керка

Управление образования администрации

муниципальногорайона «Усть-Куломский»

                       муниципальное общеобразовательное учреждение

                        Ручевская средняя общеобразовательная школа

                      Коми фольклорысь олимпиада удж

                      Тема: Керкакöд йитчöм эскöмъяс.

                                                            Гижысь : Попова Елена Васильевна,

                                                            13.03.1996ч.в, 11-öд класса велöдчысь.

                                                             Оланiн: Кулöмдiн район, Руч сикт,

                                                             Шöр улича, 467.

                                                             Уджöн веськöдлысь: Гребенюк Диана

                                                             Алексеевна, Кулöмдiн районса Руч шöр

                                                             школаын коми кыв да литература

                                                             велöдысь. Оланiн: Кулöмдiн район, Руч

                                                             сикт, Шöр улича, 187 «Б».

Руч

2014

Юриндалысь

1. Водзкыв……………………………………………… 3

2. Шöр юкöн.

1 юр. Керкакöд йитчöм эскöмъяс…………………….. 4-11

3. Бöркыв……………………………………………….12-19

4. Содтöд: информаторъяс…………………………….20

Водзкыв

Быд морт стрöитö аслыс керка- ассьыс космическöй ин.Керка- тайö ловъя вир-яй. Сiйö вермас кöзяевалы водзсасьны, весиг торкны налысь олöм. А вермас лоны бур отсасьысьöн.В.Налимов гижлiс, мый керка вöлi комияслы инöн, кöнiciйö удж бöрын корсьлiс шойччöг да чöвлун, кöнiöтчукöрö чукöртчывлiсны религия да семья.Н.Е.Мазалов аслас уджын пасйö, мый керкалöн да мортлöн олöмыс öткодьöсь да пасйысьööти кывйöн «нэм». Керка лэптiгöн, морт, быттьö кöлöсьöдлiс ассьыс мöд пертас да сетлiс сылы джын олан вынсö,кодi вайöдлiс мортлысь олöмсö дженьдöдöмö.В. А. Семёнов серти, коми традицияын  петкöдсьö, мый  морткöд тшöтш и кулö ачыс керкаыс. Керкалы,кыдзи и сылöн олысьлы,сетсьылiс пай.Морт мичмöдiс керкасö мортлöн ловъя серъясöн.Керка чужлiс, олiс, пöрысьмис и кувлiс, кыдзи морт.

Олимпиада уджлöн могъяс:

1.Тöдмöдны Кулöмдiн традиция Руч сиктын керкакöд йитчöм эскöмъяскöд.

2. Петкöдлыны керкалöн олан кытш обрядъясын петкöдчöмсö.

Выльтор.

1.Медводдзаысь научнöй оборотö пыртöма 12 выль текст.

2.Медводдзаысь торйöн видлалöма керкакöд йитчöм эскöмъяс.

Коланлун.

1.Тайö уджöн позьö вöдитчыны школаын,6-öд классын, «История Коми Края» предметысь «Поселение и жилище коми» тема велöдiгöн,пыртны кыдз содтöд материал.

2. Коми гижöдъяс велöдiгöн позьö орччöдны мукöд войтырлöн оласногкöд.

Анализируйтан материал:

Уджлöн практическöй подулöн лоö 12 текст, кодъясöс чукöртöма Кулöмдiн  районса Руч сиктысь.

Уджлöн тэчас:

--- Водзкыв, кöнi сетöма уджлöн коланлун, тöдчанлун, выльлун;

--- Шöр юкöн,кодi артмöма 1 юрысь.

--- Бöркыв, кöнi фотокарточкаяс отсöгöн  вöчöма удж кузя медшöр кывкöртöдъяс.

--- Содтöдъясö пыртöма информаторъяслысь фотокарточкаяс да индöдъяс.

Шöр юкöн

1 юр.

Керкакőд йитчőм эскőмъяс.

1.Керка вőр корсьлывлысны кыйсьысьяс-вőралысьяс.  Корсьлысны да сэчче нулысны мортсэ, коды кőсйе стрőиччыны. Вőрсэ корсьлысны яг выв местаысь, косынысь, став пуыс вőлы конда. Ручсаяс  пырджык  вайлысны  Эжва сайысь пурйőн. Медводдза венеч улő пуктывлысны гőрд деньга, вурун, кőйдыс( ид, сю), мед вőлы озырлун да скőт. Керка матич лэптőм бőрын пуктывлысны парта вина( примернő 0,75л) да ыджыд черинянь. Бőръя керка кер пуктőм бőрын кодке-пырджык őти, коді збойджык да смелджык- котőртлывлыс медвылыс венеч гőгőрыс. Керка юр лэптэм бőрын вőчлысны чомőр. Керка лэптыген уджалысьяс-отсасьысьясőс вердысны-юкталысны пőттőдзыс, вőчлысны ыджыд гаж. Деньга эз босьтлывлэй, а уджалысны водзőсэн. Лудыкőс коллян лун-Ыджыд четверг войő. Чукőртлывлысны лудык спички кőрőбő, пысавлысны  кőрőбсő шőрт йылő да нулысны шор сайő, мед бőрсő эз вермы локны. Нуигас колльőдлысны кык бőрдысь.  Гидад «дед» пе олэ, вőвъястэ пе куштэ-гőгрőсэн. Гашке, збыль ог тőд. Муккедырйи пывсянад видлалан юрситэ, да прать аддзан. Сійе юрситэ дзуге. Дедыд радейтэ. Медым скőттэ видзны лёк вынъясысь, колэ верба лунэ вайны верба керка-картаő, гидын скőтőс небыдика вачкалан, медым тыр да бур лоő керкаын да скőткед.

