Творческие (совместные) проектные работы

ИНЕШ ҺҮҘ

         Уҡыусыларҙың ижади һәләттәрен үҫтереү буйынса төрлө эш төрҙәре ҡулланылды. Бер төрлөлөк (традицион ижади эш төрҙәре) ялыҡтырғыс булып тойола башланы. Балаларҙы ҡыҙыҡһындырыу йәһәтенән яңы кимәлгә сығыу талап ителде. 2009 – 2010 уҡыу йылында «Ҡыш. Яңы йыл»темаларына иншалар конкурсы иғлан иттем. Шарты - иншалағы ҡайһы бер һүҙҙәрҙе һүрәттәр менән бирергә кәрәк ине. Улымдың – Толомбаев Димдең иншаһы өлгө булды.Һәләттәре булған балалар һүрәттәрҙе үҙҙәре төшөрҙө, оҫталығы булмағандар китаптарҙан, каталогтарҙан, интернет селтәренән алып ҡуйҙылар. Һөҙөмтәлә, күңелле иншалар – хикәйәләр тыуҙы. Бындай эш процесы миңә лә, уҡыусыларыма ла оҡшаны һәм дәртләндерҙе.

         Р. Аҙнағоловтың: «Баланы һоҡландыр, уйландыр, талпындыр, күңелен үҫтер. Бала күңеленә матур һүҙ, ышаныс һал. Күп тә үтмәҫ, ул һүҙ, баланан һиңә ҡайтып, йөҙөндә йәйғор нурҙары балҡытыр»- тигән һүҙҙәре бар. Миңә лә уҡыусыларым ҡышҡы һалҡында йәйғор нурҙарын балҡытты.