"Иркидьэ йообиигэ" (Однажды в лесу)

Иркидьэ йообигэ.

(Ньиэдьиил)

Иркидьэ ньаадэмэ мэт йообии лаҥи лэбэйдии шахальашут эйрэйэ. Мэт ажоон угуйэлмэ эгиэйэ. Пудэ омосьэ подьорхок!  Йообиигэ чомоон омось, иильись. Пиичиипэ йахтаануҥи, чуруудьаа илэйэ пуйм, йэльоодьэ подьоҕось, кужуу ньоҥоой. Шаалгэт полжисьэпул, пибилпэ лоудунуҥи. Тиҥ параагэ титтэл шахалэньи, кэйлэньи шөрилэпул. Мэт йуөт, айаайэ, одун йахтэ йахтэйэ. Лэбэйдиипэ нингэҥи, мэт титтэл анурэ шахальаштин.

Таат эл йуукэ мэт мэдии ходимиэй эрэ холилэк. Мэт чуҥрэ эйрэштэллэ титуөн мээммээ хони, чомоҕото иркэйэ, аҕиидоойэ.Иҥлуунуйэндьоон лэлжэнуй. Ниҥиэ эл төнбиисьоон мэт эрдьиэйэ мургэ молҕо ттаасилэ шэйрэйэ. Иччэ льэллэ мэдуунуй чобоодьэ нуөл. Йуөмэ йиэдэйнуй мэт чаачаа Вася! Тудэл таат оййоодой нуөльиэй, лэбиэгэн пөмудуй. Мэт омолуйэ.

Таат мэт чаачаа Вася мэтин иҥльиинум.Хаин нумэҥин эйриэдэллэ, мит эпиэ Васяҥин мони:

-Иидэк таат аадин, йиэнбэдэ эрчоон оотэй! Лэбиэн Погиль йоҕомуй, тит эдьуулгэ чуму эрисьоон. Иидэк таат аадин!

Тиҥпараа лаҥи Вася нилги эл иҥльиинум.

Анастасия Солнцева, 8 класс