2.  Пуяссӧ керка лэптӧм вылӧ бӧрйывлίсны войвывладорысь, мед кольчаясыс керйыслӧн вӧлίны посньыдӧсь. Пőрőдлысны выль тőлысь чужőм бőрын, сэки пе пуыс вына.  Пусӧпӧрӧдлίсны лучковка пилаӧн. Пу йывсӧ чинтавлίсны тьӧс вылӧ. Тулыснас, ю воссьытӧдз на, бур места корсьӧм бӧрын керъяссӧ пуръялӧны, сэсся виччысьӧны, кор пурйыс ваын лоас, и сы бӧрся на Кузӧб ю кузя кылӧдӧны Эжваӧдз, а сэсся и верстьӧ йӧз Руч ютί кыскӧны гезйӧн. Мыйӧн ваыс ямас, заводитӧны кырсьысьны, а бӧрынджык тшупсьыны. Пиларамаясыд сэки эз на вӧлӧй, сы пыдди вӧлί вӧчӧны кык телюг (кык метра судтаысь), сэсся ёнджык  корсьӧм йӧз, сы вылӧ лэпталӧны керъяссӧ и пилитлίсны сίйӧс  джодж да пӧтӧлӧк, ӧшинь да курич вылӧ. Венеч улэ пуктывлысны деньга, гőн ыжлысь, мед скőт вőлы. Мыйен сруб лэптыссяс, кодке котэртэ керка сруб вывтыс да сиő бурторъяс. Керка быд пелес улő пуктывлысны сюръяс, кодъясэс медводз őбжигайтлысны. Видз вылэ петтэдз на керкасэ лэптыны помалэны. Ми вőлы шуам «гőбőчын олысь».  Ме сійес ачым аддзылы. Ми вőлы мőдар важ керкаас на олам. Ӧччыд ставныс вőлы  узены, ме ог вермы узьны, чеччы да сё морő сулалэ гőбőч дорас, дзоляник 1,5 метра кузьта и эм, паськема, мальчик кодь, этатшем чугун кодь сьőд шапкаа, мыйла петкеччыс мены мог тőд, но эз сёрнит мекед, босьтыс да сэсся гőбőч  поскедыс лэччыс. Менсьым вересэс вőлы радейтэны: балябőжас зэв уна посни кőса кывемась, некыдз он вермы разьны, нинэмен, пőрысьяс висьтавлысны, вундынысэ пе оз позь, а то кулан, сідзи и олыс, сэсся ачыс корке бырас. «Олысяыс» овмечче сэтшем керкаő, кодэс правильнőя стрőитэма: керка лэптыген колэ бура тőдны керйыслысь дінсэ и йывсэ-сэки бур олэм лоас. Пőльőй на висьтавлыс, мый Дереваннőйын на олыген керкасэ лэптыген керйыслэн йылыс ен ув пелесас лоöма, абу правильнőя пуктэмась, сэсянь керкаас ёна касьтиччема, шудтэм керка лоема-морт юр оз ов, некод оз вермы овны. Сэсся ковмас эновтны.

3.Водзын овлίсны гӧльяс да озыръяс. Менам пӧль вӧлί озыр купечӧн, сίйӧ лэптывлӧма кык судта керка.  Медводз тӧдысь йӧз кайӧны вӧрӧ бӧрйыны пожӧма-козъя места. Сэсся батракъяс пӧрӧдӧны бӧрйӧм пуяссӧ керка лэптӧм вылӧ и тӧвбыд кыскалӧны-ваялӧны керъяссӧ вӧла доддьӧн. Тулыснас кырсьысьӧны-тшупсьӧны и му косьмӧм бӧрын лэптӧны керкасӧ.  Сы бӧрти стенсӧ керка пытшсьыс гогналӧны, а пӧтӧлӧксӧ вӧчлывлίсны вӧсньыдик коз пу керйысь.»«Менам ыджыд бать-мамӧй (Гичевъяс) вӧлӧмаӧсь кыкнанныс синтӧмӧсь, но быдтор жӧ вермылӧмаӧсь вӧчны. Ас рӧдвужыс отсалӧма лэптыны ляпкыдик, но шоныд керка. Сы пытшкын вӧлί ыджыд пач паччӧрӧн, пӧлатьӧн, улӧсъяс места ас киӧн вӧчлывлίсны лабичьяс».

