Муниципальный этап Республиканского конкурса эссе “Дорога к родному языку”

Министерство образования

Республики Башкортостан

Муниципальный район Янаульский район

Муниципальное бюджетное общеобразовательное учреждение

основная общеобразовательная школа с. Истяк

муниципального района Янаульский район

Республики Башкортостан

Муниципальный этап

Республиканского конкурса  эссе

“Дорога к родному языку”

«Родной язык - как первый в жизни шаг

Без первого - второму не бывать.

Родной язык на всех земных путях

Всегда с тобой,

Как любящая мать»

(Ф.Васильев, удмуртский поэт)

Выполнил: ученик 6 класса муниципального бюджетного

общеобразовательного учреждения основной общеобразовательной школы  с. Истяк Гизитдинов Ролан Алексеевич

Руководитель:учитель муниципального бюджетного общеобразовательного учреждения основной

общеобразовательной  школы с. Истяк Гизитдинова Алёна Александровна

Янаул-2018

    Вордскем кыл…Кин но ма луоз матынгес но дуногес  пичи нылпилы вордэм анаезлэсь но вордскем кылызлэсь? Нылпи кылэ анай – атаезлэсь вераськемзэ вордиськемезлэсь азьвыл ик. Со лэсьтэ нырысети вамышъёссэ, котыр улосэз чакласа но дунъяса. Анайлэн яратэмез но вордскем кыл луо нылпи понна юн герзет но юрттэт. Улон азьлан мынэмъя, адями воштэ  аслэсьтыз улон интызэ, пумиське портэм мукет кылъёсын вераськись калыкъёсын. Портэм трос кылъёсты тодэм – валам нокинлы но мултэс уз луэ.Талы нокин но пумит уз луы. Но сюлэмлы матынгес но валамонгесэз луоз котьку но вордскем кыл. Йырамы нырысь ваньзэ малпаськомы но бергатиськомы асьмеос анай кылын, собере гинэ сое шара мукет кылын вераськомы.

        Мынам вордскем кылы – со удмурт кыл, кудиныз мон туж данъяськисько. Асьмелэн анай кылмы – со вань удмурт калык пушкысь одиг пичи люкет, кудиз ваньместы герза,  со семьялэн сыче люкетэз, кытын вордске но будэ адями. Котькуд адямилы анай кылыз туж мусо но чебер потэ, дыр. Та кылын нуны вордиськем бераз нырысь ик кылэ нуны веттан гуръёссэ анаезлэсь, песянаезлэсь выжыкыл мадемзэ. «Анай» шуыса вазиськиськомы, куке малэсь ке кышкаськомы, маке понна шумпотиськомы яке куректиськомы. Кыче умой кылыны аслэсьтыд вордскем кылдэ, куке тон луиськод ваньмызлэсь кыдёкын. Тодмо кылэз кылэм бере ик сюлэме шуныт пыча, капчигес кадь луэ. Вордскем кыл, вордэм но будэтэм анай сямен ик, котьку луоз нырысети интыын вань улытозямы.

    Мынам малпамея, котькуд удмурт адями, нырысь ик,  тодыны кулэ аслэсьтыз вордскем кылзэ, солэсь кылдэмзэ, азинскемзэ. Шонер верам Даниил Яшин: «Аслэсьтыд кылдэ яратытэк, мукетсэ уд дышы гажаны».

    Удмурт кыл быре, шуо. Но мон шуысал, со ноку но уз быры.  Асьмеос ваньмы чошен кариськыса, быгатом сое утьыны но азинтыны. Котькуд  адями – кирпич выллем. Трос кирпичез огазе тырыса, кылдэ бадзым но юн корка, кудзэ нокин уз вормы куашкатыны.  Озьы ик асьмеос но чошен кариськыса, тыршоме удмурт кылмес утьыны но данъяны!