Яратҡан уҡытыусыма (шиғыр)

                                              Яратҡан уҡытыусыма.

Яратҡан уҡытыусым –

Һеҙ минең таянысым!

Белем иле серҙәрен

Миңә оҫта асыусым.                                

                                             Белем шишмәһенең һыуын

                                             Тәмләп эсерәһегеҙ.

                                             Ҡатмарлыны бик еңел

                                             Аңлата беләһегеҙ.

Яратҡан уҡытыусым!

Ауыр саҡта – ярҙамсым!

Минең уңыштарыма

Иң тәүҙә ҡыуаныусым.

                                             Тормош ауырлыҡтарын

                                             Еңергә өйрәттегеҙ.

                                             Белгәнемде дуҫтарға

                                             Шатланып һөйләттегеҙ.

Яратҡан уҡытыусым –

Минең изге кәңәшсем.

Күң(е)лемде дәртләндереп

Гел дә алға әйҙәүсем.

                                              Йөрәгемдә һаҡлармын

                                              Кәңәштәрҙең барыһын.

                                              Минән ҡабул итегеҙ

                                              Рәхмәттең иң ҙурыһын!