Матичсӧ лэптӧм бӧрын колӧ котӧртны ӧтар помсяньыс мӧдарӧдзыс томджык мортлы ас рӧдвужысь гартыштӧм чышъянӧн, кöнi вöлi черинянь, ид нянь, самöкур бутыль, стӧкан и пань. Тайӧ обрядыс петкӧдлӧ, мый керкасӧ лэптӧмаӧсь ёнӧс и олысьясыслы водзӧ кокньыдджыка овсяс тайӧ выль керкаас. Шуены кык ног: «керка видзысь» и «керкаын олысь». Эм шань керка видзысь и лёк вőчысь. Сійе верме лоны нывбаба рőд и мужичей рőд.  Корсюре гőна, важ паськема, лёкиник. Бур олыся оз старайччы петкеччывны, а вот лёк олыся лёктор вőчő войнас повзечче, грымге, őдзес восьталэ. Лёк олыся ке эм, колэ вежа ваőн керкатэ резны. Тшőтш же обрядкед йиччема: керка лэптыген, мőдőд кер вылэ пуктэны сёян, сэтшем же сёянэн вердэны őччыдысь вонас.

     Выль керка петίгӧн медводз лэдзӧны баба каньӧс, мед олысьясыслӧн челядь лоӧ. Бать-мамыслӧн Ен Ӧбразӧн петӧны выль керкаӧ. Медводз пырӧны кӧзяин да кӧзяйка, сэсся и налӧн челядьыс да бать-мамныс. Сы бőрын корены пырны « керка видзысьсэ».  Кőзяева őти вой узены выль керкаас.  Мӧд асывнас корӧны попӧс сьылӧдны, резны вежа ваӧн  и тшынӧдны туся пуӧн вомдзалӧмысь керкасӧ. И сӧмын на мӧд луннас корӧны рӧдвужсӧ, тӧдсаяссö величайтны выль керка вуджöм.

4.Первой колэ вőрысь пőрőдны, сэсся колэ, войдőртő,чинтавны, зэв-ő кузя кőсъян лэптыны керкатэ. Пуяссэ пőрőдэм бőрас колэ ваявны вőлэн. Мунан вőрад, коскедзыд лым. Ёна и собалан. Кертэ пőрőдан 6-7 метра, сэсся и лым пийсьыд колэ петкедлыны, лэччедлыны, кынőмыд сюмалэ, няньыд абу, паськемыд лёкиник. Ставыс вőлы. Сэсся горт дорад ваян, кырссян ставсэ, вőлисти тшупан да лэптан. Керкаыд вőлы нёль пелеса, а кымын сэсся вőчан, тшупсьысьясыд да кőзяева асьныс вőлы тőдőны. Уджыс шусьылыс помечőн, уджавлыс дас кымын морт, винатэ уна вőлы заптэны.Керкатэ лэптывлысны пожőмысь, венеч увсэ пуктывлысны ниаысь-озджык пе сісьмы.Керкалысь шőрсэ юклыс матич. Корасигад тай жőникыд да вежайыс локтőм бőрас пуксьőны матича улő да нылыслőн мамыслысь либе батьыслысь юалэны, сетас оз нывсэ, оз ке сетны, сватайччысьяс петасны да гортысь őдзőссэ оз и пőдлалэй, восьсэн колясны. Матич вылэ őшőдлысны и потан. Пысаласны кольча, сэсся лайкан и потансэ, миян тай век керка шőрас вőлы. Тайен и бур матичыд.Ӧшиньтő вőчлысны лунвывлань, уна да эз ыджыдэс, свадьба дырйытэ,кор чукőрччывлысны нывлőн керкаас, гозъя пуксьывлысны кык őшинь костő, мед пе век вőлы олőмыс шуда да югыд.Миян Покаад вőлы куим керка, ставыс разнőй. Ен ув пелесыд век вőлы асывводзас, быд керкаын. Покаад  лэптывлысны керкаястэ визьőн, ёна сотчемсьыд лои повнытэ. Корке керка őти соччылыс- Изосим Ладимерлőн да őд, господь, ен ув пелесыс дзоньőн кольлы, нинэм эз лолы, ачыс шуő: « Енмыс пе видзис». Ен ув пелеслань  и кулőм морттэ воттэдлысны юрен, а пелесас пуктывлысны ва, тшай, сёян. Сёяныс пыр сулалыс нелямын лун, но тшайсэ вежлысны, горттэ петкедэм бőрын кодке колльчывлыс гортас да куимысь восьтлыс да пőдлавлыс őдзессэ, мед пе выль кулысь регыдъя кадэн  оз ло. Со őд őдзесыд на кыдз ворсэ.Торйőдлым кык керка вылэ:гожся да тőвъяна, шőрас посводз вőлы, сэки őд олысьыд уна вőлы и овмесыд ыджыд. Карта тшупан торйен, шусе стын- турунтэ сэчче пуктан вылысас, а улысас скőт олэ. Пачыд ыджыд вőлы, колэ мед взводыд эз шыльыд вőв, őтар-мőдар кирпич пукталан, сёй кисьтан и оз гылав взводыд. Пачыд паччőра, пőлать вőлы- челядьыд узьлэны. Война бőрад зэв уна лудікыд вőлы миян Покаад, господьőй, гőрд, узьнытэ он вермы, гожемнас джоджő вőлы водалам. Кыдзи вőтлам? Нетшкам нявда турун, пукталам быдлаő, став пелесас, сэчче пырасны да сідзи и петкедлан, оз воны узьланінад.

