"Ныдэлъфыбз"

Сызыфаер зэк1э ,усэк1э къэс1ощт.

Сыгу илъыр зэк1э, тхьапэм къытеслъхьэщт.

Моу зэ къысэдэ1уи, пшъхьапэ къыпфэхъущт.

Къас1орэр я1ожьи, зэк1эм зыхаш1эщт.

Охътэ къинэу к1уагъэм лъэпкъыр ыфыкъуагъ,

Зэо маш1оу стыгъэм 1аджи ылыгъуагъ.

Ипхъыхьэ- итэкъоу тэ тыриш1ыхьагъ,

1экэбы къэралмэ тэ таритэкъуагъ.

Ау тарихъыр арэп непэ сызыпылъыр,

Гукъэк1ыжьхэр арэп сигущы1эр непэ.

Лажьэу ащ къыхьыгъэм джы сырыгущы1эщт.

Зэк1эм типхъыхьагъэу ,зэщымыщ тыхъугъ.

Лъэпкъэу тызыхэсхэм абзэ тэ зытш1ыгъ.

Къыдрык1ощтыр сыда? Тыбзэ ч1этынагъ,

Анахь 1аеу щы1эм тык1уи ты1уагъ.

К1одыгъапэу щытэп, джыри  тэк1у тхэлъ.

Ау ащ къызехъужьырэм амалъынчъэ шъыпкъ..

Тыбзэ тымыш1эжьмэ лъэпкъыр к1одыгъах,

«Нан» къырытым1ожьмэ лажьэ зэтхыжьгъах.

Дгъэбаинэу тыбзэ зэк1эми шъуегугъу,

Лъэпкъым зиужьынк1э ар 1эзэгъу дэгъу.

Тыбзэ тимы1эжьмэ  сыдк1э тыбылым?

Лъэпкъым итарихъы таущтэу т1отэжьын?

Татэ итаурыхъи а1эк1эзыжьын…

Ащ тынэмысыпэу, мардж хъун шъугупшыс!

Анахь лъап1эу ти1эр ныдэлъфыбзэр ары,

Пшъэрылъышхоу  ти1эр дгъэбаиныр ары.

Зедгъэубгъоу, жъынчэу тэ зедгъэ1этыщт,

Къ1уач1эу ти1эр хатлъхьэу зыпкъ идгъэуцожьыщт.

Усэу:

« Ныдэлъфыбз»

Зытхыгъэр:

Джыракъые гурыт еджап1эу № 3

я 11-рэ классым ис к1элэеджак1оу

Шънахъу Фатим.

2015 илъэс.