Сочинение «Ма ун ащем ляльн ус»

Муниципальное образовательное учреждение

«Горковская средняя общеобразовательная школа»

Муниципальный этап окружного конкурса творческих работ (сочинений), посвящённый 70-летию Великой Отечественной войне.

Сочинение

«Ма ун ащем ляльн ус»

                                                   Сочинение написал: Тырлин Родион,  

                                        ученик 10б класса

                                          Руководитель: Еприна Л.П.,

                                                    учитель ханты языка

с. Горки - 2015г.

Сочинение.

Ма ун ащем ляльн  ус.                                                      

Ԓапатъяң таӆ парас мет воӆаң ляль уӆам пора эӆты. Щи ураңан нох питам яртъяңмет хатаӆн  Ас нопатты тыӆащн шек кащтысаят лялясам хоятат.

Ляль порайн муң округев эӆты ищи ар хоят вуса лялясты тахая. Щит ус шек ун ляль. Кашаң семья эӆты матты хоят ищи па ляля  вуса.

Щи кутн ар ханты ёх ищи мув ӆоват мир пиӆн ун ляля китсаят. Хантэта щи ляльн мет ӆаварт ус. Ԓув ант уйтсат рущ ясаӈ па щи тумпийн ант хошсат ханшты нэпек. Ханты мир усат ӆув сахатеӆ ай куртатн па нэмоӆты порайн ант яӈхиӆысат еӆшик ӆув уӆам ӆотӆаӆ эӆты. Ԓув вой веӆман усат, хуӆ сойписат, хой вуӆы тайс, колхоз  тащ шавиман усат. Щита яма уӆман кутн ляль ясаӈ щи ёхтас.

Муң семьяев эӆты ищи ун волаӈ  ляля манам хоят уӆ. Щащем  ащеӆ   ляля вуса. Ԓув нэмӆ  Тогачев Иван Михайлович.  

Ун ащем, Иван Михайлович, сэма питас Ханты Мужи куртан  йи щёрс  ярсот няӆхощъяңмет таӆн. Ляля ювам таӆн ӆувеӆ ус хольмаӈ пеӆа ӆапт таӆ.  Ԓув нэ тайс, нэмӆ Тогачева Елизавета Васильевна. Оӆаӈ таӆ ляля ювам порайн  ӆув хоӆна ёӆан ус, таӆн вой веӆман, ӆуӈан хуӆ веӆман.

Ун ащем  ляля вуса Мужи сельский совет эӆты йи щёрс ярсот няӆъяӈ кимет талн. Щи манмаӆ итн нэмл айкеӆ ӆув эӆтеӆ ант ёхтыӆыйс.

Антома йис аль па тапс, рущ щирн «без вести пропал»   курк тылащн йи щёрс ярсот няӆъяӈ хуӆмет таӆн. Там айкеӆ  ханшман уӆ ун воӆаӈ нэпекн «Книга памяти Шурышкарского  района. Том 2    Победители: дорогами памяти 1945-2015».

Щи тумпийн хиӆыӆаӆн интернет хуват ищи каншса. Тамщ айкеӆ ӆув эӆтеӆ уӆ: «Тогачев Иван Михайлович лялясмаӆ Ленинград нэмпи вош пуӈаӆн. Антома ювмаӆ  аль па тапмаӆ   ӆыпт хойты тыӆащн аль па ай тахайт потты тыӆащн Новая нэмпи куртан, аль па Ленинград вош пуӈаӆн»

 Ун ащем ляльсты манас па ант уятӆ ям айкеӆ, ӆув ляля манам юпеӆн сэма питс эвеӆ Дарья Ивановна.  Щит ма ун аӈкем.

        Ԓувеӆ ма утщиӆам ястаты, ӆув тайӆ ар хиӆэт, ӆув кашаӈ яртъяӈмет хатаӆн Ас нопатты тыӆащн кащтыӆа эвеӆн па хиӆыӆаӆн.