5.Кыдзи лэптывлысны керка? Ӧнія моз же. Первой пőрőдасны, сэсся кырссясны, кос местае фундамент лőсьőдасны, őти судта лэптасны сэсся нитшкаласны гőгőр, бара лэптасны, но йőзőс чукертасны помече, некодлы нинэм оз вőлы мынтысьны, и сідз őта-мőдлы отсасьőмőн. Керйыс вőлы пожőмысьджык. Бőрйывлысны пожема ягысь. Медым эз тіль вőр вőв . Пусэ пőрőдэны, кор тőлысьыс бőдмő, сэки пе став выныс да ваыс  пуыслэн вужъяс пыре и озджык сісьмы. Керкасэ стрőитысны разнőя: коді гőльджык-нёль пелеса, коді озырджык да вермőджык-квайт пелеса либе кык судтаа. Первой венеч улő пуктывлысны пелесас изъяс, а кер костас гőрд деньга, кőзяйскей озырлун  мед лоő. Матич пуктэм бőрын, кодке збойджык котőртлыс сы кузя.Ӧшиньыд посни, мый пасьта стеклőыс-сы пасьта и őшиньыс, рамаыс эз вőв, видзедыс лунвылэ либе асыввылэ. Керка пытшкын ыджыд места босьлыс пач. Пачыс ке пыдын и пач вомыс видзедэ водзлань, то пызаныс лоő őдзес дорас, сёян пызан весьтő и вőчлысны ен ув пелес. Керкаад пыран да медводз посводз, сэсся őти джынйыс вőлы дзоля-тőвъян керка, медым шоныд вőлы, позис узьны пőлатьын, гőбőч вылын, и мőд керка-ыджыдджык, гожъя, мед вőлы паськыдын, простор. Сэсся и сарай на вőлы, скőтлы, турунтő ваян, медым кыпедны турунсэ, вőлыны сарай посъяс-киричőн шуисны да вőв додьнас и катőдőны сарайőдзыс.Улőсъяс асьныс кőзяинъяс вőчлысны.Лудыктэ вőтлыныд вőлы сьőкыд, найе весиг оз кынмыны тőвнад, тőрőканъяс моз: заваритан дука турун да сійен резан гőгőр, паськőмтэ и. Сійе быд керкаын эм. Ми шулым «керкаын олысь» да «керка видзысь».Оз быдэнлы петкеччы. А петкеччас ке – лёк водзе. Мыйла «керка видзысь?» Водзын ни йиган, ни томан эз вőв.  Вот и видзлыс став лёксьыс, бокевей мортысь, и мед керкаад ставыс вőлы тыр-бур. Менам на чожинь овлыс чоййылын да вőлы волывлэ миянэ, пыр тшőктэ ножичен балябőжсьыс кőсаяс вундыны, олысяыс пе кывема. Сійе олысяыс юрсисьыс босьтэма да ой-ёй вőсни гоз-мőд кőсаяс кывема, ачым синмен аддзылы, кыдз сідз артмылэма? Ещő мам век шулыс: « Керкаад пе оз позь увгыны, гораа сёрнитны, ёрччыны, сэк пе керка видзысьыс пышйе, пыр колэ овны лőня, őта-мőдőс уважайтны. Кодъяс пе пинясены, сэк шуены: « Налэн пе олысяыс важен нин пышйема-мунэма».  Пőрысьяс шыеччылысны: « Керка видзысь, отсав видзны миянлысь челядь.» Выль керкае петыген корлысны:» Мунамей  миянкед тшőтш выль керкае овны». Выль пывсян стрőитэм бőрын, первой пывсьысьыс кор петэ, шуе:» Лок менам важ пывсянысь мекед тшőтш выль пывсянэ мунам», колэ пе вед ещő чистőя на корны. Шыеччывлым кыдз ен доре: отсав меным сійес вőчны, либе мед скőт бурдэдас. Керка видзысьсэ почитайтлысны: пуктывлысны пелесас нянь, радейтэ пе сійес.

6. Вőрсэ пőрőдасны, кырссясны, сруб вőчасны тшупсьыны, нитш вőрысь перъясны, сэсся тшупсьőм бőрас и лэптасны.Фундаментад сюйőны кызсьыс-кыз кер, венеч улő пуктасны ид( ячмень) тусь, вурун, ен ув пелеслань кőрт деньга, скőт мед локтас,ыжъяс, вурун пуктэны. Вőчасны кат, сы кузтя и керъяссэ лэптасны. Ӧти морт лőсалэ иатич, став мукедыс керка лэптэны, юрсэ вőчтőдз и матич пуктены. Сэсся матичас őшőдэны сёян да водка сюлька, сэсся кодке смелъясыс кер вывтыс кытшовтасны гőгőр, матичсьыс мый őшалэ босьтасны да сёясны-юасны.Гőгőрыс вермены, вőлőм, кытшовтны. Сруб вытыд век кытшовтэны юрсэ лэптытэдз.Пилорамаыд эз вőв да вőчőны кузь ыджыд телюг, кузь пилаőн пилитэны: тьőс-вевтьőс вылэ, плака-джодж да йирк вылэ.Мишő Ӧльő мастер вőлы, лабичьяс вőчавлыс:кыз плакае, мед оз чег, помсэ розьőдасны, кокъяс сюясны и дась лабич. Вőтлőны лудік турунőн, кустэн быдме, вольпась дорад юрвывланяд пуктан Петыр Мишкаын узим да аминь-аминь лудікыс! Петыр Миш вайис лудік турунтэ да вольпась гőгőр вольсалыс, но вияс али мый сія, а сідз пывсянын тшынőдőны: пывсян вőдитасны, пőдлалан жарőн, сэчче и кőлуйтэ őшлан, асьныс сэсся гылалэны жарсьыс.Дедэн, бураке, шувены. Петкеччывны оз петкеччыв, оз явиччи, аддзан ке сійес керкаыд «шышкőссьő», лоены «бубуляяс».Лёка ке кутан овны, дедыд пышъяс.Мед лёк омőльяс оз локны, пырны керкаад, молитваяс висьтавлан, керка гőгőр ветлэдлан да «Верую» вőлы сьылам.Пызан пелесад дедлы век сёян пуктан, мед тшőтш пукалыс.

