календарный обряд акашка

Мон улисько Кукмор ёросысь Ошторма Юмья гуртын. Яратисько гуртме, школаме, чыжы – выжыосме. Удмурт литература урокын ми трос ужамы ини фольклорез эскерон бордын. Дышетисьмы (Семёнова Ангелина Пантелеевна) тодматиз гуртысьтымы тодмо фольклористэн, Михеев Иван Степановичен. Со луэ мынам дядяе (братэ), прадедушкаелэн пиез. Монэ но тусыдъя солы укшамед шуо. Со кадь ик тунсыкъяськисько фольклорен, луэмезъя тыршисько гожъяса кельтыны. Тани тодмато тиледыз, кызьы ми палан ортчыто пасхаез (акашкаез).

   Акашкаез удмуртъёс бадзым праздникен лыдъяло: корказэс мисько, азбарзэс чылкыт каро, жок вылэ выль жоккышет волдо. Праздник вуэм бере лэсьто чек чегей (чак – чак), куарнянь, буяло курегпуз. Пыжо кабарма (булки), нянь, гурегпуз пуштэм, досьмак (шаньги). Жук позьто чабейлэсь. Быдэс зазег дасяло акашка понна. Сое  кельто сизьыл ик нимаса, акашкалы луоз шуыса. Озьы лумбыт дасясько.

Лымшор (обед) ортчем бере, куно отчало. Отё только асьсэлэсь выжыоссэс (родняоссэс) гинэ. Жок вылын луэ жук, зазег силен шыд, чак – чак, кабарма, куарнянь, буям курегпуз.

Выжыос (родняос) кутско улиысен, вылэ тубо. Акашка сямен кырзало. Солэн ас понназ гурез вань. Палэн гуртысь уг лыкто куное. Асьсэ гуртысь выжыос гинэ огзы доры огзы ветло. Акашка праздник кыстиське одиг арня. Соку лэсьтиськон уж борды уг кутско. Инмарлэн вожез, пе, потоз. Чукна пиналъёс гурезь йылэ тубо, шундыез пумитаны. Со нуналэ шунды шудыса потэ шуо.

                                                                               Михеев Антонлэн ужез,

7 – ти класс, Оштора Юмья школа.