыйны ке- усъяс ныр вылас сулалысны сувтса. Торъя бур понъяс лыддьысьлысны, кодъяслэн гыжйыс сьőд и ачыс сьőд. Вőр керка сувтőдлысны рőдвужъясэн, орччен жытник кокъяс вылын, шыръяс оз пырны

Бöркыв

Свежőй черитőг пő комияс некор эз овлыны. Артельőн кыйсигőн став прőмыссő юклісны кыйсьысьяс őта-мőд костын őткодя, дзебны вőлі оз позь, мőдысь кыйсигőн сэсся нинőм оз шед.

$C:\Users\МОУ Ручевская СОШ\Desktop\олимп 2015\162.JPG$ $C:\Users\МОУ Ручевская СОШ\Desktop\олимп 2015\222 - копия.JPG$

$C:\Users\МОУ Ручевская СОШ\Desktop\олимп 2015\DSC00675.JPG$ $C:\Users\МОУ Ручевская СОШ\Desktop\олимп 2015\SAM_1592.JPG$

$C:\Users\МОУ Ручевская СОШ\Desktop\олимп 2015\Фото0058.jpg$ $C:\Users\МОУ Ручевская СОШ\Desktop\олимп 2015\Фото0181.jpg$

$C:\Users\МОУ Ручевская СОШ\Desktop\олимп 2015\фото0390.jpg$ $C:\Users\МОУ Ручевская СОШ\Desktop\олимп 2015\SAM_1595.JPG$

Вőралан пон «аддзő» пельяснас: понлőн пельыс кылő морт пель дорысь уна пőв ёнджыка; понлőн эм нырис, и сійőн сідзжő «аддзő» син дорысь оз омőльджыка.

$C:\Users\МОУ Ручевская СОШ\Desktop\олимп 2015\2015-03-07-1965.jpg$ $C:\Users\МОУ Ручевская СОШ\Desktop\олимп 2015\DSC00480.JPG$

$C:\Users\МОУ Ручевская СОШ\Desktop\олимп 2015\миар.jpg$ $C:\Users\МОУ Ручевская СОШ\Desktop\олимп 2015\Сканировать10031.JPG$

$E:\олимп 2015\P1030788.JPG$ $C:\Users\МОУ Ручевская СОШ\Desktop\олимп 2015\фото1122.jpg$

Вőралан керка сулавліс нэмőвőйся пожőмъяс пőвстын. Тайő вőлі őшиня керка-топыда вőчőм джоджа, лőсйőм стенъяса, кирпичысь тэчőм плита пача. Ӧшинь дорын сулаліс пызан, пельőсланьő вőчőма морт куим-нёльлы узьлőм вылő нар.

$E:\олимп 2015\DSC00674.JPG$ $E:\олимп 2015\DSC00515.JPG$

$E:\олимп 2015\DSC00695.JPG$ $E:\олимп 2015\P1030795.JPG$

$E:\олимп 2015\фото0382.jpg$ $E:\олимп 2015\фото0385.jpg$

Тőдса кыйсьысьяслőн закон, и сійőс некутшőма оз позь торкны-эн вőрőд йőз лэчкő шедőм звер-пőтка! Тайő гижтőм законыс вуджис вőралысьяслőн кőленаысь кőленаő.

$E:\олимп 2015\ва.jpg$ $E:\олимп 2015\ро.jpg$