7.Тайе керкасэ, кőны őны ме ола, стрőитлыс на менам мамей да батей, найе самей зачинщикъясыс вőлыны, бур йőзыс отсалысны да рőдвуж лэптынысэ, суседъяс. Сэки őд ветлэны вőлы водзőсőн, деньга и нинőм оз вőлы босьтны, некод оз ю и, őбедőн вердыштан и всё, но пызан вылад ваян ставсэ мый эм, нинэм ан жалит. Сэки ёна отсасьлысны: őти őтитор вылэ волэ, мőд мőдтор. Вőрсэ бőрйылысны мужичейяс: пуő кленőдэны чер тышнас, шы серти и тőдмалэны: гора кылэ-бур пу,оз ке –пуыс пытшкесыс тőштшő.Кőны косджык места вőлы, сэчче и сувтэдлысны.  Ӧшиньыд куим вőлы, видзőдыс шонділань, а кыдзи сэсся и керкаыд сулалыс. Стрőитлысны Ручад радőн: туй őтар бокас видзедэ рытыввылő, а мőдарас вочаыс-лунвылő, войвылас гежőда стрőитысны, местаыс ке эз нин сюрлы.Джодж улад гőбőч вőлы, торъя гу на кодйылысны.Лабичьяс,улőсъяс, джаджъяс батьő вőчавлыс, но и мастеръяс ны вőлыны. Крőватьыд эз вőв да пőлатьын узьлывлым-вőчлысны стен пасьталаыс, ставным тőрлым, да и гőбőч выв вылын узьлым. Пачыд керка шőрас вőлы ыджыд. Вермысьясыдлэн комнатаыс уна вőлы, вежőсъясőн шулысны.Ен ув пелес лунладорас либе асывъядорас  вőлы, пачсянь зависитэ, пач дорад őд он вőч, весьтад. Свадьба дырйыд, кор зонмыс локлыс ныв дорас, сэк нылыс пукавлыс ен ув пелесын, татшем обычай вőлы. Нывбаба пач дорад и овлыс: пусьылыс, скőтлы лőсьőдлыс.  Керка пőтőлőке őшőдэны потан. Скőт карта вőлы торйен.  Керкаса олысяд быдлаин кőзяин, весиг гидын вőлы кőса кыő вőвъяслысь, кутшем гőнаőс радейтэ, сылы и кыэ, торъя нин сьőд вőвъяслы, мыйла олысяыс ачыс сьőд да. Мед ёна эз пакесчы, колэ синйыны: позьő гидад пернапас пуктыны, верба сьылőдőм őшőдны, сэсся нинэм оз ло. Выль керка пыриген медводз пыртлысны пес чурка, мед керкаыс шоныд вőлы, сэсся кань. Ёнджыка вуджлысны Микőла лунэ. Выль керкаэ петыген керкас пыртэдз асьсэ керкасэ да őдзессэ пернапасалам, копырччылам лунвывлань да войвывлань и шкалам: «Омőльыс да лешакыс мед керкае эз сибавны, наысь керка видзысь менсьым керкаес видз».

