Старший лейтенант Басң Горяевич Лиджиев.

Эльнцг эцк Лиджиев Басаң Горяевич.

Мини Ээҗм нанд келсн билə: «Дəəнə өмн мини аавм, Басңг Горяевич Лиджиев 1935 җилəс авн 1942 җил күртл  Гашун Бурһуста хотна Приозерн района школд багшлҗ йовла. 1941 җилəс авн 1942 җил укр сар күртл Будённго нертə колхозин һардачин үүл дааҗ йовла.  Өдгə цагин эн Көтчнрə района Кегульта селəн. 1942 җилд укр сарин эклцд мини аава эврə дурар цергт мордад дəəнд орлцла.

Тер цагт Басң Горяевичу Лиджиеву, старшему лейтенанту отрядын һардачд 33 җил болсмн. Эн 1944 җилин түрүн өдрт, украина  һазр фашистнрин хортнас сулдхц йовсн цагт эмнəсн хоршв. Лиджиев Басанг Горяевичин элгн-садн хөрин тавн  җилин туршарт зөрмг Хаалһин тускарюм медлго бəəсмн. 1945 җилəс эклц өдгə цаг күртл дү көвүнə өрк-бүл, Лиджиев Михаил Горяевич авальтаһан Сакирой Дугаевной, авалнь Лиджиева Булгун Сергеевна күүктəһəн  Найминовой Галиной Басанговной энкр ахиинь, авалинь, эцкин тускар зəңг медхəр бучгүд бичəд хəəһəд йовла. Олн җилмүдин туршарт нег хəрү ирдг билə: «Зəңг уга геедрв».

1970 җилин хулһн сарин 8 өдр мини ээҗин зүркнд одачнь бəəһə. Мини ээдждм, Сакире Дугаевне, селəнə сельсоветд   һартнь бичг бəрүлв. Эн бичктд Лиджиев Басаң Горяевичин зөрмг хаалһин тускар цəəлһҗ бичəтə билə. Уд луга Лиджиев Михаил Горяевичин өңгрснə зəңг бас ирв. Ээҗдм һундлта бəəв, юнгад гихлə, мини аавин тиигҗ медсн уга эврəиинь ахзиинь алдр йовдлин тускар. Подольскө балһсна Государственн Мин Обороны архивин бичкəс мадн медүвтдн. Лейтенант Лиҗин Басңг украина һазр зөрмг кевəр дəəдлҗ йовад, əмнəсн хаһцв. Улан əəрмин цергчрлə Виницк области Комсомольск района Медведовка селянд оршагдв. 1944 җилин туула сарин нег шин – өңгрсн өдринь.

Эн, кесг цагт күлəҗəсн зəңг, мана өрк-бүлд района военн комиссариатин  һардач подполковник А. Гриценко маднд илгəв. Юнгад гихлə, эн күүнə нилчəр сурсн цаасн ирсн билə. 1086 җилд мини аавин нер, зөрмг, алдр хальмг таңһчин баатрин нер мемориальн эрс деер Комсомльск селəнə Казатинск района Виницк областьд бичгдв. Тер җилд мини һаһа, Найминова Галитна Басанговна төрскн һазрас атхм һазр авч, эцкиинь оршасн ормд авч йовла. Эцктəн, алдр салдатмудт мөргəд, ханлтн үгəн келəд, дееҗ бəрҗ, зулан өргв.

Эднə нердүд мартшго, эднə зөрмг йовдл мартшго.  Өдгə цаг күртл мана өрк-бүлд Төрскəн Харсч Алдр дəəнə харсачнр, мини аавин нерд мартгдҗахш Мөңкинд би эднə нердин. Мартшгов!

Отчин Заяна.