Экологический исследовательский проект "Хоты авка энмалты"/Как вырастить оленёнка

Экологический исследовательский проект

Хоты авка энмаԓты

Автор:  Куртямова Наталья,  ученица 10  класса

Руководитель: Вальгамова Н.Д., учитель родного языка, КНЯ

Вступление

Муя ма там тема вусэм?

      Ханты ясаӊ урокан ма хуԓԓысам тамащ йис потар.И уна ювам ики Сязи рут эԓты ԓуӊатлалы, ԓув вуԓы тащаԓ  энмас и  авка эԓты. Щи авка  антеԓ унт вуԓы ус. Ма нумассам, Щаня ёхан вуԓыйн яӊхты хоятат моса вуԓыяӊа йисат ищи авка энмалмел ураӊан. Ма ищи авка энмаԓтысам, сишн ма самаӊа вусэм там тема.

Цели: моштаты,  муй щирн  тащан яӊхты хоятат энмаԓԓат  па муй хорпи  потрат, йис потрат, потар шупат, ԓуӊтарат уԓат авкайт эԓты.

Методы:  хоятат инщасты (опрос), хорат каншты (найти фотографии, иллюстрации), Интернетн вантты

Гипотеза: Хун вуԓыйн яӊхты хоятат Кева яӊхтэл порайн  шияԓаԓат, уятԓат щёмԓы муйпа мушмаԓтам  пеши, суюв, ԓув щи пешет па суюват ёшан, ёԓан энмаԓаԓаԓ.

Воԓаӊ шуп

1.Муя вулы шавиты ёх авка вуԓат энмаԓты.

Йис пора элты вуԓыян яхты хоятат кашаӊ  ԓуӊ авка энмалсат. Па муя лув авка ёшан энмаԓԓат?

Оԓанан ма ястаԓам,  хув товийн, ищки товийн воԓаӊ ԓэтот антом, пешийт сэма питԓат щёмԓэт па туп тосыԓат, юр ант тайԓат. ԓувиԓаԓ  мосаԓ нётты.

Кимет щир, тухаԓ пешиет курԓаԓ па ёшԓаԓ мушмаԓԓат. Хоятан ки ант нётлаят, лув щиты щи хащԓат па ушԓат .

Хулмет щир, пеши муйпа суюв уштаԓы антел. Пешет, суюват хонна аят, волаӊ  лэтот ант вератԓат каншты, щи порайн лув вератԓаят хоятн нётты.

Нялмет щирн, хой шек лаӊхал тайты ай вулые ёлан, ал щиты энмаԓԓан, няня утаԓтылԓаԓ

2.Хоты авка утаԓтала хоятн ԓэтот ԓэты.

    Оԓаӊ  щес ай суювие вохатԓат , антеԓ вохаԓ.   Щаԓта хащаԓ кат-хуԓам хатԓ ԓый утаԓԓат хоят хоща.

Лапатты авка мосал ԓыпатан, нётаин, нянян па тутлиты ёхана йиӊкан йищаԓтаты. Нёта акатты ураӊан, мосал кев лоӊла хухты, хува манты.

Хун камн атам турам, шек пелӊаяӊ  авка ярла хашапан, хонна рахаԓ пирщинаӊ, ерсохаӊ лаӊкам ай хотан лощты.

Кашаӊ етан ма яхлам лыпат акатты ай хирыя, па лолтам сорам нёта, аттыя тасана понты ай авкая лэты ураӊан.

 Хой суюват анта мохты нянь ԓэты уталлат. Олӊа мосал лолтам нянь тэвалты юран, апаԓты сапԓаԓ эԓты. Хонна хун шек ар нянян ԓапатԓэн вертԓа самаԓ хойты па ԓув ат питаԓ  ԓэты нянь. Хуԓам пуш и хатаԓан мийԓиԓаят ԓэпат , эпԓаӊ нянян.

3.Муй ант рахал верты авка пилн

Лувилал ат мосал шухты,  оӊат вош эԓты вощхиты, кетамты ки питԓа сэвратты, ющтаты, хоята кетамты питаԓ. Хонна ант мосал ампата эсаԓты хорытты, нюхаԓты ай авкаие.

4. Ма авкайԓам

Ма тайсам авкаят: ит ус нови, нэмаԓ - Шовар; щаԓта па ханшаӊ, лув нэмал – Матюк; па питы авка , нэмаԓ -Унт ху.

Шоврэм - унтан  ушас,  сусан ԓонщ питам порайн . хот эԓты манас ԓэты. Матюк – мет самаӊа таям авкаем воятан веԓса, Унт ху па хонна уԓ, ԓув ащеман оԓӊа тайла. Щиты ԓувеԓ нэматсэв, унтан яӊхты вуԓэт хорпи ус- ун  неԓаԓ щит ураӊан.

    Авка ромматал  юпиян, ант рахал лувел ал щиты вохты , лолтам нянь ки ат тайԓан, ԓув моштаԓԓы олмащиты вер па ант питал вана йиты .              

      5.Монщат, йис потрат па луӊтарат авка элты
   

   Ма уятԓам тамащ мир потар: «Юраӊ вулы лавар юш эԓты ат паԓаԓ, а вевԓы, щемԓы вуԓыя и ай юш ԓавар»

Хонна ма хуллисам ащем элты монщ вурты суювие элты. Ин щи монщ ханшман уԓԓа няврэмат луӊатты нэпекан «Щущие».Охаль мир ханшам монщ «Юраӊ вулы» .

    Дарья Ивановна Озелова  ханшас  ԓуӊтар «Пеши»

       Пешие

Ма пешием хонтас,

Утся унта шушас.

Шек хув ԓувел каншсэм.

Юх иԓпина уйтсэм.

Сапаԓ кепаԓ ворԓаԓ

Аньтем ёнтам ханши.

Кувԓаԓ хува ховԓаԓ.

Ёхи тусэм пеши.

Сыра-ими амтас,

Авкаеԓ нёлыяс.

Пумащипа ястас

Ханты ошаӊ поха. 

Выводы

      1. Мушаӊ, нёмша суюват,  щёмԓы пешет  хоятан нётԓаят энамты.

2.Хой авка энмаԓтал, щи хоят хошаԓ нумасты  па нётты хоя лавар.Хол семьяйн улты хоятат ат ԓаӊхасат  авка энмалты. Матты хоят ант ки ԓаӊхал, сишн ант мосал вулы вуты.

3.Авка энмалты хоята мосал шаԓитман тайты лувел, ԓапатты туп щи ԓэтотан, матат вулы ԓэты рахал. Авка лойты ԓотал яма ԓэщатты, оԓты ԓотал сыстапты

4.Тащан яӊхты хоятат версат потар шупт, ԓуӊтарат авкаят элты.      

Литература

1.В.М.Кулемзин, Н.В. Лукина «Знакомьтесь:ханты» ВО «Наука», Новосибирск, 1992 г., стр.67

2.Д.И.Озелова-Чугуевская  «Нёрапса ёх емаӊ мув». Санкт-Петербург Филиал издательства «Просвещение», 2004 г., стр.100

3.Сказки народов Севера. Ленинград «Просвещение», Ленинградское  отделение, 1991 г., стр.83

4. http://schools.keldysh Разработка экологического учебного проекта 
“Мое животное”