8.Водзын керкаыд пőлатя, паччőра, нёль пелеса вőлы, кодъяске квайт пелеса вőчлысны. Миян быдмигад  зэв ыджыд крестьянскей  керкаяс  вőлы, вежőса, őтгудырőн и овлым. Вőрсэ бőрйены тőдысьяс: важ йőз вőлы вайены кос конда вőр, сійе őд ён. Керка стрőитőмсэ помечőн шуены, отсасьнытő волысны ас рőдвуж  да суседъяс.Керка вевт пőката вőлы, őні тай ёся вőчőны, сэсся стына на вőлы, сэны пытшкас гид, мукедыслэн конюшня на и. Ӧшиньыд быдőнлэн уна вőлы, ме помнита на, « косіник» őшиньяс, мőд ног посньыдик, дзоляник. Стынас вőлы розь, розь пыр и сёдчены. Быд керкаын вőлы ен ув пелес- « краснőй őшинь», маме на висьталыс , мед вőлы либе асыввылын либе лунвылын, вой да рытыв пелесэ оз позь, абу югыд местаыс. Улőсъяс, пызанъяс, лабичьяс мастеръяс вőчлысны, сиктад кодке да кодке вőлы. Лабичыд разнőй вőлы: пыран лабич, кőтшас лабич, куйлабич. Пачыд ыджыд, паччőра, őні на сё пасибő шуан: « Шоныдысь да лы-сьőм шонтőмысь». « Керка видзысьтэ» ми вőлы шуам « олысяен» либе « гортсаőн». Олысяыд эм быд керкаын, кőны олэны йőз. Керка, кőны йőзыс абу, олысяс оз овмеччы. Сійес быдэн аддзе ас ногыс.Миянлы пыр висьтавлысны, мый сійе ичет тушаяса старик.Олыся верме петкеччыны асьсэ сőмын шыяс отсőгőн. Сійе либе камге стенме либе стен сайын кышечче. Кылан ке тайе шысэ- сідзке лёк водзе: либе кодке кулэ семьяысь либе чорыда висьме. Кор петан выль керкае, сійес тшőтш коран . Шуены: « Лок, олыся, мунам.» Быд семьяын кутшемке лунэ ( вонас őччыд)- бураке Рőштво дырйи, вőлы вердэны олысясэ. Керкаын, кутшемке пелесэ. Дозйын пуктэны нянь да йőв. Ми петым выль керкае ыджыд мамлэн венчайччан Ен őбразőн. Медводз лэдзлым каньőс, а бőрыннас сőмын на асьным пырим гőстинечőн, мед гортса олысьыс эз скőрмы. Ещő вőлы сэтшем обряд őблőжитчигас: керка под улас пуктывлысны карталаньыс-вурун, ен ув пелесас-деньга, а пачводз пелесас олысялы-шыдőс. Кутшőм обрядъяс ещő? Корасигőн: корасьысьястэ позьő гőгőрвоны кőлуй сертиыс да сёрни сертиыс, керкаад пырены да пуксены шőр őшинь дорас. Гидад « олысяыд» вőлы же, мучитлывлэ скőттő. Вомидзыс тшынасьлысны. Ыджыд рытэ петőны керка-карта, гид кытшовтőны, туся пуőн тшынőччőны, крест вőчőны őшиньő да őдзőсэ, мед еретничаяс, куттяяс, лёк вынъяс эз пырей.

9.Медводз корсясны вőрсэ, сэсся пőрőдасны, пőрőдőм пуяссэ трилюйтасны вőлőн, сэсся помечасясны, стрőитасны. Пőрőдчынысэ весиг нывбабаясыд каясны, ме зэв жő ёна пőрőдчывлы, быдлаő бабаясыдлы мужикъясыдкőд тшőтш вőлы колэ мунны, найе őтнаныс оз вőлы уджалэй. Керъясыс вőлыны пожőмысь, улыс венечьясыс-гырысь керъяс, а сэсся вőсньыдджык. Керкасэ лэптывлысны мужичейяс, а бабаяс отсасьлысны-нитшкасисны. Пукталам нитшсő-тапкőдам, кольяс веськавлэны да шыблалан, дерт жő, отсалан керсő местаő сатшкынысэ, сэсся кельőб вőчасны да кельőбнас гőгőр сюялан őтарсяь-мőдарсяньыс, китő сюян, кыччедз судзан. Удитан ке и крышасő лэптан да тьőснад вевттян. Сэсся и пытшкőс уджнад лоő ноксьыны: стен лэдзан, ми Петьőкőд, кыкен и лэдзлым тайő керкаыслысь стенсэ, сэсся кык воропа инструментőн стружитлым тьőс плакаяссэ, Петьő лэпталэ, а ме пыка, сэсся джодж тадзжő. Воддза керкаыс нёль пелеса вőлы, а тайе квайт пелеса. Сэсся на ставсэ őтнам тшőкőтуриты сёйнад  дай  мőдарсő тшőтш, ставсő краситы, уджалőм бőрад локтан да войнас ставсэ вőчан.Ӧшиньыд куим вőлы, дзоляник, век видзőдő лунвылэ либе асыввылэ, рытывланьыд озджык. Кильчőыд торйőн вőлы. Ми вőчлым гожъя да тőвъя керка, шőрас посводз, сэсся мőс карта. Пытшкас , пыран весьтас, пőлать, бокын гőбőч выв, паччőр, век на важ мозыс. Пőлатяд да паччерад зэв лőсьыд узьнытэ, он ке тőр и джодж  пасьтала на вольсалан турун  вольпась( прамőйыс őд эз на вőв), турунтэ сюялан мешőкő моз и вольсалан, кор чирссяс туруныс и шыбитан. Пачыд őти ыджыд вőлы, мőдыс дзоля кőрт, кык пач вőлы, дзолясэ ломтывлам ёна кőдзыдъяс дырйи. Ӧны ке некодлőн и татшем ыджыд пачьясыд и абу. Стен гőгőрыс вőлыны кузь лабичьяс. Керка видзысьыд пе век эм. Ме вексэ шулы олыся. Сійе дзоляник, кага кодь, гőрд дőрема, войнас гőбőчысь петавлэ. Вермас жуглыны тасьты-пань, сэки сійе оз лёкав, а вильшасе пе тадзи. Асьсэ лыдде кőзяинэн, вексэ пе гортад олэ, кыччедз керкаыс оз кисси. Ме доре детинка Руслан нима волывлэ, да корке лукла пыравны тшőкты керкае, да кыдзке őдзессэ ёнджыка шняпкема-пőдлалэма, и шлёчкысис пе мыйке керкаад, ачыс садьтэг повзема. А ме шуа, колэ пе эд висьтасьны олысялы мый тайе тэ, Руслан, мый ме локты, абу йőз, абу гусясьысь. Мукеддырйи ачым керкае пыра да гораа кызэктышта и шуа: « Олыся, тайе ме пыра, эн повзи». Сійес пе тőлысьнас колэ őччыд вердлыны чőскыдторъясэн, колэ пе сёян пуктыштлыны, ме тай эсче пелесас пуктывла-а. Выль керкае петэм обрядыс вőлы татшем:őти пелесэ пуктывлам деньга-сьőм, мőд пелесас вурун, коймőдас –тусь( шыдőс) керка олысьлы, и мед сёяныд керкаад век вőлы. Сэсся петан выль керкае нянен да солэн( векджык петавлэны Митрей суббőт рытэ), корам гőсьтъясэс, а найе выль керка пытшсьыс пелесъяссэ неуна саőн мавтыштэны, мед керкаса олысь чистőя олыс. Гидын олысяыд вőлы же. Верба лунэ быд тулыс лэччан гидад да вачкалан и шуалан: « Верба вачки, ме ог вачки».  Ыджыд лун  вой водзад петан- туся путэ тшынőдан, став пелес, быд розь.Сэсся пуктан туся пусэ őдзес весьтад, пасъян ещő крест őзőс весьтад. Помнита ещő кагатэ гőбőчын вайлысны, пыртасны гőг вундőм бőрын и всё. Потансэ őшőдлысны пőтőлőксянь: сюйены кольча, сэсся кузь зіб и лайкан. Сватайчигад  корасьысьясыд керкаад беддьőн зőркőдчены, сватайчысьяс сувтлэны матич улэ, волэны кыкен ныв дорад.

