Стихи ученика 7 класса МБОУ "Толтойская СОШ" Тункинского района Республики Бурятия Хамаганова Соднома

Түнхэн

Үндэр хангай Саяан баабайтай,

Үүлэды манаһан Хамар-Дабаантай,

Ногоон, үдхэн ой тайгатай

Түнхэн-минии тоонто лэ.

Бурьялма һайхан аршаан булагтай,

Тунгалаг арюухан уһа голтой,

Буряад заншалаа сахидаг зонтой

Түнхэн- минии нютаг лэ.

Түрэл һайхан тоонто нютагни,

Түшэглэн шамдаа хододоо ябахаб.

Түмэн жэлэй утын харгыда

Талаан ехэтэй жаргахыш үреэнэб.

Баян-Мандал

Баян-Мандал- нютагайм обоо

Бууралхан Саяанай хормойдо оршодог.

Баян-Мандал- нютагайм обоо

Баяр  жаргал мандаа асардаг.

Хоншуу тунгалаг агаараарш амилан,

Хүсэ шадал, тэнхээ ороноб.

Тойроод байһан ой модоорш хужарлан,

Сэдьхэлээ ханан дуулан ябанаб.

Бурхан багшадаа һүгэдэн мүргэжэ,

Буряад зондоо тайбании эринэб.

Алтан һайхан зулаяа бадарган,

Арад зондоо баяр гуйнаб.

Баян-Мандал- нютагайм обоо,

Бултанда аша туһаяа хүргыт.

Баян-Мандал- нютагайм обоо,

Баран бидэндэ жаргал хэшээгыт.

Гэнтэ шэдитэй болошоо hаа…

Гэнтэ шэдитэй болошоо hаа…

Жэгүүртэ шубуун боложо,

Жэнхэни hайхан буряад хэлэеэ

Жабхалан нютагуудаар

Түүрээн магтан дуулаха hэм.

Байгал далайнгаа тунгалаг сэбэрые,

Саяан уулынгаа мүнгэлиг үндэрые,

Түнхэн тоонтынгоо баян дэлгэрые

Хүн бүхэнэй шэхэндэ дуулгаха hэм.

Түрэл арадайнгаа ёhо заншалые,

Таабай теэбеэнэрэй нангин hургаалые,

Түрэл дуунуудайнгаа урихан аялгые

Түби дээгүүр зэдэлүүлхэ hэм.

Түнхэмни

Үүлэдые малгайгаараа тогтооhон Саяан уулатай,

Нангин газарнуудаа бузарлуулаагуй арад зонтой,

Эмтэ домто аршаан булагтай

Энэ манай Түнхэн тоонтомнай.

Намарай сагта алтаар гэрэлтэhэн ой тайгатай,

Газар тэнгэриин ниилэмэ тала дайдатай,

Тунгалаг сэбэр Эрхүү голтой

Энэ манай Түнхэн тоонтомнай.

Буряад хэлэн

Буряад хэлэн-манай баялиг,

Эрдэни шулуундал сэдьхэлдэм hанагдадаг.

Баатарлиг домогуудые бидэндэ бэлэглэн,

Эрдэмэй дээжые маанадтаа баридаг.

Буряад хэлэн-эрдэмэй далай,

Юунhээшье сэнтэй зэндэмэни минии.

Түрэл хэлэмни – эжын hүндэл,

Юртэмсэ дээрэ дэлгэрхэнь болтогой!

Буряад хэлэеэ хэндэшье үгэхэгуйб,

Буряад хэлэеэ хэзээдэшье мартахагуйб.

Турэл хэлэеэ тахижа  ябахаб,

Түби дээгүүр магтан дуулахаб!