10.Кычче лэптывлысны? Кőны вőлы пőль-пőчьяслэн, бать-мамлэн, рőдвужлэн важ керкаыс, тőда, мый оз позь стрőитны соччем местаő.Керкасэ лэптывлысны пőрысь йőз, олőма мужичейяс, да и бабаясыд нитшкасьлысны, ме ачым нитшкасьлы же. Стрőиччемыд вőлы празьник кодь , őд выль оланын аслыд кыпőдан. Тайе керкасэ стрőитыгас керъяссэ вайлым войпокаысь, лэптым нитш вылэ. Пуяссэ бőрйывлыс тőдысь морт, специальнэ катőдлысны вőрад. Став пуыс вőлы пожемысь, веськыд, бőрйены кыдз кызджыкес-мед őдйő оз сісьмы. Вőрсэ пőрőдлысны водз тулыснас.Ми тьőс-плакаяссэ пилитлым ставсэ кипомысь, йирксэ пилитлым же. Венеч улő кőзииныс пуктывлыс деньга, медым керкаыс вőлы эмбура, озыр. Менам верőсőй, шонъянőй, керка юр лэптőм бőрын  киас нянь-пőжас да вина сулея босьтіг мунлыс кытшолőн керка сруб гőгőрыс, матич вывтіыс, лэччис бőр, а нянь да винанас вердлыс-юктавлыс керка лэптысьяссэ, вот татшем обычай вőлőма. Ӧнőдз на то сулалэ тайе керкаыс. Мыйен матич лои кыпедэма, уджыс сувтлыс, сійе луннас юктасьлысны винаőн.Ӧшинясыд вőлы посниőсь, старайччывлысны писькедны лунвылő либе туй бокас ке–асыввылэ видзедэны. Век старайччывлысны вőчны квайт пелеса, вежőс сай на мед вőлы. Быд керкаын, менам на и эм, вőлы ен ув пелес, керкасэ видзлыс став лёксьыс, вőчлысны асыв-лунвывладор. Пызанъяс, улőсъяс мастеръяс вőчлысны. Найе őд сэки вőлыны же. Лабичыд стен гőгőрыд кузяла вőлы, őні сэсся ковмис пилитны.Пőлатьыд кузьтала же вőлы, ме тані и быдтысьлы, дзоля каганад каян да сэны и узян. Пачыс вőлы кык ногыс: őти ыджыд и őти дзоля- кőдзыдъяс дырйи ломтыны. Гортад олысяд войнас сőмын ветлэдлэ, некор оз пакőстиччы. Луннас  гőбőчин олэ. Лёксэ мортыдлы нинэм оз вőч, őтвыв олэны, сőмын тай мый он аддзы. Керкатэ стőрőжитэ. Весиг гидын вőвъяслысь кőса кыő, кутшемес радейтэ, сылы и кыő. Кыőм кőсасэ оз позь  вундыны, сэні пе став выныс, вермас дыгдыны сёйны либе чужъясьны кутас. Мучитны на верме-а, кодэс оз радейт. Сэки верба лунэ вербанас став скőттэ шлочőдлым, мед вежа ставныс вőлыны, а ва вежőдан лунэ, мőд ноген ке куття лунэ, вежа васэ босьтан да резан гидтэ и картатэ, мед век вőлы югыд да сőстőм.

11.Керка лэптывлысны артельőн, чукерччемен. Вőчлысны пожőмысь, важőнтэ вőлы пуас котш-котш черőн вőчасны и шы сертиыс тőдмалэны: сісь ке- őти шы сетэ, а шогме ке-мőд пőлőс шы кылэ. Ӧнітő сплőшь, кутшемес сетасны, сэтшемес и лоő пőрőдны.Важся керкаыд сё во сайе сулалэ, нинэм о зло, őніяыд ветымынсэ оз ов. Менам тайе керкасэ лэптыген морт кызь кымын помечавны чукермылыс. Ставыс, коды тőдса, волысны. Керкаыд вőлы тőвся-дзоляниктор, а гожся-кык вежеса-ыджыджык. Ӧшиньыд посни вőлы, видзедэ сэчче, кőны главнőй туйыс вőлы либе асыв-лунвылэ, медым туйсэ аддзыны. Быд керкаын ен ув пелес, видзедэ асыввылэ.Пőлатьыд, гőбőч вылыд добра, ставным узьны тőрам. Торъя комнатаяс вылэ оз вőлы торйедны, пач водз торйедлысны занавесőн. Пачыд ыджыд вőлы-кресьтьянскőй шусьылыс, мед ыджыд, зато меным шоныд, став сёяныс чőскыд. Керка доре виричьяс сувтőдлысны, нёль кок вылын, висьőмыд оз кай мусяньыд, видзан лук, сёркни, капуста, чеснок, ставсэ кőйдыс вылэ видзан-быдтан, кőйдысыд сэки эз вőв, ачыд вőдитан. Олыся? Кывлы сőмын, мый олыся керкаад чераньвез кыő, сідзке керкаыд шуда. Сыкőд пыр колэ сёрнитны, нинэм лёксэ оз вőч. Пач сайе пуктывлым кőвдум и вой кежлас кольлым, мед керка видзысьыс век пőт вőлы.

12.Важентэ вőлы помечен лэптэны.  Яг выв вőрысь пőрőдасны, вőлőн ваяласны, кырссясны да тшупасны, нитш вылэ  артельőн лэптасны. Керйыс ставыс гőрд  пожемысь вőлы: мича, шыльыд, гырысь да кыз. Эжва сайсьыд керйыд вőлы вына, дыр оз сісьмы, а парма вőрыд пе омőль. Пелесъясас сирőд мыр вőлы сюйены, озджык сісьмы. Венеч улő пуктылысны быд пелесэ пуктылысны деньга, озыр каитысны. Стрőитысны кос местае. Кык керка –őтияс тőвйőны, мőдас-гожйőны. Стенъяссэ лэдзőны чукля воропа черőн, стружитэны. Вőчасны телюг, медым тьőс-плакаяс пилитны.Ӧшиньыд дзоля, видзедэ лунвывлань либе мир туйланьő. Гőльяслэн-нёль пелеса, озыръяслэн-квайт пелеса да вежőссая. Сэки мастеръясыд зэв уна вőлőма, вőчлőмась пу тувъясэн, асьныс кузь пилаен пилитэны.Кирпичсэ асьныс же вőчалысны: сёй да лыа отсőген. Асьныс шабді да пыш кőдзőны, сэсся вőчасны кудельőдз, печкасны, сэсся асланыс станок вылын кыасны ставсэ, вольсаласны гőгőр. Выль керкаő петэны медводз найе, коды кутаыс сэны овны. Босьтэны ен őбраз, ыджыд блюдйő пуктэны пőжалэм нянь, кампет, чепőль сов. Дзоля дырйи «дед» ворсэмысь ворслым. Коколюка босьтам, лабиче каям да тшőктам гőбőчысь петны дедлы, коколюкасэ шыбитам, а асьным пышъям.  Керкаад олысяд быдэнлэн эм: кодлэн ке картаас, гőбőчас. Серпасавлысны дзор тошка, дзоля тушаа пőльőн. Мукеддырйи тешыччывлыс: войнас пőттэ, узьныд он вермы, ставыс позялас, лигышмас, шыяс сеталэ,но повнысэ оз ков. Медым радейтыс, колэ вердны-юктавны, нянь, тай,бураке, пуктывлэны. Лудыкыд водзын ок уна вőлы, войнад сёйő, узьныд он вермы. Эжва сайысь ваян дука багульник, пукталан быд пелесэ, но оз же ёна отсав.

Бöркыв.

Эз быд керка комиын донъявсьы, а кодiвöлicтрöитöма ритуал боксянь правильнöя.

                        Керка лэптiгöн, весиг вöрыд мед вöлi «ловъяöн».

Медводдза венеч улö пуктывлiсны гöрд деньга,вурун, кöйдыс (ид,сю),                  мед вöлiозырлун да скöт.Керка вевт йитчö вылыс космоскöд, гöбöч- му пытшкöскöд. Керка вевт вöлi ортсыса инöн пытшкöс тасöн.